لمداكرة د ويكيپيديا:لحكام د لمحتوى - لمحتوى د الجملة

هاد الصفحة صفحة د لمداكرة مخصصة للتحاور على لحكام د لمحتوى - لمحتوى د الجملة.
هاد الصفحة ماشي فوروم ديال لمداكرة لعامة على لحكام د لمحتوى - لمحتوى د الجملة، أي نيقاش من هاد النوع غادي يتحيّد. يلا كان عندك سؤال محدّد على موضوع الصفحة، ماشي على الصفحة براسها، سير عافاك ل ويكيپيديا:مسوالات عامة. يلا كنتي باغي تناقش شي قضية متعلّقة ب ويكيپيديا ب راسها بشكل عام، سير عافاك ل ساحة الجماعة. عافاك ماتنساش تسني ملي تسالي كلّ تعليق كتبتيه ب زيادة ربعة د التيلدات `~~~~` لمواضيع الجداد د لمداكرة خاص يتزادو ديما ف اللخر د الصفحة د لمداكرة؛ كليكي هنا باش تبدا موضوع جديد.

هاد لمداكرة تسدات. عافاك ماتبدّل فيها والو. أي تعليقات إضافية خاصها تزاد ف فقرة جديدة.

تبدال التعريف ديال "مقال بوتي"

سلام أ الدراري @Reda benkhadra @Rachidourkia @Anass Sedrati @Mounir Neddi @Yosh cvd @Achraf112 @MohssinDr @Bisel91. ف لإجتماع د ليوم قررنا باش نبدّلو التعريف ديال "مقال بوتي"، لي دابا حاليا هوّ "مقال كايتدار ب الجملة ب شي روبو د لمحتوى"، باش يولي "مقال كايتدار ب شي روبو د لمحتوى (بوت) لي ماتدارتش ليه مراجعة و تطوير من عند كتاتبي بنادم". لهدف هوّ باش مانحدّوش لإمكانية ديال لمصاوبة د لمقالات ب لبوت، و ف نفس لوقت مانطيّحوش الجودة د لموسوعة، بحيت غادي يخصنا نراجعو و نزيدو نكتبو ف أي مقال لي صاوبو لبوت (بحال لمقالات ديال الدواور د لمغريب لي كانزيدو فيهوم حالياً). يلا كان إجماع على هاد التبديل ف لحكام، هاد لمقالات غادي يتزادو ف تصنيف خاص و غادي يكون واحد لميتريك خاص بيهوم ف الصفحة د لأهداف د لعام الجاي باش نقدرو نتبّعوهوم. ف جميع لحالات خاص لمقالات لبوتية مايفوتوش 30% د لمقالات ديال ويكيپيديا ب الداريجة كيما كينصّو لحكام. السؤال دابا هوّ:

واش كاتوافقو على التعريف الجديد؟
شنو الشرط باش نڭولو بلي مقال راه مابقاش بوتي؟ متلاً يلا راجعو و زاد فيه كتاتبي بنادم 1000 بايت.

Ideophagous (مداكرة) 21:32، 24 دجنبر 2023 (+01)[جاوب]

شكرا منير، أنا موافق Mounir Neddi (مداكرة) 20:21، 25 دجنبر 2023 (+01)[جاوب]

السلام Ideophagous - تا نا متافق على النقاط بجوج. التعريف مزيان وتا لإقتراح ديال 1000 بايت مزيان، من غير لا كانت شي 1000 بايت ديال تصويرة ولا شي حاجة ما فيهاش جهد كبير (غي باش زعما نعرفو باللي لواحد بصّح قاد لكقالة ماشي غي داز عليها طاير). -- Anass Sedrati (مداكرة) 19:50، 27 دجنبر 2023 (+01)[جاوب]

@Anass Sedrati لبوت يقدر يحسب 1000 بايت غير ديال التيكست، بلا التصاور، لموضيلات، لعيون، و غيرهوم. Ideophagous (مداكرة) 09:56، 1 يناير 2024 (+01)[جاوب]

@Ideophagous - آه صافي مزيان بزاف. أنا متافق -- Anass Sedrati (مداكرة) 10:20، 1 يناير 2024 (+01)[جاوب]

سلام @Ideophagous و Anass Sedrati: تانا متافق على تّبدال ديال تّعريف و بلي خص يتزاد ألف بايت د لمحتوى ب ليد باش لمقال مايبقاش بوتي. Reda benkhadra (مداكرة) 13:18، 1 يناير 2024 (+01)[جاوب]

لمداكرة لفوقانية تسدات. عافاك ماتبدّل فيها والو. أي تعليقات إضافية خاصهوم يتزادو ف لفقرة ؤلا الصفحة د لمداكرة لمناسبة. عافاك ماتدير تا شي تبديل أخور ف هاد لمداكرة.