أندلوس
أندلوس ولا إنْدْلاس،[مصدر؟] هيا لمجمول دݣاع ديك لازون ف شبه لجزيرة لإيبيرية اللي كانت تابعة ل لحْكَامْ ديال لمسلمين. وهيا شادة فجوج بلدان تاع دابا لي هوما الصبليون و لبرطقيز و شويا من جنوب فرانسا.
لحكام د لمسلمين فبلاد لأندلوس دام علاين تمنية د لقرون من 711 حتال 1492 فاش طاحت ف ليدين ديال يزابيل لقشتالية و راجلها فيرنالدو الجاوج لاراݣوني ب لمعاونة ديال لكانيسة لكاتوليكية.[1] عرفت الاندلس فالحكم د لمسلمين تطور كبير فمجال ديال العمران و زدهار علمي و ثقافي وساهمو فيه عدة سلالات إسلامية منهم لموحدين و لمرابطين و بني عباد و بني لحمر. و هادشي لي غادي تستافد منو ؤروپا الغربية و الثورة الصناعية بزاف خصوصا ليختراعات ديال لمسلمين لي غادي تساهم فتطور ؤروپا لغربية، وحتا الصبليون ستافدت قتصاديا من لقصور وحصون و مساجد و بيوت لمسلمين فالسياحة بحكم جمالية وقيمة هاد المباني عند المؤرخين صبلوينيين و السياح.
مكاينش شي آصل محدد د تسمية ولايني واقيلا ليندلاس تسمات هاكا حيتاش سكنو فيها شي قبايل جرمانية مهمجة و جالوفية جات من سكندينافيا وبلاد لاليمان سميتها قبايل لوندال ولا ڤاندال (منها نيت مناش جا لمصطلح Vandalism اللي كايعني تاهيماجيت)، وتسمات ب وينداليسيا ؤلا ڤانداليسيا ومعا ليام تحرفات لأندلوسيا ومنبعد الأندلس عند لعرب.
هاد لويندال سكنو حتا شمال فريقيا سيرتو ف السواحل د شمال الجزاير و تونس وشوية ف ليبيا تاع دابا تما دارو فيه مملكة ديالهوم.
كانت شبه لݣزيرة ليبيرية محكومة بلقبايل لويندالية، ومورا ماخرجو حكمو فيها طوايف خرين ديال النصارى تعرفو ب لݣواطا لغرباوا Visigoths اللي نفاصلو على لحكام دالرومان عام 467م ودارو فيها لمملاكة ديالهوم ولعاصيمة ديالها كانت هيا طليطلة واللي كايݣودها لمليك يوريك Euric.
وفعام 694م، شدّ فيها لحكام غيطيشة Wittiza، اللي كان كايتعامل مزيان معا ليهود حيت حبس لحݣرة عليهوم، ولايني فعهدو كانت لبلاد مخربة بسباب لمجاعة والجايحات.
بلاد لأندلوس هيا ليوما شادا جوج بلدان صبليون و لبرطقيز فلجنوب لغربي دلوروپ التيساع ديالها تقريبا 600.000 كيلوميط، كايفرقها معا بلاد لمغريب لمضيق د جبل الطر.
كايحداها فالشرق لبحر لمتوسط و فلغرب لمحيط لأطلسي، فلجنوب لمضيق د جبل طارق و بلاد لمغريب فالضفة لوخرة أما فالشمال كايحداوها معا فرانسا سلسلة تاع جبال د لپيريني و لحاصول هادشي كايردها بحال ݣزيرة حيت كيما معزولة فلجنوب على لمغريب بلبحر راها معزولة على لوروپ بجبال.
ف لفترة ديال لحكم د لمرابطين، لموحدين و لبدية د لحكم لمرينيين تميّزات ب إتحاد نسبي مابين لأندالوس و مناطق لمغرب لكبير، و عرفات إنصهار و تمازج بيناتهم ف بزاف د لوجوه، بحيت كانو لأندلوسيين كيجيو للعواصم د لمغريب، مراكش و فاس، و كان حتيكاك و تواصل مابين لفلاسفة و الطبّا و لعولاما ديال ديك لفترة، بحال بن طفيل، بن رشد و بن زهر.
لهجرة د لأندلوسيين ل لمغريب و مناطق خرين ديال شمال إفريقيا زادت تضخمات ملي الصبليون بداو كياخدو لمدون ديال لأندلوس وحدة ب وحدة. و ف لعهد ديال السعديين زادت كبرات، و لأندلوسيين جابو معاهم نمادج ديال لحضارة ديالهم، لي كانت طبعات لحياة لإجتماعية و لإقتصادية و لفكرية ف لمغريب ب واحد الطابع ديال لفخامة و الرقي. ما جاو طاحو لمعاقل اللخرين د لمسلمين ف لأندلوس، حتى كانو لمدون لكبار بحال فاس، تطوان، سلا و تلمسان ب عولاما، شوعارا، فنانين، تجار و حرايفيا لي سامو ف صهر لمضاهر لحضارية ديال لأندلوس و شمال إفريقيا. الطابع لأندالوسي كيبان ف التجارة، لإقتصاد و لموسيقى ف تطوان و فاس، لي كانلقاو فيهم ليوما أعراف و مضاهر كيرجع لأصل ديالها ل ديك لفترة.[2]
- ^ "د . أحمد سيد حامد". "ألف معلومة عن الأندلس-الفردوس الضائع".
- ^ منار اللغة العربية سنة 6 ابتدائي (ب لعربية).
|
تقدر تزيد شوف بزاف د تّصاور و لمعلومات ديال Al-Andalus ف ويكيميديا كومنز. |
 هادي زريعة ديال مقالة خاصها تّوسع. تقدر تشارك ف لكتبة ديالها. |