أحمد الهيبة
أحمد الهيبة
| ||
.jpg) | ||
| معلومات عامة | ||
| زيادة | 1876 | |
| لموت | 23 يونيو 1919 (42/43 عام) | |
| لحرفة | سلطان | |
| لّوغات لي كيعرف | عربية | |
| لفاميلة | ||
| لواليد | ماء لعينين | |
| معلومات خرى | ||
| دين | إسلام سني | |
أحمد الهيبة بن الشيخ ماء العينين (تولد ف الساقية لحمرا ف 1877 - مات ف 1919 ف تيزنيت) كان فقيه وشاعر ومتصوف ومقاوم مغريبي ضد ليستيعمار لفرانساوي والصبلويني فلجنوب د لمغريب وموريطانيا.
تولد أحمد لهيبة ف 1877 ف لجنوب دلمغريب، وكان بَاه هو الشيخ ماء لعينين، اللي كان من الشيوخ لكبار د لقبايل ديال الصحرا. أحمد كان هو لحادش فخوتو وتعلًم بحالهم، دخل للمسيد وقرا لقواعد د لعربية والشريعة والصوفية. كان تيسافر بزاف مع باه، وكان تيعاونو فالزيارات اللي كان تيدير للملوك لعلويين.[1] فواحد لوقت غادي يقرروا يرحلو من الصحرا ويسكنو فتيزنيت.
ف 25 أكتوبر 1910، غادي يموت الشيخ ماء لعينين، وغادي يتافقو لعائلة باش يديرو أحمد الهيبة هو لخليفة ديالو وغادي يولي هو اللي تيقود لجهاد ضد ليستيعمار.
ف 1912، ملًي غادي يسيني السلطان عبد الحفيظ معاهدة الإستعمار غادي يثورو عليه لمغاربة. لقبايل ديال سوس و الصحرا غادي يبايعو أحمد لهيبة باش يكون سلطان ديالهم، و غادي يتسمًا السلطان لزرق، حيث كان تيلبس دراعية زرقا.[2] نهار 15 غشت 1912 غادي يدخل الهيبة والجيش ديالو مراكش و يخرجو لفرانسيس منها، وغادي يستقبلوه لمراكشيين بلبارود والزغاريت.[3] موراها غادي يعاود يتجمع لجيش لفرانساوي ويكبر وأيبداو يغلبو الهيبة بشويا بشويا تا أيخرج من مراكش ويمشي يكمًل لمقاومة ديالو فالجبال. غادي يبقا لهيبة مكمل فلجهاد ديالو حتا غادي يمرض ويموت ف 1919.
- ↑ "أحمد الهيبة بن ماء العينين - الجزيرة". Archived from the original on 2022-05-18. Retrieved 2020-04-04.
- ↑ "الهيبة ماء العينين - المقاوم المغربي الذي أذل الاستعمار الفرنسي و الإسباني". Archived from the original on 2022-05-20. Retrieved 2020-04-04.
- ↑ "أحمد الهيبة - مقاوم مغربي حارب الإستعمار بمسبحة". Archived from the original on 2020-07-20. Retrieved 2020-04-04.
 هادي زريعة ديال مقالة علا موضوع عندو علاقة ب شخصيات د لمغريب خاصها تّوسع. تقدر تشارك ف لكتبة ديالها. |
| عالمي | |
|---|---|
| وطني | |
| غيرهم | |
