السكان لأصليين دؤسطراليا

من ويكيپيديا
السكان لأصليين دؤسطراليا
منتاميين ل أستراليون
مقيم
السكان الأصليون في أوقيانوسيا
شحال دالسكان 798,400 (2016)
أصليين ف ؤسطراليا
اللوغات لأصلية اللوغات لأصلية دؤسطراليا
نڭليزية
لأديان مسيحية
لادينية
لأساطير دسكان ؤسطراليا لأصليين


تصويرة ديال أصلي ؤسطرالي فلمتحف ديال ألبيرت ناماتجيرا فمدينة أليس سپرينݣس، لأرض دالشمال، ؤسطراليا.

السكان لأصليين دؤسطراليا (بالنݣليزية: Indigenous Australians أولّا Aboriginal Australians) هوما الشعوب ولقبايل اللي سكنات فؤسطراليا شحال هادي، ومازال لدابا. كانو كايستعملو سلاح بحال لعصي دلبوميرانݣ باش يصيدو لحيوانات دلماكلة. مامعروفش منين جاو وكيفاش بانو فؤسطراليا، ولاكين كاينة تقديرات باللي جاو لتمّا من هادي 60 ألف عام أولّا كتر.[1] بزاف ديال السكان لأصلين دؤسطراليا تعدبو فاش جاو لبريطانيين ولإرلانديين لبلادهوم بسباب لمرض اللي ماعمرهوم شافوه ولخسارة ديال لأرض دالصيد.

تاريخ[بدل | بدل لكود]

أول ناس جاو لؤسطراليا جاو ليها من لجانوب الشرقي ديال آسيا. لعولاما ماعارفينش إيمتا بالضبط ولايني كايݣولو باللي راها بلقليلة خمسين ألف عام هادي.[2][3] سافرو وسط لأدغال وهوما كايصيدو بالرماح ولبوميرانݣات وكانو كايقلبو على لماكلة بحال الربيع ولبخّوش. كانو عندهوم شوية ديال لممتلكات وكايصاوبو أي حاجة محتاجين ليها. هاد لمعيشة ولحياة ماكانتش كاتضر بلبيئة لمحساسة ديال ؤسطراليا. كان موهيم عند هاد السكان لأصليين يكونو النباتات ولحيوانات بخير وفصحة مزيانة. كاين عند هاد الناس طريقة فريدة باش كايعاودو لقصص ديالهوم: كايغنّيوهوم وكايديرو منهوم حجّايات كايدوزو من جيل للجيل اللي من موراه.

فاش لبريطانيين جاو لعند هاد الناس، كانو كايسمّيو عليهوم لأصليين (بالنݣليزية: Aboriginals)، واللي كاتعني الناس اللي سكنو تمّا من الزمان لقديم. ليوما لأعداد ديالهوم كاتزيد، وكاين منهوم شي 650 ألف واحد.[4][5] لأغلبية كايعيشو فلمدون، ولاكين شي شوية دلألاف باقي كايعيشو بديك لمعيشة لقديمة التقليدية ديالهوم.

عيون لكلام[بدل | بدل لكود]

  1. ^ Hesp, Patrick A. et al 1999. Aboriginal occupation on Rottnest Island, Western Australia, provisionally dated by aspartic acid racemisation assay of land snails to greater than 50 ka. Australian Archaeology, No 49 (1999)
  2. ^ "Stone Pages Archaeo News: Australia colonized earlier than previously thought?". stonepages.com. 2003. مأرشيڤي من لأصل ف 2023-10-03. تطّالع عليه ب تاريخ 28 مارس 2013.
  3. ^ "Dreaming Online: Indigenous Australian Timeline". www.dreamtime.net.au. مأرشيڤي من لأصل ف 2009-02-06. تطّالع عليه ب تاريخ 2009-06-04.
  4. ^ Australia census: Five takeaways from a changing country". BBC News. 27 يونيو 2017.
  5. ^ Bureau of Statistics 2006 Census data
Wikimedia Commons تقدر تزيد شوف بزاف د تّصاور و لمعلومات ديال Aboriginal Australians ف ويكيميديا كومنز.