مداكرة:جينيراتور أحادي لحالة

Untitled

سلام أ دّراري @OussamaOuh, Reda benkhadra, Anass Sedrati, سمير تامر, و عصام أزناك:. ف هاد لپاج تّستعمل حرف ژ ب عتيبارو زاي مفخمة (ديژاين، ژيژون، برژط، ؤ زيد ؤ زيد). مبدئيا لفيكرة زوينة، ولاكين تقدر ماتكونش عملية عند بعض نّاس. تانا براسي ماعنديش هاد لحرف ف لكلاڤيي لّي كنخدّم، ؤ غادي يخصني نبدا نقلّب عليه كولا مرة يلا بغيت نخدّمو ف لكتبة. كاينين دابا 3 د لحتيمالات: 1/ يتزاد رسميا ل لحروف د دّاريجة ديال ويكيپيديا كا زاي مفخمة باش يكونو نّاس عل أقل واعيين بيه، ؤ نشوفو ف لمستقبال كيفاش نقادّو لكتبة د لكلمات لّي بيه (عطاشة د لبوت؟)، 2/ مايتزادش رسميا ولاكين مامنعوهش يلا بغا شي حد يخدم بيه، 3/ نحيّدوه ف مرة ؤ نعوضوه ب زاي عادية. --Ideophagous (نقاش) 10:45، 14 ماي 2021 (+02)

شكرا @Ideophagous: ملي جبدتي هاد لقضية. صراحة، راه فايت جبدنا لهضرة ف ميزان لكلام علا لقضية د تفخيم ؤ ترقيق ؤ لخلاصة كانت هي ب ضبط لقتيراح تالت ديالك. --Reda benkhadra (نقاش) 11:13، 14 ماي 2021 (+00)

وي، لإشكال هوّا راه كاينين بزاف د لحروف لمفخمة ف دّاريجة (ز، ب، م، ر، ؤ غيرهوم)، ؤ غادي يخص ليهوم حل حتا هوما يلا بغينا نديرو ليهوم حروفهوم. صافي ضونك غادي نبدلها ب زّاي لعادية. --Ideophagous (نقاش) 13:43، 14 ماي 2021 (+02)

سلام خاي @Reda benkhadra:. عاد ساليت شاپيطر علا لفونولوجيا ف لكتاب ديال المدلاوي. ب لعكس هوّا كيڭول بلي غادي يخص رموز خاصة ل لحروف لمفخمة، بحال زّاي ؤ رّا لمفخمين، ولاكين ماشي ضاروري ب نّسبة ل لّام ؤ نّون حيت هاد جّوج فيهوم غير حالات معزولين (ماهضرش علا لبا ؤ لميم لمفخمين لّي كاينين حتا هوما). كنضن حاليّان نبقاو غاديين ب طّريقة باش خدّامين، مي نخلّيو لإمكانية باش يتزادو من بعد هاد لحروف، يلا ولات لإمكانية من نّاحية تّقنية، بحال كيفما كنميزو ما بين سّين ؤ صّاد، ؤلا ما بين دّال ؤ ضّاد، حيت راه ماكاينش فرق. --Ideophagous (نقاش) 00:28، 27 ماي 2021 (+02)