لمداكرة د لخدايمي:Fouad MOUSSAOUI

مرحبا بيك ف ويكيپيديا، Fouad MOUSSAOUI !

سلام، أنا Reda benkhadra، ؤ كانرحب بيك ب صيفتي ويكيپيدي متطوع.

ويكيپيديا هي مغامرة جماعية واعرة، ؤ باقي مازال كاتبنا. نوسخة ب داريجة فيها ليوم 10,326 مقال، كتبوهوم ؤ كيقادوهوم متطوعين بحالك ؤ بحالي. غادي دير فيها لخطوات ديالك لولين : ماتعڭزش تواصل معايا إلا محتاج شي نصيحة ولا معاونة، إلا بغيتي تشاور معا ناس لي خدامين ف لمشروع يمكن ليك تخلي ميساج ف صفحة د لبرلمان. غادي يتعطاك جواب تما بكل فرح!

ويكيپيديا مبنية علا ركايز أساسية كيحتارمهم كلشي :

1. لموسوعية ؤ لإمكانية باش تأكد (تبازا علا عيون ؤ مصادر موتوق فيها) ؛
2. حيادية ف وجهة نضر (بلا إشهار ولا دعاية) ؛
3. ترخيص حر ؤ حتيرام حقوق نشر (ماكاينش كوپي كولي ولا پلاجيا) ؛
4. تعامل مزيان (ب لأداب ؤ حاول توصل ل إجماع ف لقرارات) ؛
5. ماتعڭزش تكتب ؤ تبدل ف لمقالات (ليسطوريك كيخلي كلشي).

كانعرضوك باش تكتاشف هادشي كامل ب تفصيل ف ليانات لي كاينين ف جنب ←

كانتمنا ليك تستمتع ب لقراية ؤ لكتابة ف ويكيپيديا.

بسلامة !

Reda benkhadra (نقاش) 22:01، 27 غشت 2024 (UTC)

أساسيات

• لْحْكام
• ويكيپيديا ماشي..
• كتاتبيا

كيفاش تخدم معا جْماعة؟

• ساحة د جماعة
• لبرلمان
• ميزان لكلام

باش نعاونوك

• صفحة لمعاونة
• دّوزان
• يلا ماعرفتيش شنو دير تقدر تعاون هنا

قرا ؤ شارك ف مقالة كيما كانت

مسابقة ويكيپيديا (تدكير 2)

السلام عليكم. بقات شوية كتر من 3 يّام باش تسالي لمسابقة د ويكيپيديا بالداريجة. ل التدكير، تقدر تاخد نقاط زايدين يلا خدمتي على واحد من لمواضيع لي كاينين ف لفقرة التحتانية ف هاد الصفحة. يلا خاصك معاونة، تقدر تسوّل ف أي وقت. شكرا و تهلا! Ideophagous (مداكرة) 21:49، 28 غشت 2024 (+01)

مسابقة ويكيپيديا (تدكير 3)

السلام عليكم. بقات شوية قل من نهار باش تسالي لمسابقة د ويكيپيديا بالداريجة. ل التدكير، تقدر تاخد نقاط زايدين يلا خدمتي على واحد من لمواضيع لي كاينين ف لفقرة التحتانية ف هاد الصفحة. عافاك ماتنساش تزيد مصادر و تصاور و تقاد لفورما ديال التيكست و لفقرات، حيت ماشي غير عدد و مقدار التبديلات، بل حتى الجودة غادي تعتامد عليها لجنة التحكيم باش تقرر شكون ربح. يلا خاصك معاونة، تقدر تسوّل فأي وقت. شكرا و تهلا! Ideophagous (مداكرة) 09:40، 31 غشت 2024 (+01)

كيفاش خاصنا نكتبو الدارجة المغربية ؟

بقلم؛ فـؤاد المساوي

مدينة بوزنيقة – دولة المغرب

06.60.04.31.30

fouadmoussawi@gmail.com

خاصنا نستافدو من التجربة ديال مصر؛

كنلاحظو باللي الدارجة المصرية اللي تعلمناها من الأفلام والمسلسلات والأغاني المصرية، فيها خليط من العربية الفصحى المُدرّجة وشي كلمات أجنبية، وشي كلمات خاصة بالمصريين...

و كنلاحظو باللي دارجتهم موحدة، والسبب هو تجمع الشعب المصري فْ مساحة ديال 4٪ من مساحة بلادهم..

و عندهم غير زُوج دارجات؛ الصعيدية والمدينية...

و احنا المغاربة، عندنا اثنين وستين لكنة، يعني اثنين وستين دارجة.. ولكن ممكن نستافدو من التجربة ديال المصريين، اللي هي تدريج بعض الكلمات الفصيحة، حيث الدارجة بنت الفصحى...

عندنا الزهر حيث يمكن نكتبو بدارجة قريبة للعربية الفصحى من هاذ اثنين وستين لكنة، باش حتى احنا تكون عندنا دارجة (معيارية)، يعني بحال الدارجة اللي كيهضرو بها الناس ديال دبلجة المسلسلات التركية واللاتينية... ولكن اللي كيهمنا اكثر هو طريقة الكتابة، حيتاش كل واحد كيكتب الدارجة ديالنا بطريقتو الخاصة، يعني خاصنا طريقة وحدة ف الكتابة.. هاذ الشي علاش خاص الأساتذة ف المدارس يبداو يعلمو التلاميذ طريقة موحدة باش يكتبو اللغة الدارجة... وعندهم طريقة بسيطة باش يديرو هاذ الشي:

خاصنا نكتبو الدارجة المغربية بطريقة يفهموها حتى اخوتنا العرب...

كيفاش نديرو ؟ تْبْعْ معاية :

أولاً: نكتبو الكلمة بالفصيحة ونشكلوها بالدارجة؛ مثلا (الموسوعة الحرة؛ نكتبوها بالعربية وما نكتبوش "الموسوعة الحورا").

ثانيًا: ضروري خاصنا نستعملو الشكل، يعني نكتبو فوق الحروف، السكون، والفتحة، والضمة، والكسرة والشدة، والمَدة، والهمزة، فوق الكرسي ديالها المناسب؛ مثلا ( جُغْمَة من البْحَر و لا جْميل الگرابة )..

ثالثًا: ما نكتبوش الألف بوحدو، ولا اللام بوحدها ف (ال) ديال التعريف؛ مثلا : اجامع (عنوان فلم) عوض الجامع / لمكتوب عوض المكتوب) ...

رابعًا: الكلمات اللي مفرقة ف الفصحى، نفرقوها ف الدارجة؛ مثلا (الفيس بوك .. التيساع فالخاطر، خاص نكتبوها التيساع فْ الخاطر، ولا التيساع في الخاطر.. حيث منطقة عبدة مثلا، كيذكرو (في) بالياء، وكيقولو مثلا؛ "لقيت خالي الغَوْثِي في السوق"...).

خامسًا: الكلمات الأجنبية، والأسماء الأجنبية، نكتبوها كما كتّنطق ف لغتها الأصلية؛ مثلا (طاندانس - جان فالجان)...

E - EA – A :  نكتبوها بالألف ...

O - EAU – AU - EU :  نكتبوها بالواو؛ مثل؛ (جوني هاليداي) ...

سادسًا: خاصنا نترجمو الكلمة الأجنبية اللي ف دارجتنا كيما كتّنطق، مثلا (نقولو على الحديقة، "جرضَة أو جْريضَة"، ماشي جريدة = صحيفة)..

سابعًا: ما خاصناش نحذفو بعض الحروف من بعض الكلمات؛ مثلا: (الخطأ : تا ما نجاوبك، تا تقولي شنو كنتي دير وشنو قـلتـلـيـه (!)؛ الصواب : انت ما نجاوبك؛ حتى تقول ليا أشنو كنتِ كـتـديـر و أشنو قــلـت ليه)...

ثامنًا: مناطق كثيرة ف بلادنا ما زال كينطقو الثاء، و الذال، و الظاء، كما يجب .. خاصنا نحافظو على هاذ الفونيمات (الأصولت)، ونگـولو : هذاك الذيب ... الثور ... المظلة.

تاسعًا: التأنيث والتصغير؛ شوف هاذ الجملة = المراوات كانو ݣــــالسين يتغداو ف طاجين صغير ... الصحيح هو = العيالات كانو گــالــسات يتغداو ف طويجين ... المراوات كلمة أطفال بحال العودان مثلا، (أي الخيل).

جدودنا كانو كيستعملو التصغير وما كانوش كيذكرو المؤنث...

والتصغير كيليق للتقليل (كويسات و بريريد)، والتكبير (واه على ثوير گـــــدّاش)، والتحبيب (وليدي) ...

وتصغير الأفعال كاين غير فْ الدّارجة المغربية (بحالْ؛ الذريري كيقيفقف من البرد) ...

عاشرًا: واحد الحرف كاين غير فْ الفرنسوية، ويمكن نترجموه للعربية بياء فوقها ضمة " يُـ "، (بحالْ؛  آلبير كامْيُ) ..

هاذ الشي اللي كتبت مْلخْص بجزاف (بالجزاف = بزاف) وغادي نرجع لهاذ الموضوع بتفصيل إن شاء الله ... Fouad MOUSSAOUI (مداكرة) 21:38، 31 غشت 2024 (+01)

سلام و مرحبا السي @Fouad MOUSSAOUI. شكرا على التعليق ديالك و التفاصيل لي عطيتي. غادي يكون من لأحسن لو زدتيه كموضوع جديد ف ميزان لكلام حيت تمّاك فين كيتدارو لمداكرات لمتعلّقين باللوغة. Ideophagous (مداكرة) 11:54، 1 شتنبر 2024 (+01)

أهلا وسهلا..

شكرا للتواصل؛

أنا مهتم بالمشاركة في المسابقة Fouad MOUSSAOUI (مداكرة) 17:36، 1 شتنبر 2024 (+01)

سلام السي @Fouad MOUSSAOUI. المسابقة ديال غشت سالات البارح، ولاينّي باقي إنشاء الله مسابقة غادي تنظم هاد العام (التواريخ باقي ماتحددوش). و يلا كنتي مهتم، تقدر تحضر حتى لورشة ديال الكتابة فويكيپيديا غادي تكون فنونبر، غالبا فالرباط ولّا الدارلبيضا. التفاصيل غادي نعلنوهم فالشهراين الجايين إنشاء الله. شكراً و تحياتي. Ideophagous (مداكرة) 17:49، 1 شتنبر 2024 (+01)

شكرا على الرد..

أنا شاركت فْ المسابقة قبل انتهاء الموعد، وكاين الاسم ديالي فْ قائمة المشاركين..

و إن شاء الله غادي نحضر معكم لورشات الكتابة أكيد، ويمكنني المساهمة بالشيء الكثير، لأنه عندي تجربة مهمة جدا في الكتابة بالدارجة المغربية..

مودتي Fouad MOUSSAOUI (مداكرة) 18:13، 1 شتنبر 2024 (+01)