معجم الدارجة المغربية: الجذور و الاختلافات الجهوية
معجم الدارجة المغربية: الجذور و الاختلافات الجهوية
| ||
| ||
| معلومات عامة | ||
| مؤلف | محمد بن البشير بوسلام | |
| لبلاد لأصلية | لمغريب | |
| لّوغة لأصلية | الداريجة لمغريبية و لعربية لفصيحة الجديدة | |
| تاريخ د نّشر | 2015 و 2018 | |
معجم الدارجة المغربية: الجذور و الاختلافات الجهوية هوّا ديكسيونير ديال الداريجة من تأليف د محمد بوسلام، لي خرج ل حد سّاعة ف جوج ڭزوات، لّول ف 2015، و تّاني ف 2018. ف هاد دّيكسيونير، دافع بوسلام على دّاريجة لمغريبية ب عتيبارها لوغة غنية ؤ عندها قدرات تعبيرية كبيرة، عكس ما كيفتارضو لبعض. دّيكسيونير فيه موقديمة ف لڭزو لّول لي كاتشرح كيفاش يقدر لواحد يقلّب فيه (على حساب ترتيب لحروف ؤلا لمدخل ب لفيعل، سمية د لفاعل ؤلا لمصدر)، ؤ لحروف لمستعملين فيه، ؤ تا بعض لمزايا د لفونيتيكية و نّحوية ديال دّاريجة. فيه كلمات ب دّاريجة، مشروحين ب لعربية لفصيحة، معا تحديد لأصل د لكلمة يلا كان معروف، ؤ لمصادر لي عتامد عليهوم لباحت.[1]
لڭزو لّول كيبدا من حرف ا (ب كلمة "اتراكى"، لي كاتعني "رتاح") ؤ كيسالي ب حرف لحا (ب كلمة "الحيڭون"، لي كاتعني "دكر لحجل").[2] لڭزو تّاني كيبدا ب حرف لخا ب كلمة "خابور" (نوع د شّجر)، ؤ كيسالي ب حرف لعين ب كلمة "عيوع" (غوتة كيطلقوها لعيالات قبل سباق لماطا عند جبالة).[3]
لحروف لمخدّمين[بدل | بدل لكود]
هادو هوما لحروف لي تّعتامدو ف لكتابة ديال دّاريجة ف معجم الدارجة المغربية ب هاد تّرتيب: ا، أَ، آ، أُ، إِ، ب، بٍ (p)، ت، ث، ج، ح، خ، د، ذ، ر، ز، س، ش، ص، ض، ط، ظ، ع، غ، ف، فٍ (v)، ق، ك، كَ (g)، ل، م، ن، ه، و، ي.[2]
عيون لكلام[بدل | بدل لكود]
- ^ "جزء ثان من «معجم الدارجة المغربية:الجذور والاختلافات الجهوية»". 3 ماي 2018. مأرشيڤي من لأصل ف 2023-04-07. تطّالع عليه ب تاريخ 2022-11-12.
- ^ a b محمد بوسلام (2015). معجم الدارجة المغربية: الجذور و الاختلافات الجهوية، الجزء 1. ردمك 9789954351604.
- ^ محمد بوسلام (2018). معجم الدارجة المغربية: الجذور و الاختلافات الجهوية، الجزء 2. ردمك 9789920352208.
 هادي زريعة ديال مقالة خاصها تّوسع. تقدر تشارك ف لكتبة ديالها. |