عصمت دندش
 | هاد لمقال كيهضر على شخص يالاه توفّا. لمعلومات لمتعلقين ب لوفاة ؤ ضّروف ديالها يقدرو يتبدلو بزّربة معا تّطور د لأحدات، ؤ تّقارير لإخبارية لّولة تقدر ماتكونش موتوقة. آخر تّعديلات على هاد لمقال تقدر ماتعكسش أحدت معلومات متوفرة على لموضوع. (شوف فوقاش ؤ كيفاش تحيّد هاد لميساج) |
عصمت دندش
| ||
| معلومات عامة | ||
| زيادة | 31 دجنبر 1948 | |
| لموت | 29 شتنبر 2024 (75 عام) الرباط | |
| لجنسية | مصر لمغريب | |
| لحرفة | باحتة، توارخي، مُحَقِّقة مَخطوطات و پروفيسورة | |
| لّوغات لي كيعرف | عربية | |
| لفاميلة | ||
| شريك | محمد بن شريفة | |
| معلومات خرى | ||
| دين | إسلام | |
عصمت دندش (توفات ف 29 شتنبر 2024) باحيتة و توارخية مصرية. كانت أستادة جامعية ديال التاريخ و لحضارة لإسلامية، مهتمة سيرتو ب تاريخ لمغرب لكبير و لأندالوس. و هيّ مرات لأكاديمي و التوارخي لمغريبي محمد بن شريفة.
ف 1969، تخرجات عصمت دندش من كلية لأداب ف جامعة لقاهرة، و ف 1972 خدات ماسطر من معهد لبحوت لعلمية لي تابع ل نفس الجامعة. ف 1984 خدات الدوكتورا من جامعة عين شمس ف تاخصّوص التاريخ لإسلامي و لحضارة لإسلامية.[1]
عاشت دندش ف لمغريب كتر من 40 عام، و قرّات ف لبدية ف جامعة محمد اللول ف وجدة ف 1978، و كانت من أساتيدا اللولين لي قرّاو فيها، معا محمد بن شريفة. خدمات ف هاد الجامعة تال 1981. مشات موراها ل جامعة فاس، و قرّات مدة طويلة ف كلية لأداب ف جامعة محمد لخامس ف الرباط. من بين لموادّ لي قراتها كاين التاريخ لإسلامي، السيرة النبوية، و لحضارة لإسلامية، و تخصصات ف تاريخ الدولة لمرابطية.
دارت لإشراف على بزاف د التيزات ديال لماسطر و الدوكتورا، و كانت معروفة ب الجدّيّة و الصرامة ديالها. قرّات تا ف دار لحديت لحسنية.[2]
تجوجات ب محمد بن شريفة ف 15 مارس 1978، ف نفس النهار لي صدر فيه لقرار ديال لماليك لحسن التاني ب تأسيس جامعة محمد اللول ف وجدة، و تكليف راجلها ب هاد لمهمة.[3]
توفات ف 29 شتنبر 2024، و تدفنات النهار لي موراه ف مقبرة الشوهادا ف الرباط.[4]
عندها كتوبا مهيمّين لي ولّاو مراجع ديال الطالابا، من بينها:
- الأندلس في نهاية المربطين ومستهل الموحدين.: عصر الطوائف الثانية، دار الغرب الإسلامي ف بيروت، 1988.[5]
- دور المرابطين في نشر الإسلام في غرب إفريقيا، دار الغرب الإسلامي ف بيروت، 1988.
- أضواء جديدة على المرابطين، دار الغرب الإسلامي ف بيروت، 1991.[4]
- أدوار سياسية لنساءٍ في دولة المرابطين، دار الغرب الإسلامي ف بيروت، 1991.
- رسائل القاضي ابن العربي المعافري الإشبيلي (ت 543هـ): دراسة وتحقيق، دار الغرب الإسلامي ف بيروت، 1988.[4]
- مفتاح السعادة وتحقيق طريق السعادة، لأبي العباس أحمد بن محمد ابن العريف الصِّنْهاجي (ت 526هـ)، دار الغرب الإسلامي ببيروت، 1993.
- سِراج المُريدين في سبيل الدِّين، للقاضي أبي بكر ابن العربي (ت 543هـ)، ف 6 ديال مجلدات، تقديم ديال الشيخ الدكتور حسن الشافعي،[6] دار ابن حزم ف بيروت، 2020.
- دراسة حول رسائل ابن العربي والتي تسمَّى برحلة أبي بكر بن العربي، مجلة المناهل، يوليوز 1977.
- حول رِباط عبد الله بن يس، مجلة المناهل، مارس 1978.
- عودة ابن تاشفين للمغرب بعد الزلَّاقة، مجلة دعوة الحق، وزارة الشؤون لإسلامية ف لمملكة لمغريبية، نمرة 262، يناير و فبراير 1987.
</ref>
- المرأة في تادلا من خلال كتب الرحلات في العصر الوسيط، مجلة المناهل، يونيو 1994.[7]
- محمد بن شريفة
- عبد الهادي التازي
- ^ Empty citation (معاونة)
- ^ Empty citation (معاونة)
- ^ Empty citation (معاونة)
- ^ a b c أحمد عادل (2024-09-30). "تاريخ المغرب والأندلس يفقد أبرز رائداته.. رحيل المؤرخة القديرة عصمت عبد اللطيف دندش". بوابة الأهرام. مأرشيڤي من لأصل ف 2024-10-04. تطّالع عليه ب تاريخ 2024-09-30.
- ^ عصمت عبد اللطيف دندش (2019-10-11). "الأندلس في نهاية المرابطين ومستهل الموحدين". الأرشيف. تطّالع عليه ب تاريخ 2024-10-03.
- ^ وائل بورشاشن (29 شتنبر 2024). "المؤرخة عصمت دندش في ذمة الله". هسبريس. مأرشيڤي من لأصل ف 2024-09-30. تطّالع عليه ب تاريخ 2024-09-30.
- ^ "مقالات: عصمت دندش". أرشيف الشارخ للمجلات الأدبية والثقافية العربية. مأرشيڤي من لأصل ف 2024-03-22. تطّالع عليه ب تاريخ 2024-09-30.