بوجدور

بوجدور
بوجدور (ar) ⴱⵓⵊⴹⵓⵕⴷ (tzm)
لبلاصة
لبلاد	لمغريب
لإقليم	إقليم بوجدور
السكان
شحال دالسكان	65,381 (2024)
شحال دلفاميلات	13,815 (2024)
لجغرافيا
لعلو	0 م
خط الطول بـ °	-14.48401451
خط لعرض بـ °	26.12446307
معلومات خرين
الرمز لجغرافي	6546490
لخريطة

بوجدور مدينة مغريبية و جماعة ترابية حضرية كاينة ف إقليم بوجدور، جهة لعيون ساقية لحمرا، ساكنين فيها 42504 واحد، على حسب لإحصاء لعام 2014.

هد العدد رتافع ف لإحصاء لعام 2024 ل65,381 واحد، بحكم أن مدينة بوجدور جاية على الواجهة نتاع لمحيط لأطلسي، شي لي خلاها مدينة حركية وكتجدب السكان، بعيدة على مدينة لعيون ب 180 كلم جيهة الجنوب، ولمساحة ديال إقليم بوجدور كامل 57000 كلم مربع

أصل ديال السمية

أصل السمية نتاع بوجدور هو تحريف لسمية نتاع "كابو بوخادور" (cabo bojador)، ولي هي أصلا جاية من لغة لعربية " أبو الخطر" حيت كاين الريسك فالشواطئ نتاعها بحال الضبابة والريح المجهدة والمياه الضحلة، وهد شي كامل كان كيكون عائق قدام السفن البرتغالية والاسبانية ف لقديم.

- لأصل بالعربية: ّ أبو الخطر" بمعنى بو المخاطر؛

- كيفاش تحرفات فالبرتغالية: تحولات ل "بوخادور" bojador؛

- لقب نتاع لمدينة دابا: مدينة تحدي كيما لقبها الراحل الملك الحسن التاني الله يرحمو.

تاريخ

تأسات بوجدور كمدينة ديال لبحارة فالبدية نتاع القرن لعشرين، كانت فاللول غير مدينة صغيرة وكبرات بسباب التجارة نتاع لحوت، وكانت مرسى تجاري مهم بزاف كيربط بين جنوب لمغريب دول وحدين أخرين.

فلفترة نتاع لإستعمار الصبنيولي فالمغريب كانت بوجدور من لبلايص ألي حتلاتها إسبانيا وستعملتها كبوسط عسكري وتجاري، ومن بعد لمدينة عرفات تطور بزربة بسباب التحولات السياسية ولإقتيصادية ألي كانت فالسبعينات والتمانينات وخصوصا مور لمسيرا الخضرا 1975، حيت ولات بوجدور دابا وحدة من لمودون التيجارية المهمة فالصحرا لمغريبية وخصوصا فالمجال ديال صيد الحوت والتصدير ديالو.

تعليم

• نسبة لأمية (نّاس لّي ما كايعرفوش يقراو ولا يكتبو): 8,2% (لإحصاء العام 2014)
• نسبة سّكان لّي قاريين فوق الليسي (ليسي و جامعة): 16,4% (لإحصاء لعام 2014)

لمؤشير	النسبة	التحليل والدلالة ديالها
لأمية (ألي مقاريينش)	8.2%	نسبة قليلة بزاف ومزيانة، كتعني بلي أغلب الساكنة كيعرفو يقراو ويكتبو
التعليم العالي (ليسي وجامعة)	16.4%	نسبة طالعة كتبين بلي كاينين كفاءات وأطر ف لمدينة
مقارنة عامة	2 لـ 1	عدد الناس ألي واصلين لليسي والجامعة هو عدد الناس ألي ما قاريينش

كتعليق على الجدول نقدرو نقولوا بلي مدينة بوجدور فيها المستوى التعليمي طالع وهد شي كيشجع على التنمية ولإستيتمار.

ف لإحصاء لعام 2024، باقي ما خرجت النسب ديال بوجدور بخصوص التعليم ولكن إلى ربطناها بالنسب ديال جيهة لعيون الساقية الحمرا ولمغريب ككل نقدرو نقولو كاين مؤشرا إيجابية حيت سجل المتوسط نتاع سنوات التدريس واحد شويا ديال لإرتيفاع حيت وصل 6.3 سنوات فلوقية ألي كان 4.4 سنوات عام 2014، وهبط معد لأمية حتى 24.8% بالخصوص ف الوسط لقروي وصفوف لعيالات

النقل والطرقان

• النقل من مدينة لمدينة: كاينين حافلات بحال ستيام، سوبراطور، تاساوت، جانة، كتربط بوجدور باقي مدن المملكة؛
• النقل وسط لمدينة: كاينين طاكسيات صغار ألي كيوفرو هد الخدمة داخل الأحياء نتاع لمدينة.

قتيصاد

• نسبة نّاس نّشيطين (لّي يقدرو يخدمو): 49,5%
• نسبة لبطالة (نّاس لّي ما خدامينش و تايقلبو على خدمة): 19,1%
• نسبة نّاس اللي خدامين ف دّولة (ولا لبيطاليين اللي سبق ليهوم خدمو): 26,5%
• نسبة نّاس اللي خدامين ف لپريڤي (ولا لبيطاليين اللي سبق ليهوم خدمو):34,1%
• لإقتيصاد ديال بوجدور واقف على الصيد ديال لحوت سوا الساحلي ولا التقليدي، ألي هو الساروت ديال الرواج فالمنطقة، ومعاونو فداك شي المرسى ديال لمدينة ألي خدام مزيان، لمدينة دابا غادة فوحد التطور مزيان بالفضل نتاع الطاقة الريحية ألي كتوصل ل 300 ميغاواط، وبسباب التطور ديال البنية التحتية والدعم نتاع الصناعة التقليدية ولإقتيصاد لاجتيماعي، وهد شي كامل خلا بوجدور تولي هيا لقطب التالت فالأقاليم الجنوبية.

أهم المقومات نتاع إقتصاد بوجدور:

• قيطاع صيد لحوت: مرسى مدينة بوجدور هو دينامة ديال لمدينة، حيت كيجلب المستتمرين وكيخلق فرص ديال الخدمة للناس فالصيد التقليدي والساحلي؛
• الطاقة المتجديدة: لمدينة قدرات تجيب مشاريع كبيرة بزاف فالطاقة ديال الريح ألي القيمة ديالها كتوصل ل 400 مليار سنتيم باش تنتج الضو؛
• البنية التحتية ولمرسى: لمرسى وقعات ليه بزاف ديال التوسيعات باش يزيد يتحرك إقتصاديا، وزيد عليها لإستيتمار فمحطات تحلية ديال ما البحر؛
• الصناعة التقليدية ولاقتيصاد لاجتيماعي: تفتحات مجمعات خاصة بالصناعة التقليدية باش يعانوا لحرافيين فالمشاريع ألي كدخل الصرف، بلاما نساو دعم الشباب فالمقاولات الرقمية؛
• السياحة: بسباب الموقع نتاعها على لبحر والشواطئ ألي فيها، لمدينة عندها مؤهلات كبيرة باش تولي وجهة للسياحة الطبيعية

لمنارة نتاع مدينة بوجدور

دخلة ديال مدينة بوجدور

مصادر

ويكيميديا كومنز عندا تصاور و معلومات على بوجدور.

هادي زريعة ديال مقالة خاصها تّوسع. تقدر تشارك ف لكتبة ديالها.