لعلاقات بين لمغريب ؤ روسيا
| لمقال مقطوع من شجرة، ما كايدي ليه تا شي مقال أخر، زيد ليان ديالو ف مقالات خرين. |
لعلاقات بين لمغريب ؤ روسيا
| ||
| ||
 لمغريب |
 روسيا |
|
|---|---|---|
| سفير: لطفي بوشعرة | سفير: ڤاليريان شوڤاييڤ | |
| سفارة د لمغريب ف موسكو | سفارة د روسيا ف رباط | |
_03.JPG)
| ||
لعلاقات بين لمغريب ؤ روسيا (ب رّوسية Российско-марокканские отношения) عمرها كتر من 2 د لقرون، ؤ باقة مستامرة حتال ليوم. عاداد د لمغاربا كيمشيو ل روسيا باش يقراو، سيرتو طّب، لانجينيوري، لانفورماتيك، لقتيصاد، تّدبير د شّركات ؤ لّيسانيات. ؤ كاينين بزاف د رّواسا لي كيجيو ل لمغريب على ود سّياحة، كيما بزاف د لمغاربا كانو مشاو ل روسيا على ود كاس لعالم 2018 لي كانت تنضّمات تماك. تّعاون بين لمغريب ؤ روسيا كاين ف مجالات د لانجينيوري ؤ صّيناعة، سيرتو طّاقة، لانفورماتيك ؤ صّيد لبحري.[1][2]
لعلاقات كانت موجودة بشكل رسمي من لقرن 18، ب تبادلات تيجارية مابين سّلطان محمد تّالت بن عبد الله ؤ تّسارينا د روسيا كاطارينا تّانية.[3] ف لّخر د لقرن 19، ؤ ب تّحديد ف 1898، لإمبراطورية رّوسية دارت سفارة ديالها ف طانجا.[4] ف 1906، روسيا، ممتّلة ب دّيپلوماسي أرتورو كاسيني، شاركات ف مؤتمر لڭزيرة لخضرا، لي ناقش لمصير د لمغريب ف لمطايفة بين لبلدان د ؤروپا، سيرتو فرانسا ؤ ألمانيا على شكون فيهوم غادي ياخدو كا مستعمرة. روسيا دعمات بلا شروط لموقف د فرانسا، ؤ هاد دّعم ستامر ف آخر يامات روسيا تّسارية.[4]
مقالة متعمقة: لعلاقات بين لمغريب ؤ ليتيحاد سوڤياتي
ف لبدية د لعهد د ليتيحاد سّوڤياتي، دعمات روسيا، على طريق كوميطيم (مونضامة د شّيوعية دّولية)، لحملة ديال جاك دوريو ضد لحتيلال لفرانساوي د لمغريب، ؤ ماسناتش لپروطوكول د طانجا لي ب موجيبو ولات طانجا منطقة دولية.
ف لفترة د لحرب لباردة، كان لمغريب من أهم شّوراكا تّيجاريين د ليتيحاد سّوڤياتي ف إفريقيا.[5] ف لحتيجاجات د موسكو 1964، 50 طالب مغريبي جتاحو سّيفارة د لمغريب ف موسكو، ؤ دارو عتيصام كا حتيجاج على لحكم ب لإعدام لي صدراتو محكامة مغريبية ف حق 11 شخص تتاهمو ب محاولة غتيال لماليك لحسن تّاني. سّلطات سّوڤياتية ضطرات تخرّجهوم بسّيف ب طلب من سّيفارة، ولاكين رفضات طلب باش تحيّد ليهوم لمينحة د لقراية ؤ ترجّعوم فحالهوم.[6]
لحوكومة سّوڤياتية ماكانش عندها موقف معادي ل لمغريبية د صّحرا، ولاكين كانت كاتمد دزاير ب سّلاح لي كانت كاتعطيه ل لبوليزاريو.[7] هادشي خلّا لماليك لحسن تّاني يڭول بلي لمغريب ؤ ليتيحاد سّوڤياتي راهم ف حرب، وخا ماكانتش بشكل موباشير. ف 1978، ليتيحاد سّوڤياتي ستتمر بزاف ف لمجال د لمناجم ف لمغريب، ؤ ف لّخر د سّبعينات ؤ ف تّمانينات، لمغريب كان أكبر شريك تيجاري د ليتيحاد سّوڤياتي ف إفريقيا.[8]
ف لوقت د لجايحة د كوڤيد 19، لمغريب عطا لاكور ل تخدام لڤاكسان رّوسي سپوتنيك 5 ف يناير 2021.[9]
- ^ "How Moroccan Nationals Can Enter a Russian University" (ب نڭليزية). 24 أكتوبر 2019. مأرشيڤي من لأصل ف 2023-03-22. تطّالع عليه ب تاريخ 2022-02-28.
- ^ "Les relations entre le Maroc et la Fédération de Russie". سفارة د لمغريب ف موسكو (ب لفرانساوية). مأرشيڤي من لأصل ف 2023-06-02. تطّالع عليه ب تاريخ 2022-02-28.
- ^ "Hamid Ait El Caid: Morocco-Russia relations: who is in more need of the other?". moroccoworldnews.com. 27 فبراير 2014. مأرشيڤي من لأصل ف 2023-06-24. تطّالع عليه ب تاريخ 28 فبراير 2022.
- ^ a b "Paul du Quenoy: Tidings from a Faraway East: The Russian Empire and Morocco, in: The International History Review" (Vol. 33). 2011: 185–203. مأرشيڤي من لأصل ف 2023-04-07. تطّالع عليه ب تاريخ 2022-02-28. Cite journal requires
|journal=(معاونة) - ^ ستيفن زونس، دجاكوب موندي (2010). estern Sahara: War, Nationalism, and Conflict Irresolution. سيراكيوز. ص. 85.CS1 maint: uses authors parameter (link)
- ^ "Article 1 -- No Title". ذ نيويورك تايمز. 20 مارس 1964. مأرشيڤي من لأصل ف 19 يوليوز 2014. تطّالع عليه ب تاريخ 15 يوليوز 2014.
- ^ ل. روبرت شيلدون (6 ماي 1980). "Morocco says it's 'at war' with Soviet Union". csmonitor.com. مأرشيڤي من لأصل ف 2023-06-24. تطّالع عليه ب تاريخ 2022-02-28.
- ^ يحيى زبير (1987). "Soviet Policy toward the Western Sahara Conflict" (34). Africa Today: 17–32. مأرشيڤي من لأصل ف 2023-04-08. تطّالع عليه ب تاريخ 2022-02-28. Cite journal requires
|journal=(معاونة) - ^ "Morocco, Kenya approve Russian coronavirus vaccine for use - RDIF" (ب نڭليزية). 18 يناير 2021. مأرشيڤي من لأصل ف 2023-06-04. تطّالع عليه ب تاريخ 2022-02-28.
- ليستة د تّيفاقيات بين لمغريب ؤ روسيا من 1954 تال 2014 مؤرشف 2022-02-28 فموقع وايباك ماشين