جامع بن يوسف

مقالة ؤلا فقرة ناقصينها عيون لكلام. لمعلومات لّي ف هاد لمقالة ؤلا هاد لفقرة ناقصين ف توتيق، خاصّ يتزادو فيها عيون لكلام باش تكون موتوقة. شوف هنا كيفاش تزيد لعيون. ماتّخلعش! هاد لميصاج مديور باش تشوفو لفرقة ديال الصيانة و لمراجعة د لمقالات، و ماكيعنيش بلي درتي شي غلط!

صمعة ديال جامع بن يوسف.

جامع بن يوسف، جامع كاين ف لمدينة لقديمة ديال مراكش ف لمغريب، بناه الأمير علي بن يوسف بن تاشفين اللي هو الخامس فترتيب حكام لدولة المرابطية فالمغرب والأندلس، وتسمى الجامع باسميتو. كيتعتابر أقدم ؤ أهم جامع ف مراكش.

تاريخ

بنى لأمير لمرابطي يوسف بن تاشفين أول جامع ف مراكش فسبعينات القرن 11، باش يكون الجامع المركزي للمدينة. كان من الجوامع اللولين اللي تبناو من الطوب فالمدينة، وكيتݣال باللي ابن تاشفين براسو خدم فالبني ديالو وخلط بيديه المرطوب. بنى من بعدو ولدو والخليفة ديالو جامع مركزي جديد وكبير، تسمى جامع الساقية، حيت فيه ساقية كبيرة من الرخام. الجامع جا بالضبط فالمركز الجغرافي ديال المدينة القديمة و كيشكل نقطة تقاطع لبيبان المدينة. بناه تقريبا ب60000 دينار دهبي، وكمل ما بين 1121 و1132.

كان أكبر جامع يتبنى فالامبراطورية المرابطية، بقاعدة مستطيلة فيها 120 × 80 مترو، ومئدنة فارتفاعها 30 مترو. التخطيط ديال المدينة تدار باش الجامع يجي فالوسط وتبناو الديور محيطة للجامع، ؤ بجانب الأسواق اللي كانو حداه شكلات الوحدة ديال الجامع المركز الحياتي ديال المدينة كاملة. القبة المرابطية اللي قريبة للجامع كانت نافورة كبيرة ديال الوضوء.

منين غلبو الموحدين المرابطين وخداو الحكم على مراكش ف أبريل 1147، ناض عبد المومن بن علي خليفة لمهدي بن تومرت واللي كيتعتابر المؤسس الفعلي ديال الدولة الموحدية وݣال باللي الجامع فيه خطأ فالقبلة (المحراب ديالو جا للجنوب بعيد على مكة لمكرمة) وهدموه. عاودو الموحدين بناو جامع جديد وصاوبو ليه القبلة ، ولكن مقدروش يحيدو ليه سميتو اللي كتنسب لعلي بن يوسف بن تاشفين المرابطي اللي كانت سميتو الشعبية.

تعاود البني ديال الجامع عام 1563، على أوامر سلطان المغرب السعدي عبد الله الغالب. فنفس الوقت تقريبا، بدا تخطيط ديال المدينة كيتبدل، وتبناو أسواق جديدة ومناطق سكنية لجيهة الغرب ديال المدينة، حدا جامع الكتبية وجامع المواسين الجديد، وتحول مركز الجادبية من جامع ابن يوسف القديم. حدا الجامع نيت بناو السعديين مدرسة للتعليم، تسمات مدرسة بن يوسف ف 1563، من ناحية الشرق ديال الجامع، وعاود عطاه حياة جديدة باش يكون جامع ديال العلماء.

من بعد ما تهدم الجامع مابين القرنين 17 و18، تبنى من جديد  فأوائل القرن 19 من قبل السلطان سليمان بن محمد العلوي، بحيت ما بقى حتى أتر للمرابطين أولا الموحدين فالجامع اللي كاين دابا.

ملاحضات

ميمكنش لغير المسلمين يدخلو للجامع

الجامع باقي حتال دابا من أهم مساجد مراكش وكتقام فين صلاة الجمعة.

لمزاود

• جوليان، تشارلز أندريه.(1931) Histoire de l'Afrique du Nord ، المجلد
• ابن عذاري المراكشي البیان المغرب في اختصار اخبار ملوك الاندلس والمغرب تونس دار الغرب الاسلامي 2013
• بن سماك العاملي الحلل الموشیة في ذكر الاخبار المراكشیة الدار البیضاء دار الرشاد الحدیثة 1
• ابن قطان المراكشي نظم الجمان لترتیب ما سلف من اخبار الزمان تحقیق محمود علي مكي یبروت دار الغرب الاسلامي الطبعة الاولى 1
• جامعة القاضي عیاض مراكش من التاسیس الى اخر العصر الموحدي مراكش الاطلس الكبیر 19

تقدر تزيد شوف بزاف د تّصاور و لمعلومات ديال Ali Ben Youssef Mosque ف ويكيميديا كومنز.