طايوان
طّايوان، رسميا جمهورية د شّينوا (ب شينوية 中華民國، پينيين: Zhōnghuá Mínguó)، هي بلاد معتارف بيها جزئياً، وهي كاتحكم لجزيرة ديال طّايوان (فورموسا) ف شرق آسيا، بحق هي كاتحكم تا لجزر ديال پينݣهو، و ماتسو، و كينمن. تاتحدّها الشينوا من الشمال لغربي، الجاپون من الشمال الشرقي، لفيليپين من لجنوب، و لمحيط لهادي من الشرق. تيسكنو فيها 23.57 مليون واحد. لعاصمة ديالها هي تايپي، و لمدينة لكبيرة ديال لبلاد هي نيوتايپي.
لجزيرة ديال طّايوان كانت محتلة تحت لهولانديين من عام 1624 حتا لعام 1662، وعاوتاني من لعام 1664 حتا لعام 1668، و من بعد كانت محتلة تحت لسلالة د تشينݣ من 1683 حتا لعام 1895 منين لجاپون حتلات لجزيرة. ف 1911، ملّي وقعات تورة د شينهاي بدات لجمهورية د شّينوا، و تسالات السلالة د تشينݣ. من بعد لحرب لعالمية التانية، حتلات لجمهورية د شّينوا لجزيرة ديال طّايوان. ف 1949، ربح لحزب الشيوعي ف لحرب لأهلية الشينيوية و دا لبر لرئيسي د شّينوا، و مشات لجمهورية د شّينوا للجزيرة من بعد. من ديك الساعة و طايوان تاتعتابر راسها مستاقلة.
طايوان كتعتابر راسها مستاقلة و شينوا كاتعتابر طايوان طرف من لأراضي ديالها. ف 2 غشت 2022 زارت لمومتيلة رّسمية ديال مجلس نّواب لميريكاني نانسي پيلوسي طايوان، واخا شينوا كانت حدّرات لميريكان من هاد زّيارة. و باش يردو عل لميريكان شينوا دارو مناورات عسكارية ف لبحورا لي ضايرين ب طايوان. هادي كانت أكبر مناورات عسكارية شينوية من لأزمة د صّوارخ د 1995. على حساب لمسؤولين طّايوانيين، شّينوا سيفطات تا 21 طيارة حربية لي دازو فوق لمجال لجوي ديال طايوان.[1]
- ^ "Pelosi besucht Taiwans Parlament" [پيلوسي زارت لبرلمان طّايواني]. 3 غشت 2022. مأرشيڤي من لأصل ف 19 غشت 2022.
|
تقدر تزيد شوف بزاف د تّصاور و لمعلومات ديال Republic of China ف ويكيميديا كومنز. |
 هادي زريعة ديال مقالة خاصها تّوسع. تقدر تشارك ف لكتبة ديالها. |