لمحيط لمهدن
لمحيط لمهدّن ولاً لمحيط لهادي هو أكبر محيط وبحر ف لعالم. لمساحة د لمحيط لمهدّن هي 169.2 مليون كم²، وهو اللي تيخليه ياخد تقريبا 30% من لمساحة ديال لكرة لأرضية، و 46% من لمساحة ديال لبحورا ولمحيطات فلعالم. لمحيط لمهدّن تيمشي من لمحيط لمجمَّد الشمالي ف الشمال، تال لمحيط لمجمَّد لجنوبي (اللي تيوصل تال لقطب لجنوبي) ف لجنوب، من لغرب تيحدّوه آسيا و أوقيانوسيا، و من الشرق تاتحدّو أميريكا. خط ليستيواء تيقسم لمحيط لمهدّن على جوج: لمحيط لمهدّن الشمالي, ولمحيط لمهدّن لجنوبي. لمعدّل ديال لغرق ف لمحيط لمهدّن هو 3940 ميطرو.[1]
أغرق بلاصة ف لأرض جات ف لمحيط لمهدّن، و هي لخندق ديال ماريانا، و لغرق ديالها هو 10.928 ميطرو. تا أغرق بلاصة ف النص لجنوبي د لأرض جات ف لمحيط لهادي، و هي لخندق ديال طونݣا (غارق ب 10.823 ميطرو).
لأصل ديال السمية[بدل | بدل لكود]
ملّي بداو لأوروپيين كيوصلو للمحيط لمهدّن فاللول د لقرن 16، سمّاوه لبحر ديال لجنوب (مار ديل سور).[2] السمية ديال لبحر لمهدّن عطاهاليه لبحري لبرتغالي فرناندو ماجلان، ملّي دار على لعالم ف 1521، و جاه هاداك لبحر مهدّن بزاف، هو يسمّيه مار پاسيفيكو (لبحر لمهدّن).
شوف تا[بدل | بدل لكود]
عيون لكلام[بدل | بدل لكود]
|
تقدر تزيد شوف بزاف د تّصاور و لمعلومات ديال Pacific Ocean ف ويكيميديا كومنز. |
 هادي زريعة ديال مقالة خاصها تّوسع. تقدر تشارك ف لكتبة ديالها. |