استقلال المغرب

إستقلال المغرب هو لإستقلال من الحماية الصبليونية و الحماية لفرانساوية ف سنة 1956. كتحتفل المملكة المغربية كل عام بيوم لإستقلال ف 18 نونبر.

قبل من لإستقلال

الطلبات ديال الشعب المغربي

  فـ 1 دجنبر 1934، طلبات الحركة الوطنية المغربية عبر كتلة العمل الوطني من سلطات الحماية الفرنسية بزاف ديال الإصلاحات الإدارية والاقتصادية والاجتماعية لصالح الشعب المغربي، من خلال تقديم وثيقة فيها مطالب الشعب المغربي، اللي تعرفات كذلك ب سمية برنامج الإصلاحات المغربية. تكلفو عمر بنعبد الجليل و محمد الحسن الوزاني بتقديم هاد المطالب لوزير الخارجية لفرانساوي پيير لاڤال ف باريس. كان رد السلطات الفرنسية هو عدم الاستجابة لمطالب الشعب المغربي، واعتقال ونفي مجموعة من المسؤولين المغاربة.

وثيقة لإستقلال 11 يناير 1944

تقديم وثيقة لإستقلال

  ف 11 يناير 1944، دارو رجال الحركة الوطنية بتنسيق مع الملك محمد الخامس، واحد المعركة نضالية حاسمة. هاد المعركة تمثلات ف تقديم وثيقة المطالبة بلإستقلال لسلطات الحماية الفرنسية وتسليم نسخ منها للمقيم العام ڭابرييل پويو Gabriel Puaux و للقناصل العامين ديال بريطانيا العظمى و لميريكان وللجنرال ديڭول وسفير الاتحاد السوفيتي ف الجزائر الفرنسية. كانت الوثيقة كتضمّن النص التالي:

الحمد لله راه حزب لإستقلال اللي كيجمع أعضاء الحزب الوطني السابق وشخصيات حرة: حيث راه الدولة المغربية كانت ديما حرة وسيادية وحافظت على استقلالها طيلة تلطاش قرن حتى تفرض عليها نظام الحماية في ظروف خاصة، وحيث راه الغاية من هاد النظام والمبرر لوجودو هما إدخال الإصلاحات اللي كيحتاجها المغرب في مجالات الإدارة والعدالة والثقافة والاقتصاد والمالية والعسكرية بلا ما يمس داكشي بسيادة الشعب المغربي التاريخية ونفوذ جلالة الملك. وحيث راه سلطات الحماية بدلت هاد النظام بنظام مبني على الحكم المباشر والاستبداد لصالح الجالية الفرنسية، ومنها جيش من الموظفين اللي المغرب كيستفد غير من جزء صغير منهم، وما حاولوش يوفقو بين مصالح مختلف العناصر في البلاد. وحيث هاد الجالية الفرنسية وصلت بهذا النظام للاستحواذ على مقاليد الحكم واحتكرت خيرات البلاد بلا أهلها. وحيث راه هذا النظام حاول بطرق مختلفة تحطيم الوحدة المغربية ومنع المغاربة من المشاركة الفعلية في تسيير شؤون بلادهم ومنعهم من كل حرية خاصة ولّا عامة. وحيث راه الظروف اللي كيعيشها العالم اليوم مختلفة على الظروف اللي تأسست فيها الحماية. وحيث راه المغرب شارك بفعالية في الحروب العالمية بجانب لحولافا، وقامو رجالو بأعمال ثارت إعجاب الجميع في فرنسا و تونس و صقلية و قرشيقة و الطاليان، وكيتسنا منهم مشاركة أوسع في ميادين أخرى، وبالأخص لمساعدة فرنسا على تحريرها. وحيث راه لحولافا اللي كيسفكو دماياتهم في سبيل الحرية اعترفو في وثيقة الأطلسي بحق الشعوب في حكم راسها ب راسها، و علنو أخيراً في مؤتمر طهران سخطهم على المذهب اللي بمقتضاه كيظن القوي بلي راه عندو الحق في الاستيلاء على الضعيف. وحيث راه لحولافا بيّنو في مناسبات متعددة تعاطفهم مع الشعوب الإسلامية ومنحو لإستقلال لشعوب منها اللي عندها تاريخ وحاضر قل من شعبنا. وحيث راه الأمة المغربية اللي كتشكل وحدة متناسقة الأجزاء كتشعر بحقوقها وواجباتها داخل البلاد و برا ديالها تحت رعاية ملكها المحبوب وكتقدر الحريات الديمقراطية اللي كتوافق مبادئ ديننا الحنيف واللي كانت الساس في وضع نظام الحكم في البلاد الإسلامية الشقيقة. كيقرر هادشي لي جاي: أولاً: كيطالب باستقلال المغرب ووحدة ترابو تحت ظل صاحب الجلالة ملك البلاد المفدى سيدنا محمد بن يوسف نصرو الله و أيدو. تانياً: كيلتامس من جلالتو السعي عند الدول اللي يهمها الأمر الاعتراف بهاد لإستقلال و ضمانو، و لوضع اتفاقيات كتحدد ضمن السيادة المغربية داكشي لي ديال لبرّانيين من مصالح مشروعة. ثالثاً: كيطلب نظام المغرب من الدول الموافقة على وثيقة الأطلسي والمشاركة في مؤتمر الصلح. رابعاً: كيلتامس من جلالتو باش يشمل برعايتو حركة الإصلاح اللي المغرب كيحتاجها ف الداخل، و يوكل ل شوفتو السديدة إحداث نظام سياسي شوري كيشبه ل نظام الحكم في البلاد العربية الإسلامية في الشرق، اللي كيحفظ حقوق جميع عناصر الشعب المغربي و جميع طبقاتو وتحدد فيه واجبات الجميع. و السلام.

خطاب طنجة

ف 10 أبريل 1947، زار ملك المغرب الملك محمد الخامس مدينة طنجة السّاحلية وقدم فيها خطاب تكلّم فيه على دعمو لتحرير المغرب من الهيمنة الاستعمارية و التحرر التام من أي شكل من شكال السيطرة و التدخل لبرّاني.

التمرد ديال البيت البيض ضد التدخل الاستعماري

خبار يونيڤيرسل نيوزريل حول زيادة المظاهرات و الأعمال المسلحة الرافضة للوجود الأجنبي ف عام 1955.

ف 5 دجنبر 1952، تغتال الراجل اللي كان زعيم التحالف الشغيلة التونسية، فرحات حشاد. هاد الحادثة كانت نتيجة لتدخل المخابرات لفرانساوية، بزاف خاصة تنظيم اليد الحمرا الإرهابي، بسبب نشاطاتو الديموقراطية و لإجتماعية و النقابية ضد الإستعمار. وقتاش حصلات الحادثة، كان ف مظاهرات ف مدون شمال إفريقيا والشرق الأوسط، و كانو ناس كيخرجو ف أوروپا بزاف. و أشد الانتفاضة كانت ف الدار البيضا، كانت متدت من 7 ل 8 دجنبر، وفيها ماتو 40 ناس.

تفجير السوق المركزي فكازا

ف صباح عيد الميلاد ديال 1953، و ف رد على العزلة ديال السلطان محمد الخامس ف يوم العيد الكبير، نفذ المناضل المغربي محمد الزرقطوني تفجير ف السوق الكبير ف الدار البيضا ضد ف مصالح لفرانسيس و قتل 16 واحد.

ثورة الملك و الشعب

هيّ مقاومة مسلحة بدات ف 20 غشت 1953.

صورة لول لحكومة لمغربية اللولة بعد لإستقلال

إعلان لإستقلال

بعد مجهودات الشعب المغربي ضد الجوج حمايات، علنات المملكة المغربية على استقلالها ف 18 نونبر1956. و كاتحتافل ب هاد ليوم كل عام.

مور لإستقلال

الراية د المغرب بعد لإستقلال.

مباشرة من مور استقلال المغرب، علن الملك الراحل محمد الخامس بموجب مرسوم ملكي ف 3 غشت 1956 تأسيس المجلس الوطني لإستشاري، اللي ضم 76 عضو منباتقين من الحركة الوطنية المغربية زيادة على عولاما و نخبة د المثقفين والنقابيين اللي وقع ختيارهم من قيبال الملك ف ديك لوقيتة. حيث شكل حزب لإستقلال غالبية المجلس برئاسة السياسي المهدي بن بركة.

بعد ما ستاقل المغرب، حاولو يهيكلو نظام الإدارة ديالو عموما و خاصة الإدارة المحلية باش يوثقو الأمن فكل دواير المغرب. وهاكا داز المغرب كان غادي يركز على سلطة إدارية محلية وإقليمية باش يكونو ممثلين للسلطة المركزية، على أساس تقسيم التراب باش يبثو الأمن و يزيدو سيطرة السلطة المركزية ؤلا لمخزن على كامل التراب المغربي، ويملاو الخوا اللي كانو خلّاوه الموظفين ديال سلطات الحماية ملي تخلّو عن وظايفهم. وحاولو يعوضو بكوادر مغربية باش يضمنو ستمرار النشاطات. و هاد الكلام لي كان جا بالمرسوم ديال 16 دجنبر 1955، لي قسم المغرب لـ 13 جهة و جوج عمالات هما الدار البيضا و الرباط، و ف كل جيهة كان عندو واحد موظف رئيسي كيتسمى عامل، و عطاو لرجال السلطة لي عندهم رتبة عامل سلطة التنفيذ فكل الدواير و الأقاليم.