انتقل إلى المحتوى

شعب الشامورو

من ويكيپيديا
شعب الشامورو
منتاميين ل شعوب أسترونيزية
شحال دالسكان 147,798 (2010)
أصليين ف غوام
جزر ماريانا الشمالية
اللوغات لأصلية لغة تشاموروية
نڭليزية
لأديان كاطوليكية


شعب الشامورو أولّا تشامورو (بالنݣليزية: Chamorro people)[1][2] هوما شعب أصلي ليوما فݣزاير ماريانا الشمالية وݣوام[3] وكانت عندهوم علاقات مزيانة مع ناس وشعوب خرة فݣزاير خرين فلمحيط لمهدن بحال ميكرونيزيا (ويلاية ياپ) وإندونيسيا والسكان لأصليين تاع طايوان. جاو هاد الناس للبلايص اللي كاينين فيها ليوم تقريبا ف 2000 قبل لميلاد. لعدد ديالهوم ليوما بحساب ليحصاء د 2010 هو 147 ألف و798.[4]

السمية ديال الشعب جات من اللقب اللي كايتعطى للطبقة لحاكمة عليهوم.[5] شحال هادي، الشعب كان كايعطي التربية لخوت لمرة (لخوال) اللي عندهوم دور مهم كتر من لوالد.[6][7] فلفلاحة، لمستعمرين الصبليون ردو لبال باللي شعب تشامورو كانت عندو فلاحة متبعة لقمر، حيتاش كانو متلا كايزرعو لبطاطة لحلوّة فلوقت اللي كاتكون لݣمرة كاملة ولعلو دلبحر هابط.[8] هاد الناس عرفو الروز وكانوا كايزرعوه من ما قبل التاريخ.[9] بالنسبة لهاد الناس، لأرض تخلقات بسباب بنت ودرية خوت توام: پونتان و فوؤونيا.[10]

لمحاكة مع شعوب خرين بحال الصبليون، لمكسيك، لميريكان، الجاپون ولفيليپين خلات التقافة ديال شعب الشامورو تتأتر بزاف. ليوما واخا كاينين شي وحدين اللي باقين شادين فلمعتقدات ديالهوم لقدام، لأغلبية ولات على لمسيحية لكاطوليكية.[11] كاين واحد لعدد ديال الناس اللي كاينين فلعسكر ديال لميريكان من لأصول ديال الشامورو، فݣوام 14 من كولّا 10000 واحد داخلين للعسكر، كتر من لويلاية لميريكانية د مونطانا اللي كايدخل من سكانها غير 8 من كولا 10000.[12] واخا هكاك الناس مازال محافضة على تقاليدها: الناس بقي شادة فلفيكرة ديال لفاميلة لكبيرة ولعشيرة اللي الشجرة ديالها جاية من شي جدة قديمة. بزاف ديال لأمراض بحال السكر ولمرض د لقلب طلعات النسب ديالهوم مابين هاد الشعب.[13] واخا هكاك كاينين ناس اللي مازال كايحتارمو السوروهانو، اللي هوما الطبّة اللي عندهوم علم كتير بلعشوب تاع الدوا.

عيون لكلام[بدل | بدل لكود]

  1. ^ "Chamorro definition and meaning – Collins English Dictionary". www.collinsdictionary.com. مأرشيڤي من لأصل ف 2019-08-18. تطّالع عليه ب تاريخ 25 مارس 2018.
  2. ^ "Chamorro". dictionary.com. مأرشيڤي من لأصل ف 2023-10-15. تطّالع عليه ب تاريخ 9 دجنبر 2019.
  3. ^ The Puerto Rico and Insular Areas (Archived copy) www.census.gov
  4. ^ "The Native Hawaiian and Other Pacific Islander Population: 2010" (PDF). census.gov. US Census Bureau. مأرشيڤي (PDF) من لأصل ف 2021-12-30. تطّالع عليه ب تاريخ 11 غشت 2017.
  5. ^ Lujan Bevacqua، Michael. "Ancient Chamorro castes". Mampolitiku: Politics. Guampedia. مأرشيڤي من لأصل ف 2023-10-15. تطّالع عليه ب تاريخ 19 يونيو 2012.
  6. ^ Pereda، Nathalie. "Distribution of authority". Che’lu/Mañe’lu: Siblings. Guampedia. مأرشيڤي من لأصل ف 2018-01-19. تطّالع عليه ب تاريخ 19 يونيو 2012.
  7. ^ Cunningham، Lawrence (1992). Ancient Chamorro Society. Honolulu, Hawaii: Bess Press, Inc. ص. 229. ردمك 1-880188-05-8.
  8. ^ Wuerch، William L.؛ Ballendorf، Dirk Anthony (1994). Historical Dictionary of Guam and Micronesia. Metuchen, NJ: Scarecrow Press. pp. 12–13. ردمك 0810828588.
  9. ^ Tolentino، Dominica. "Ancient Chamorro Use of Rice". Guampedia. مأرشيڤي من لأصل ف 2023-09-28. تطّالع عليه ب تاريخ 18 ماي 2013.
  10. ^ Hattori، Anne Perez (23 شتنبر 2016). "Folktale: Puntan and Fu'una: Gods of Creation". Guampedia. مأرشيڤي من لأصل ف 2023-08-01. تطّالع عليه ب تاريخ 28 ماي 2016.
  11. ^ "Northern Mariana Islands Travel – Guides & Reviews – Travel Library". Travel-library.com. مأرشيڤي من لأصل ف 2011-02-24. تطّالع عليه ب تاريخ 2011-02-20.
  12. ^ "Total Military Recruits: Army, Navy, Air Force (per capita) (most recent) by state". StateMaster.com. 2010. مأرشيڤي من لأصل ف 2020-02-12. تطّالع عليه ب تاريخ 2010-05-25.
  13. ^ Durand؛ et al. (1997). "Diabetes in the indigenous population of the Commonwealth of the Northern Mariana Islands". Asia-Pac J Public Health. 9: 28–32. doi:10.1177/101053959700900106. PMID 10050196. Unknown parameter |s2cid= ignored (معاونة)