جامع

لمسجيد قرجي ف ليبيا 2023

الجّامع ولا لمسجيد (بلأمازيغية: ⵜⵉⵎⵣⴳⵉⴷⴰ, تيمزڭيدا) هو سميّت لبلاصة د لعبادة رّئيسية عند لمسلمين. الجّامع عندو قيمة كبيرة عند لمسلمين ماشي غير ف لعبادة: من لقديم، كان عندو دور مهم ف لحياة السياسية والثقافية والعلمية وحتّا لعسكرية ديال الدّول لمسلمة.

أول جامع تّبنا ف التاريخ كان هو مسجيد قباء ف لمدينة لمنورة، لّي كان بناه الرسول محمد من بعد مّا هاجر من مكّة.

أكبر جامع ف لعالم من حيت الطّاقة الاستيعابية هو المسجد الحرام ف مكّة، لّي يمكن يصلّيو فيه كتر من 2 د لميون د النّاس.

الجّوامع ف لمغريب

أول جامع تّبنا ف لمغريب كان بناه عقبة بن نافع لفهري ف جوايه عام 681 م، ف لمنطقة د ترغة ف بني زيات، و هو بعيد على تطوان ب 60 كلم.

كاينين تلاتة ديال نّواع ف لمغريب، على حساب التعريف د وزارة لأوقاف لمغريبية:

• المساجد: العدد ديالها 49817.
• المساجد الجامعة: 18700.
• المصلّيات د لعياد (لكبير و الصغير): 9000.

تصاور

• 
  شوفة من السما على الجامع لكبير د مكة (2010)، لي فوسط منو كاينة لكعبة
• 
  لمسجد النبوي، تاني أقدس موضع عند لمسلمين
• 
  لمسجد لأقصى ف لقدس، تالت أقدس موضع ف لإسلام
• 
  الجامع لأموي ف دمشق
• 
  الجامع الزرق ف إسطانبول، تركيا
• 
  جامع الصحابة ف مصوع، إيريتريا

مصادر

تقدر تزيد شوف بزاف د تّصاور و لمعلومات ديال Mosques ف ويكيميديا كومنز.

هادي زريعة ديال مقالة خاصها تّوسع. تقدر تشارك ف لكتبة ديالها.