لمحاولة د لإنقلاب د الصخيرات
وحدين من اللي شاركو ف لمحاولة د لإنقلاب مقبوطين ف كاميو.
عسكر د لمغريب قدام لباطيمة ديال التلفازة ف 1971.
لمحاولة د لإنقلاب د الصخيرات ولاّ نقيلاب ديال 1971، هو واحد لمحاولة ديال نقيلاب عسكري ما صدقاتش، داروها جينيرالات مغاربة نهار 10 يوليوز 1971، ف لقصر د الصخيرات، اللي كان لماليك لحسن التاني داير فيه لحفلة د لعيد ميلاد 42 ديالو. ف هاد لمحاولة هجم 1400 عسكري على لقصر، و قتلو 123 واحد[1]، منهم السفير د بلجيكا ف لمغريب، و حمد باحنيني اللي كان وزير أول د لمغريب من 1963 ل 1965.
لقادة د لعسكر اللي خططو لهاد لإنقلاب كانو هوما محمد المدبوح و امحمد عبابو و محمد عبابو. الجوج اللوالا تقتلو ف النهار د لإنقلاب نيت، و التالت تخطف و غبر، و تيتقال باللي مات ف 1976. من غير هادو، تعدمو 10 د الضباط، منهم 4 د لجينيرالات من مورا هاد لمحاولة، و داز لإعدام ديالهم ف التلفازة.[2]
ماتو بزاف د الناس معروفين اللي كانو ف لقصر ف لوقت د هاد لمحاولة د لإنقلاب، منهم:[3]
- حمد باحنيني - سياسي مغريبي
- فاضل بنيعيش - الطبيب د لماليك
- محمد الأزرق - وزير السياحة
- فاضل بناني - السفير د لمغريب ف السنيڭال
- مارسيل دوبري - السفير د بلجيكا ف لمغريب
- ^ "انقلاب الصخيرات .. أولى المحاولات الفاشلة للإطاحة بالحسن الثاني - هسبريس (2014)". مأرشيڤي من لأصل ف 2022-12-04. تطّالع عليه ب تاريخ 2022-12-04.
- ^ "تفاصيل أسرع عملية إعدام في تاريخ المغرب - هكذا تم إعدام 10 ضباط من انقلابيي الصخيرات - الغد 24 (2020)". مأرشيڤي من لأصل ف 2022-12-04. تطّالع عليه ب تاريخ 2022-12-04.
- ^ "الحقيقة الضائعة". مأرشيڤي من لأصل ف 2022-12-04. تطّالع عليه ب تاريخ 2022-12-04. Text "لائحة ضحايا مجزرة الصخيرات - لأسبوع الصحفي (2021)" ignored (معاونة)