ويكيپيديا:لحكام د لمحتوى - لمحتوى د الجملة

هادي صفحة ديال لْحكام د لموسوعة. هاد صّفحة محمية و مايمكنش يبدل فيها غير خدايمي أمغار. يلا بغيتي تقتارح شي تبديل ف لْحكام ديال لمحتوى د جّملة، حلّ شي حلقة د لمداكرة ف لبرلمان ولا حلّ شي حلقة ف صّفحة د إمغارن.

روابط نقاشات لمصادقة: 1 -

تعريفات

لمحتوى د جملة هوما زّيادات لكبار ف لموسوعة لّي كايتدارو جملة و فيهوم جوج ديال نّواع:

• لمقالات لبوتيّة: مقال كايتدار ب شي روبو د لمحتوى (بوت) لي ماتدارتش ليه مراجعة و تطوير من عند كتاتبي بنادم. باش لمقال لي صاوبو بوت مايبقاش يتحسب "بوتي" خاص تزاد فيه 1000 بايت حرفية (بلا موضيلات، تصاور، عيون و غيرها) من عند كتاتبي بنادم.
• تّبديلات جملة: لّي سوا كايديرهوم روبو ولا موساهيم فاش كاينزل على بزّاف ديال لمقالات جملة ب نفس تّبديل.

لْحْكام د زيادات ب جّملة

مبادئ كبيرة - توجيهية و جّماعة و إمغارن خاصّهوم يحرصو على تّطبيق ديالها على قدّ جهدهوم و على حساب إمكانيات تتبّع ديالهوم.

• يلا عتابرنا $A$ عدد لمقالات لّي كاينين ف لموسوعة و $n$ عدد لمقالات جّديدة لّي غادي تنتج على زيادة د جّملة: خاصّ لحجم ما يفوتش ${\frac {n}{A}}<10\%$. أكبر عاداد د لمقالات يقدر يتزاد دقة وحدة ب بوت دابا هوّا 1033.
• يلا عتابرنا $n_{i}$ كل زّيادات د لمقالات لّي دّارت ب شكل بوتي، من نهار بدات، خاص لوزن ديالهوم ما يفوتش ${\frac {\sum _{i}n_{i}}{N}}<30\%$، يعني 3102 مقال بوتي علّكتيرة. دابا كاينين 3493 مقال بوتي.

لقواعد: شوف ويكيپيديا:لحكام د لبوتات

• كل روبو خاصّو يتصادق عليه من عند جّماعة ف لجانيب تّيقني ديالو.
• كل تبديل جملة خاص تّعلم بيه جّماعة و إيمغارن د ويكيپيديا ب الدّاريجة، و مولاه خاصّو يقدم جميع تّفاصيل تّيقنية على شنو غايدير، فوقاش و كيفاش غايخدمو و لمحتوى لّي غايزيدو ولا غادي يبدّلو.
• تّبديلات د جّملة لبشرية (لّي ماشي بوتية) يمكن ليها تدار بلا ما تّعلم جّماعة يلا كانت فيها عمليات بسيطة و ماشي كريتيك بحال تّصنيفات و لا تّصحيح د شي غلط باين و مايمكنش يكون عليه ختيلاف.

مؤشرات تتبّع د هاد لْحكام

• عدد لمقالات لبوتية لّي تزادو و تّقل ديالهوم ب نّسبة ل عدد لمقالات ف لموسوعة.
• عدد لبوتات لّي كاينين ف لموسوعة.
• عدد لبوتات لّي موتّقين مزيان ف لموسوعة.
• عدد لموساهيمين لّي شاركو ف نيقاشات محتوى جّملة (ف لمجموع و لمعدّل على حساب لحلاقي د نّيقاش لّي تحلّو).
• تّقل د تّعديلات لبوتية ب نّيسبة ل عدد تّعديلات ف لموسوعة.

طابلو لقيادة د لحكام

لمؤشر	لقيمة	تاريخ
عدد لمقالات لبوتية لّي تزادو تّقل ديالهوم ب نّسبة ل عدد لمقالات ف لموسوعة.	3,493 33.8%	21 شتنبر 2024
عدد لبوتات لّي كاينين ف لموسوعة.	8	24 دجنبر 2023
عدد لبوتات لّي موتّقين مزيان ف لموسوعة.	2	1 يوليوز 2022
عدد لموساهيمين لّي شاركو ف نيقاشات محتوى جّملة (ف لمجموع و لمعدّل على حساب لحلاقي د نّيقاش لّي تحلّو)	4 (4 إمغارن - 0 مستخدمين خرين)	22 أبريل 2022
تّقل د تّعديلات لبوتية ب نّيسبة ل عدد تّعديلات ف لموسوعة	مازال ماكايتّحسب

لبلايص لّي كايتطبّقو فيهوم لحكام

• بغيتي تشوف لّيستا د لبوتات لّي نشيطين ف لموسوعة، دخل هنا.
• بغيتي تقدّم طلب د محتوى د جّملة ولا تشارك ف حلقة نيقاش ديال محتويات جّملة لّي دايزة:
  • لبوتات: دخل هنا.
  • تّبديلات د جّملة، و داخلين فيها خدامي جداد غادي يبدا يديرهوم بوت ديجا كاين: دخل هنا.
• بغيتي تناقش شي موشكيل متعلّق ب لمحتوى د جّملة، طرحو ف لبرلمان ولا ف صّفحة د طلبات ل إمغارن.

صفحات مرتابطة

• لحكام.