أناس السدراتي

من ويكيپيديا
أناس السدراتي
أناس السدراتي
معلومات عامة
زيادة 20 أكتوبر 1989 (33 عام)
سلا
لجنسية لمغريب
لحرفة ويكيميدي، مدير د لمشاريع و پودكاسطر
لّوغات لي كيعرف لعربية و لوغات أمازيغية
Facebook: anass.sedrati.9 LinkedIn: anass-sedrati-73342619 Youtube: UCXz-z8gFpjhkpRCPWcW1beA Modifica els identificadors a Wikidata


أناس السدراتي ( بلأمازيغية: ⴰⵏⴰⵙ ⵙⴷⵕⴰⵜⵉ- تولد ف 20 أكتوبر 1989 ف سلا) هو مهندس اتصالات ومدير مشاريع و بودكاسطر وويكيپيدي مغريبي وواحد من لمؤسسين د ويكيميديا لمغريب و ويكيپيديا بالدارجة ومن الناس اللي حطًوا لقواعد ديالها وكتبو فيها بزاف د لمقالات. أناس هو أول مغريبي خدم مع لمؤسسة د ويكيميديا[1]، و داكشي ف مارس 2019، ملًي خدم منسق ستراتيجي ديال ستراتيجية ويكيميديا 2030 بلعربية.

حياتو[بدل | بدل لكود]

تولد أناس السدراتي نهار 20 أكتوبر 1989 ف سلا. هو لكبير ما بين تلاتة د لخًوت. كبر فمدينتو و قرا ما بينها و بين الرباط فين قرا فالثانوية د مولاي يوسف فشعبة لعلوم الرياضية ب. خدا أناس لباك على 16 لعام وكمُل لأقسام التحضيرية د مدارس لمهندسين (لپريپا) فالرباط، و نجح فلمباراة ديال ل-مين ف 2008، اللي دخًلاتو للمدراسة د طيليكوم پاري.[2] من مورا عاماين ف باريز مشا أناس للسويد و دار ديبلوم مزدوج مع لمعهد لملكي ف سطوكهولم، و ف 2012 خدا جوج ديبلومات د مهندس دولة، واحد من فرانسا[3]، والتاني من السويد. من بعد ما تخرًج، خدم أناس فشراكات د الطكنولوجيا، منها شركات د لخدمات و فاعلين د لإتصالات، فبزاف د لأدوار منها أدوار تقنية و إدارة لمشاريع. ف 2016، بلموازاة مع لخدمة ديالو بدا دكتورا على لحكامة و لأمن د انترنت لحوايج و لبلوكشيين.[4] ف 2018 كان واحد من لممثلين د إفريقيا فمجموعات لخدمة د ستراتيجية لعالمية د ويكيميديا 2030 (مجموعة المرافعة)[5] ، و ف 2019 خدم مع لمؤسسة د ويكيميديا منسق ديال الستراتيجية ديالها بلعربية. دخل أناس لعالم د ويكيپيديا ف 2013، و كتب فاللول ف ويكيپيديا بلعربية و لينكليزية، و شارك فبزاف د لمؤتمرات إقليمية و عالمية عرًفاتو كتر على لحركة. ف أكتوبر 2015، أسس هو و رضا بنخضرة و سماعيل زنيبر لمجموعة د ويكيميديا لمغريب[6]، اللي نضمات مؤتمر ويكي عربية 2019 ف مراكش. ف 2020، كان من لمؤسسين د ويكيپيديا بالدارجة، ومن الناس اللي وجدولها من اللول. هو دابا واحد من لمديرين ديالها.

التطوير د لمحتوى لمغريبي[بدل | بدل لكود]

أناس خدم على بزاف د لمواضيع عندها علاقة بلمغريب و اللغات ديالو فانترنت، منها ورقة بحثية على تيفيناغ فانترنت[7]، أطروحة على لوضع د يوتوب ف لمغريب[8]، ورقة بحثية على لوضع د ويكيپيديا بالدارجة.[9] من غير لأبحاث شارك أناس فبزاف د لمؤتمرات د ويكيميديا فلعالم و دار فيها عروض على مواضيع بحال ويكيپيديا لمهضورة[10] والتقوية د لمحتوى لمحلي و التطوير د ويكيپيديا لأمازيغية.[11] أناس عندو بودكاسط بالدارجة سميتو علاش و كيفاش، تيبسط فيه بزاف د لمفاهيم د لحياة و تيعطي ليها بعد فلسفي باش الناس يتعمقو فيها كتر.

شوف حتا[بدل | بدل لكود]

عيون لكلام[بدل | بدل لكود]

  1. ^ "User:ASedrati (WMF) - Meta!-- عنوان مولد بالبوت --".
  2. ^ https://www.men.gov.ma/Fr/Lists/Publications/cpge_liste_bourse_merite0809.pdf
  3. ^ https://www.economie.gouv.fr/files/BOAC_51_mars-avril_2013_0.pdf
  4. ^ "Anass Sedrati - Portulans Institute!-- عنوان مولد بالبوت --".
  5. ^ "Strategy/Wikimedia movement/2018-20/Working Groups/Advocacy - Meta!-- عنوان مولد بالبوت --".
  6. ^ "Wikimedia MA User Group/Board - Meta!-- عنوان مولد بالبوت --".
  7. ^ https://www.researchgate.net/profile/Abderrahman_Ait-Ali/publication/315380128_Towards_Internet_Domain_Names_in_Tifinagh/links/58ce5d6daca272335516830a/Towards-Internet-Domain-Names-in-Tifinagh.pdf
  8. ^ http://www.diva-portal.org/smash/get/diva2:1130462/FULLTEXT01.pdf
  9. ^ https://revistas.uca.es/index.php/aam/article/view/5795/6028
  10. ^ "Anass Sedrati - An Oral Wikipedia, a dream or reality?". Text "Celtic Knot 2019 - YouTube!-- عنوان مولد بالبوت -- " ignored (معاونة)
  11. ^ "Anass Sedrati - Challenges for Berber Wikipedias". Text "Celtic Knot 2019 - YouTube!-- عنوان مولد بالبوت -- " ignored (معاونة)
Wikimedia Commons تقدر تزيد شوف بزاف د تّصاور و لمعلومات ديال Anass Sedrati ف ويكيميديا كومنز.