لمداكرة د ويكيپيديا:بادجات

محتويات الصفحة غير مدعومة بلغات أخرى.
من ويكيپيديا
هاد لمداكرة تسدات. عافاك ماتبدّل فيها والو. أي تعليقات إضافية خاصها تزاد ف فقرة جديدة.

كيجاوكم لبادجات؟[بدل لكود]

السلام Ideophagous، Mounir Neddi، Reda benkhadra. قاديت واساخ ديال الصفحة د لبادجات. خاصني جوج د لحوايج دابا. (1) واش جاتكم هاد لمعايير اللي قتارحت مزيانة؟ ، و (2) شكون يبغي يقتارح لبادجات ولا يرسمها؟ حيت هي اللي أنبداو نصيفطو للناس. -- Anass Sedrati (مداكرة) 18:32، 14 نونبر 2022 (+01)[ردّ]

سلام خاي أناس، و شكرا بزاف على لمجهود ديالك. كاينين تويشيات بغيت نعلّق عليهوم ؤ قتيراحات إضافية:
  1. لبادجات د لوقت:
    • كانضن خاص نشتارطو واحد لفريكونص دنوية (متلا يكون لكتاتبي كيدير تبديل ف سّيمانة على أقل تقدير). سينو أي واحد تسجل و دار تبديل غادي يشد لبادجات كاملين غي معا لوقت. و يلا شي حد غبر مدة فايتة سيمانة بلا تبديل، شنو نديرو؟ واش خاصو يدير جوج تبديلات باش يعوّض سّيمانة لي فاتّو؟ ؤلا يبدا لحساب من لّول؟ ؤلا نحيدو غي لمدة فاش ماكاكنش ؤ نكملو لحساب؟ حيت هادشي كاملو غادي يديرو لبوت ؤ غادي يخص لقواعد يكونو مضبوطين.
    • واش نحسبو من فاش غادي يتصاوبو لبادجات ؤ نبداو نخدمو بيهوم، ؤلا ملي بدات ويكيپيديا ف 2020، ؤلا تا من يامات لانكوباتور؟
    • نقدرو نزيدو بادجات إضافيين، وخا باقي تا حد ماغادي يشدهوم دابا، بحال 5 سنين ؤلا 10 سنين (ولاكين ماشي مستعجلين)
  2. بادجات ديال لكتابة:
    • كانضن من غير لمقال لّول، ؤ ڭاع تال مورما لكتاتبي يوصل ل لخامس متلا، خاصنا نبداو نشتارطو واحد لجودة مينيمالية ف لمقال (متلا يكون فيه تصنيف + يكون مربوط ب ويكيداطا + تكون مكتوبة فيه 200 كاراكطير). نقدرو ندخّلو هاد شّروط بشكل تدريجي (متلا من لمقال نمرة 6 يكون فيه 200+ كاراكطير، من نمرة 10 يكون فيه تصنيف، من نمرة 50 يكون لكتاتبي ربطو ب ويكيداطا). و فجميع لحالات ماخاص لمقال يتّحسب تا يكون راجعو أمغار. وإلا غادي نشجعو لكتاتبيا باش يصاوبو بزاف د لمقالات ب جودة عيّانة ؤ غادي غير يسخسخونا ف لإصلاح.
    • تاهنا نقدرو نزيدو بادجات عاليين كتر مي كانضن ل حد سّاعة غير أمين تيفراتين لي فات 1000 مقال مصاوب.
  3. التصنيفات:
    • حيت لمصاوبة د التصنيفات ساهلة ف أغلب لحالات، كانقتارح باش باش نديرو 10، 100، 500، 1000، 2000، 5000
    • تّصنيف خاصو يكون مربوط ب ويكيداطا باش يتّحسب (يقدر شي حد أخور يربطو، ماشي ضروري لكتاتبي براسو يديرها، نفس شّي ب نّسبة ل لمقالات، فوقما تّربط لمقال يلا كان كيحقق شّروط يتّحسب)
  4. لقوالب (لموضيلات):
    • كانقتارح هنا نجمعو لموضيلات معا لمودولات ف نفس لبادج
  5. إضافات: نقدرو نديرو بادجات خرين من بعد سيرتو من لعطاشات دّايمين لي كاينين ف ويكيپيديا:لعطاشات
-- Ideophagous (مداكرة) 21:42، 14 نونبر 2022 (+01)[ردّ]
ب نّسبة ل لجانب تّقني، أنا غادي نتكلف بيه، مي بغيت نعرف واش نخلي لبوت يزيد لبادجات رّاسو، ؤلا يدير لحسابات ؤ يزيدهوم ف طابلوات ؤ يزيد أمغار لبادج بيديه؟ يقدر يصيفط إيميل ل مغارن باش يفكّرهوم متلا. كانضن مزيانة بنادم هوّا لي يعطي لبادج ماشي روبو، ولاكين يلا كان غادي تزيد علينا لخدمة بزاف، بلاش. لجانب ديال دّيزاين أنا ماكانعرفش ليه مزيان، ولاكين نقدر نشوف ف ويكيات خرين كيفاش دايرين ل داكشي ؤ نقاد شي حاجة على نفس لموضيل. Ideophagous (مداكرة) 21:47، 14 نونبر 2022 (+01)[ردّ]
شكرا ◀ Anass Sedrati فين نقدر نشوف هاد لبادجات عافاك؟ Mounir Neddi (مداكرة) 13:53، 15 نونبر 2022 (+01)[ردّ]
شوف لبلان ديال لبادجات غير هنا ويكيپيديا:بادجات. لبادجات براسهوم باقين ماتقادوش، حيت خاصنا نتّافقو بعدا على إينا بادجات خاصهوم يكونو.-- Ideophagous (مداكرة) 17:23، 15 نونبر 2022 (+01)[ردّ]
أنا متافق مع هادشي ليڭال◀ Ideophagous Mico2022 22:56، 27 مارس 2023 (+00)[ردّ]


@Achraf112, Reda benkhadra, Anass Sedrati, Mounir Neddi, Mico2022, Elkhiar, و Rachidourkia: عافاكوم راجعو هاد لبلان د لبادجات و عطيو الرأي ديالكوم، باش نقدرو نزيدو ل لڭدام، و ندوزو ل لمرحلة ديال الديزاين. لمداكرة غادي تّسالا ف ضرف جوج سيمانات (من هنا تال 9 أبريل).--Ideophagous (مداكرة) 16:23، 26 مارس 2023 (+00)[ردّ]

لمداكرة لفوقانية تسدات. عافاك ماتبدّل فيها والو. أي تعليقات إضافية خاصهوم يتزادو ف لفقرة ؤلا الصفحة د لمداكرة لمناسبة. عافاك ماتدير تا شي تبديل أخور ف هاد لمداكرة.