أناس السدراتي
أناس السدراتي
| ||
 | ||
| معلومات عامة | ||
| زيادة | 20 أكتوبر 1989 (36 عام) سلا | |
| لجنسية | لمغريب | |
| لحرفة | ويكيميدي، مدير د لمشاريع و پودكاسطر | |
| لّوغات لي كيعرف | عربية، لوغات أمازيغية، نڭليزية، لفرانساوية و سويدية | |
| لكاريير ديال الشخص | ||
| شارك ف | ||
    | ||
أناس السدراتي (بلأمازيغية: ⴰⵏⴰⵙ ⵙⴷⵕⴰⵜⵉ؛ تزاد ف 20 أكتوبر 1989 ف سلا) هو مهندس تصالات، مدير مشاريع، پودكاسطر، وويكيميدي مغريبي. كيتعتبر من الوجوه البارزة فحركة ويكيميديا فالمغريب، ومن المؤسسين ديال ويكيميديا لمغريب وويكيپيديا بالدارجة، وشارك فبناء القواعد الأولى ديالها وتطوير المحتوى المغربي فيها.
أناس هو أول مغريبي خدم مع مؤسسة ويكيميديا، ملي تعين ف مارس 2019 كمنسق ديال ستراتيجية ويكيميديا 2030 بلعربية.[1]
تولد أناس السدراتي نهار 20 أكتوبر 1989 ف سلا، وهو الكبير ما بين تلاتة د لخوت. كبر فمدينتو وقرا ما بين سلا والرباط، ومن بعد تابع قرايتو ف ليسي د مولاي يوسف فشعبة العلوم الرياضية ب. خدا الباكالوريا على 16 لعام، وكمل فالأقسام التحضيرية د مدارس المهندسين فالرباط.
ف 2008، نجح فمباراة الدخول لواحدة من المدارس الفرنسية الكبرى، ودخل لمدرسة طيليكوم پاري.[2]
من بعد عامين ف باريز، مشا لالسويد باش يدير ديبلوم مزدوج مع المعهد الملكي للتكنولوجيا فستوكهولم. ف 2012، خدا جوج ديپلومات ديال مهندس دولة، واحد من فرانسا[3]، وواحد من السويد.
من بعد التخرج، خدم أناس فمجال التكنولوجيا والاتصالات، ودار تجارب فشركات ديال الخدمات الرقمية وفاعلين فقطاع الاتصالات. خدم فمهام تقنية وإدارية مختلفة مرتبطة بتدبير المشاريع والتحول الرقمي.
ف 2016، بدا بحث دكتوراه مهتم بقضايا الحكامة الرقمية، وأمن إنترنت الأشياء، وتقنيات البلوكشين.[4]
ف 2018، كان من بين الممثلين الأفارقة فمجموعة المرافعة ضمن مجموعات الخدمة ديال ستراتيجية ويكيميديا 2030.[5]
وف مارس 2019، التحق بمؤسسة ويكيميديا كمنسق للستراتيجية بالعربية، وساهم فتسهيل النقاشات والمشاورات المتعلقة بمستقبل الحركة الويكيميدية فالعالم العربي.
دخل أناس لعالم ويكيپيديا ف 2013، وبدا المساهمات ديالو فويكيپيديا العربية والإنجليزية. مع الوقت، ولى من المساهمين النشيطين فالحركة الويكيميدية وشارك فبزاف داللقاءات والمؤتمرات الإقليمية والعالمية.
ف أكتوبر 2015، أسس هو ورضا بنخضرة وإسماعيل زنيبر مجموعة ويكيميديا لمغريب.[6]
ساهمت المجموعة فتنظيم عدد من الأنشطة والورشات والمؤتمرات، ومن أبرزها مؤتمر ويكي عربية 2019 اللي تنظم ف مراكش.
ف 2020، كان أناس من المؤسسين ديال ويكيپيديا بالدارجة، وشارك فإعداد السياسات الأولى ديالها وتطوير المحتوى ديالها. وكيتعتبر من المساهمين الأساسيين اللي خدمو على انطلاق المشروع وتوسيعه.
ساهم أناس فبزاف دلأبحاث ؤلمبادرات لمرتبطة بالمحتوى رقمي لمغربي ؤاللغات لمحلية فالإنترنت. من بين هاد لأعمال دراسة حول أسماء النطاقات بتيفيناغ.[7]
كيما نجز بحت أكاديمي فستعمال يوتوب فالمغريب.[8]
ؤشارك حتى فإعداد دراسة علمية على آفاق ويكيپيديا بالدارجة.[9]
من غير الأبحات، شارك فعدد من لمؤتمرات دولية وقدّم عروض على مواضيع مرتبطة بالمحتوى الحر، ؤاللغات المحلية، وويكيپيديا المسموعة، ؤتطوير المشاريع الويكيميدية الأمازيغية.[10][11]
عند أناس پودكاست بالدارجة سميتو علاش وكيفاش، كيهضر فيه على مواضيع متنوعة مرتبطة بالحياة ليومية، وتفكير نقدي، وتكنولوجيا، ؤلفلسفة، بطريقة مبسطة ؤموجهة للجمهور لمغريبي.
- ↑ "User:ASedrati (WMF) - Meta". Archived from the original on 2023-06-02. Retrieved 2020-09-06.
- ↑ "men.gov.ma" (PDF).[ليان مهرس ديما]
- ↑ "BOAC 51 mars-avril 2013" (PDF).
- ↑ "Anass Sedrati - Portulans Institute". Archived from the original on 2022-09-24. Retrieved 2020-09-06.
- ↑ "Strategy/Wikimedia movement/2018-20/Working Groups/Advocacy". Archived from the original on 2023-03-23. Retrieved 2020-09-06.
- ↑ "Wikimedia MA User Group/Board - Meta". Archived from the original on 2022-12-08. Retrieved 2020-09-06.
- ↑ "Towards Internet Domain Names in Tifinagh" (PDF).
- ↑ "FULLTEXT01.pdf" (PDF).
- ↑ "Archive copy". Archived from the original on 2020-08-13. Retrieved 2020-09-06.
{{cite web}}: CS1 maint: archived copy as title (link) - ↑ "An Oral Wikipedia, a dream or reality?".
- ↑ "Challenges for Berber Wikipedias".
 |
ويكيميديا كومنز عندا تصاور و معلومات على أناس السدراتي. |
```