لمداكرة د لخدايمي:Abdellah BF
أهلا بيك![بدل لكود]
مرحبا بيك ف ويكيپيديا، Abdellah BF !
سلام، أنا Ideophagous، ؤ كانرحب بيك ب صيفتي ويكيپيدي متطوع.
ويكيپيديا هي مغامرة جماعية واعرة، ؤ باقي مازال كاتبنا. نوسخة ب داريجة فيها ليوم 10,030 مقال، كتبوهوم ؤ كيقادوهوم متطوعين بحالك ؤ بحالي. غادي دير فيها لخطوات ديالك لولين : ماتعڭزش تواصل معايا إلا محتاج شي نصيحة ولا معاونة، إلا بغيتي تشاور معا ناس لي خدامين ف لمشروع يمكن ليك تخلي ميساج ف صفحة د لبرلمان. غادي يتعطاك جواب تما بكل فرح!
ويكيپيديا مبنية علا ركايز أساسية كيحتارمهم كلشي :
- لموسوعية ؤ لإمكانية باش تأكد (تبازا علا عيون ؤ مصادر موتوق فيها) ؛
- حيادية ف وجهة نضر (بلا إشهار ولا دعاية) ؛
- ترخيص حر ؤ حتيرام حقوق نشر (ماكاينش كوپي كولي ولا پلاجيا) ؛
- تعامل مزيان (ب لأداب ؤ حاول توصل ل إجماع ف لقرارات) ؛
- ماتعڭزش تكتب ؤ تبدل ف لمقالات (ليسطوريك كيخلي كلشي).
كانعرضوك باش تكتاشف هادشي كامل ب تفصيل ف ليانات لي كاينين ف جنب ←
كانتمنا ليك تستمتع ب لقراية ؤ لكتابة ف ويكيپيديا.
بسلامة !
أساسيات
كيفاش تخدم معا جْماعة؟
باش نعاونوك
پولونيا ؤلا بولندا[بدل لكود]
سّلام سّي @Abdellah BF:. عافاك مادّيرش لمطايفة ف لكتابة، ؤلا تخريب د لمقالات. يلا عندك موشكيل معا لعنوان ؤلا لمحتوى ؤلا طّاريقة د لكتابة، تقدر تفتح مداكرة ف لبلاصة لمناسبة، ؤلا ف صّفحة د نّيقاش ديال لمقال. ب نّسبة ل لمسألة ديال واش پولونيا ؤلا بولندا، شخصيا ماعمري سمعت شي حد كيهضر ب دّاريجة ؤ كيڭول "بولندا". ويكيپيديا ب دّاريجة خاصها تكون مكتوبة ب دّاريجة، ؤ وخا 80% ؤلا كتر د لكلمات ديالها جايين من لعربية، كاينين كلمات من لوغات خرين، ؤ ماشي أي كلمة ف لعربية كادّوز ف دّاريجة. أي كلمة ؤلا طاريقة د لكتبة لي مامعارضاهاش جّماعة د لكتاتبيا ف ويكيپيديا كاتّعتابر مقبولة، طالما داخلة ف إطار لهضرة د لمغاربا، من غير يلا كانت كاتمتّل مفهوم جديد مامعروفش عند لمغاربا (شوف متلاً ويكيپيديا:كيفاش نزيدو كلمات جداد). ف جميع لحالات، هادشي كامل يقدر يتناقش، ؤ عندك لحق تسجّل لعتيراض ديالك بلا ماتكون مطايفة ؤلا عنف. غادي نبدّل لميساج ديال تّرحيب لي لفوق، باش ندير لميساج جّديد (حيت فيه روابط مزيانين)، ؤ نتمنى تلتازم ب لحكام ديال ويكيپيديا ؤ تساهم بشكل إيجابي ف تّطوير ديالها.--Ideophagous (نقاش) 20:01، 1 يناير 2022 (+01)