ليوپولد جيستينار
ليوپولد جيستينار
| ||
| Léopold Justinard | ||
| ||
| معلومات عامة | ||
| السمية لكاملة | ليوپولد ڤيكطور جيستينار | |
| السمية ديال الزيادة | ليوپولد ڤيكطور جيستينار | |
| لكنية | جيستينار | |
| زيادة | 14 ماي 1878 Nogent-sur-Seine | |
| لموت | 8 فبراير 1959 (80 عام) الدائرة الخامسة في باريس | |
| لجنسية | فرانصا | |
| لحرفة | عسكري | |
| لفاميلة | ||
| لولاد | Pierre Justinard | |
| لعسكر | ||
| لحروب | أيام فاس الدامية و لحرب لعالمية لّولة | |
| لجوايز | ||
لكولونيل جيستينار، بلفرانساوية (Léopold Justinard)، لمعروف ب لكاپيتان شّْلح، تزاد نهار 14 ماي 1878 و مات ف 8 فبراير 1959 ف باريز، هوّ ؤفيسير فرانساوي لي لعب واحد دّوْر مهم ف تاريخ ديال جنوب لمغريب. جيستينار وْتّق بزاف من تّرات لأمازيغي ف لمنطقة ديال سوس، منهار جا لمدينت تيزنيت كضابط ستيخبارات ديال فرانسا، باش يجمع لمعلومات على لقبايل لّي مزال ماستاعمروها لفرانسيس. واخا هكاك لبحث لعيلمي ماعطاش أهمية لهاد شْخصيّة من غير لكتاب لّي خرجو لباحيث رشيد أڭرور، وحتّى داكشي لّي كتب لباحيث كلود لوفيبير ف لقاموس ديال لموستشرقين، و داكشي لّي نشر جامع بيضا ف لموسوعة "معلمة المغرب".[1]
جيستينار كان جا باش يهدّن لوضعية مع لقبايل ديال لجنوب لمغريبي لي نواتها لحيماية لفرنسية، و باش يعاون حتّى ف لموراقبة ديال تحركات ديال أحمد لهيبة لي دعماتو لقبايل ديال لجنوب ف لموقاومة و لجيهاد ضد لموستعمر. وبحكم سْيّد كيتقن تاشلحيت لّي تعلمها ف فاس ملّي كان مكلف ب تْكوين ديال لعسكر لواحد صّف من لعساكرية ديال لمولى عبد الحفيظ كانو كلهم كيهضرو ب تاشلحيت، ستاغل جيستينار هاد لقضية باش يدير لموهيمة ديال ليستيخبارات على حقها وطريقها، حيث تقرب من سكان باش يفهم لعقلية ديالهوم، داكشي لّي ممكن يستاغلوه لفرانسيس فشي تحرّك لّي غادي يجي من بعد.[2]
وكيعتابر ليوپولد ڤيكطور جيستينار ضابط سامي لّي خدم ف لمصلحة ديال لإستيعلامات والشؤون لأهلية لّي تابعة لمصاليح ديال فرانسا فالمغريب، وهوّ متخصص ف تاريخ ديال سوس و ف لْهجة ديالها تاشلحيت. بدا لكاريير ديالو ف لعسكر كملازم بعدما تخرّج عام 1899، ولتاحق بلخدمة ف مدينت قسنطينة ف لجزاير ما بين 1902 و1911 وتمّاك قدر يتعلم لعربية دّاريجة ولفوصحى. وصيفطوه ف 1911 لخدمة ف لمغريب باش يتكلف ب تدريب ديال قوّات لمخزن لّي تابعة للسلطان مولاي حفيظ، لّي فيه شلوح، وتعلّم منهوم لحجّايات... وكان كيشجعو على هادشي لجنيرال كورو وحتّى صمويل بيرناي ملّي خرج لكتاب ديالو لوّل ف 1914 خاص ب تعليم ديال لهجة تاشلحيت خصوصا لموظفين ديال ليدارة دلحماية لفرانساوية على لمغريب، وكان لعنوان ديالو: Manuel de berbère marocain, dialecte chleuh لكتاب لّي نفعهوم بزّاف باش يتواصلو بينهم وبين ناس ديال تما، هاد لموبادرة خلّات ناش خْرين يتشجعو يخرجو كتوبا، بحال إميل لاووست ف 1921 لكتاب ديالو لمعروف Cours de berbère marocain.[3] و ملي بدات لحرب لعالمية لولة، لتاحق ليوپولد جيستينار ب جْبهة وحاربو معاه لمغاربة وحققو رْباح بحكم تواصول لّي بيناتهم وبين لقايد ديالهوم. عليها قتارحو لماريشال ليوطي باش يخدم ف "قطاع الشؤون الأهلية" ف لبيرو ديال تيزنيت للشؤون الأهلية مع لقايد لمخزني (نايب لمخزن) الطيب الڭندافي (أوتڭنتافت) لّي غادين يوْليو صحاب، ليوپولد جيستينار غادي يخصص ليه واحد لكتاب، موراها بواحد لمودة غادي يتصافط ليوپولد لمراكش باش يدرب ويكوّن واحد من ولاد سْلطان.[4] لتاحق جيستينار بلخدمة ف "القيادة العامة د لحملة لفرنساوية" ضد زّعيم محمد بن عبد الكريم الخطابي ف الريف ما بين 1925 و1926، و ف هاد لفترة خرّج كتاب سمّاه: Manuel de berbère marocain, le dialecte du Rif ملّي رجع من لموهيمة ديال الريف، تعرضات طْيّارة ديالو ل كسيدة حدا تارڭيست ونجا منها بأعجوبة.
- Poèmes chleuhs recueillis en Sous, 1925
- Notes d’histoire et de littérature berbères, 1925
- Poésies en dialecte du Sous d’après un manuscrit arabico-berbère, 1928
- Les Ait Ba Amran, 1930
- La rihla du Marabout de Tasaft, sidi Mohamed ben el Hadj Brahim ez-Zerhouni, Texte arabe du XVIII, 1940
- Un grand chef berbère : le caïd Goundafi, 1951
- Fawaid Al Jamaa Bi Isnad Ouloumi Al Oumma, Texte arabe du XVII siècle, 1953
- Un petit royaume berbère, le Tazroualt, 1954
- Un saint berbère, Sidi Ahmed Ou Moussa, 1951
- ^ "لكولونيل جيستينار". مأرشيڤي من لأصل ف 2021-10-29. تطّالع عليه ب تاريخ 2024-04-09.
- ^ Roger le Tourneau, Fès avant le Protectorat, Rabat, La Porte, 1987, p. 174.
- ^ Léopold Justinard, « Souvenirs d'un officier de la Mission militaire française au Maroc (1911-1912) », Cahiers Charles de Foucauld, 1949, no 14 : 60-90, no 15 : 115-26, no 16 : 117-28
- ^ Léopold Justinard, Un grand chef berbère, le caïd Goundafi, Casablanca, Atlantides, 1951, 267 p., p. 193