محمد بن عبد الكريم الخطابي
محمد بن عبد الكريم الخطابي
| ||
| ||
| معلومات عامة | ||
| زيادة | 12 يناير 1882 أجدير (لمغريب) | |
| لموت | 6 فبراير 1963 (81 عام) لقاهرة | |
| طريقة دلموت | موتة طبيعية | |
| لجنسية | لإمبراطورية لمغريبية الشريفة جمهورية الساحل (بالامازيغية : الريف) | |
| لحرفة | قاضي شرعي، كاتب، موطرجيم، سياسي، صحافي، مقاوم و رئيس | |
| لّوغات لي كيعرف | عربية، تاريفيت، لفرانساوية، صبليونية، نڭليزية، طاليانية و لوغات أمازيغية | |
| لكاريير ديال الشخص | ||
| شارك ف | ||
| لفاميلة | ||
| لواليد | عبدلكريم لخطابي | |
| خوت | مَحمد بن عبد الكريم | |
| معلومات خرى | ||
| دين | إسلام | |
| لعسكر | ||
| لڭراد | قائد عام | |
| لحروب | معركة أنوال و حرب الريف (1920 - 1927) | |
| ||
محمد بن عبد لكريم لخطابي (تولد ف 12 يناير 1882 ف أجدير، مات ف 6 فبراير 1963 ف لقاهرة ف مصر)، و لي معروف بسميت مولاي موحند، ولا عبد الكريم، كان قائد سياسي وعسكري د لمقاومة ف لمنطقة د الريف ضد لإستعمار صبليوني و لفرانساوي ل لمغريب.
تولد ف وسط عائيلة ديال لأعيان، باه عبدلكريم لخطابي كان خدام قاضي.
لخطابي معروف بلي كان تيخدًم تقنية د حرب لعصابات، لي خلاتو يربح بزاف د لمعارك، منها لمعركة د أنوال، لي ماتو فيها كتر من 10.000 عسكري صبليوني.[1] من 1921 ل 1926، أسس الخطابي جمهورية د ريف، و كان هو رئيس ديالها. ف 1926، تحبسات هاد لجمهورية من بعد ماتحالف سلطان مولاي يوسف مع فرانسا وصبانيا[2] وخدًمو لأسلحة لكيماوية باش يقضيو على لمقاومة فريف.
من مورا ما ستسلم لخطابي، نفاتو فرانسا لجزيرة لاريينيون، اللي ݣلس فيها 22 عام، حتى مشا ل مصر و خدا فيها اللجوء ف 1948، وبقا ساكن ف لقاهرة حتا مات وتدفن فيها ف 1963.
لخطط ديال لخطابي ف حرب لعصابات أترات على بزاف د لقادة لي غايجيو من موراه وتعلمو منو بحال تشي ݣيڤارا و هو شي مين و ماو تسي طونڭ. لخطابي كان هو أول مغربي بان ف الصفحة اللولا ديال مجلة "تايم" لميريكانية، ف غشت 1925.
|
تقدر تزيد شوف بزاف د تّصاور و لمعلومات ديال Abd el-Krim ف ويكيميديا كومنز. |
- ^ "كتاب "محمد بن عبد الكريم الخطابي - صفحات من الجهاد والكفاح المغربي ضد الاستعمار" - محمد علي داهش" (PDF). مأرشيڤي (PDF) من لأصل ف 2020-10-29. تطّالع عليه ب تاريخ 2020-02-29.
- ^ "السلطان مولاي يوسف غائب في قصره - و الفرنسيون يعرضون استقلال الريف على عبد الكريم وهو يرفض". مأرشيڤي من لأصل ف 2020-10-20. تطّالع عليه ب تاريخ 2020-02-29.