سلا
سلا
| ||||
|
سلا (ar)
| ||||
 | ||||
| لبلاصة | ||||
| لبلاد | لمغريب | |||
| لإقليم | عمالة سلا | |||
| السكان | ||||
| شحال دالسكان | 945,101 (2024) | |||
| شحال دلفاميلات | 256,144 (2024) | |||
| لجغرافيا | ||||
| لعلو | 116 م | |||
| خط الطول بـ ° | -6.80096626 | |||
| خط لعرض بـ ° | 34.05237497 | |||
| معلومات خرين | ||||
| توقيت ديال لمدينة | التوقيت د وسط أوروپا | |||
| كود د لبوصطة | 11000 | |||
| السيت الرسمي | villedesale.ma | |||
| الرمز لجغرافي | 2537763 | |||
| لخريطة | ||||
 | ||||
سلا (ب لأمازيغية : ⵙⵍⴰ) هي واحد لمدينة ف شمال لغربي د لمغريب ؤ تاطًل على لمحيط لأطلسي. هي لعاصمة د لعمالة د سلا، ؤ مفارقها على رباط لواد د بورݣراݣ. على حساب لإحصاء د 2014، كيسكن فسلا تقريبا مليون ديال بنادم.[1] سلا فيها جوج د لمحطات ديال تران ؤ جوج خطوط د طرامواي، ؤ مطار دولي.
كيقول لـعلامة محمد بن علي الدكالي فـكتابو «لإتحاف لـوجيز: تاريخ لـعدوتين» بلي سلا تعرفات بهاد الـسمية من هادي عصور. وذكر لـمؤرخ أحمد بن خالد الناصري فـ «لإستقصا» بلي سمية لـمدينة مذكورة فـتواريخ الـروم بهاد الـسمية. وتكتبات فـشي كتوبة ديال الـتاريخ لـعربي بهاد الـشكل: سلى.[2]
ونقل لـعلامة أبو لـعباس بن عاشر لـحافي على الـشيخ ديالو أحمد لـتستاوتي شي هضرة كاتفيد بلي تسمات بـسمية لـبناي ديالها وهو ملك سميتو (سلا) من ملوك لـعالم لـقدام.[3][4]
أما أبو عبيد البكري فـكتابو «ـمسالك ولـممالك» فاش كان كيهضر على واد سلا، كيقول: وتماك كاينا مدينة أولية آثارها قديمة كتسمى: شلة. وقال فـحقها مول كتاب (لـاستبصار) «مدينة سلا سميتها بـلعجمي (شلة) وهي مدينة أزلية فيها آثار ديال لـأوائل، وهي معروفة بـضفة، متصلة بـلعمارة لـي دارها لـخليفة أمير لـمؤمنين ووالديه لـمكرمين (كيعني لـموحدين) ».
و سمى بن حوقل واد أبي رقراق بـواد سلا، والإدريسي بـالنزاهة لـمختصرة، ولـمراكشي بـواد الـرمان، وبن عذاري بـبحر سلا، ومنذ لـقرن لـعاشر لـهجري بانت تسمية لـحالية عند لـحسن لـوزان لـمعروف بـ ليون الإفريقي.
ماكاينش معلومات محددة ؤ دقيقة على شكون أسس لمدينة د سلا، ولكن بزاف د لمصادر تاتقول باللي لفينيقيين ختارو لبلاصة لي فيها سلا ؤ رباط ؤ دارو فيها مرسى د لبيع ؤ شرا. نّاس لي كانو ساكنين ف ديك لبلاصة كانو أمازيغ. ف لقرن لّول بعد لميلاد، أسسو رّومان فنفس لبلاصة واحد لمستوطنة سمًاوها "لمستوطنة د سلا" (ب للاتينية Sala Colonia سالا كولونيا)، هاد لمستوطنة كان عندها مرسى مروًج. مازال كاين آثار عليها: هي لمدينة لأثرية ديال شالة (ب لأمازيغية : ⵛⴰⵍⵍⴰ) لي تابعة دابا إداريا للرباط.[5] ملًي جا لإسلام للمغرب، كانت لبلاصة لي فيها سلا مامسكوناش، ومن بعد ما بداو الدول تيتأسسو فلمغريب كانت ديك لمنطقة فيها حروب حيث جات على لحدود ديال فين كانو مدابزين لأدارسة مع برغواطة.
فعام 1030، دولة لأمازيغية ديال بني يفرن غادي تأسس لمدينة د سلا لي كنعرفو دابا، ؤ غايردًوها هي لعاصمة ديالهم. ف 1145، غادي يدخلو لموحدين لسلا ؤ غادي تولي تابعة ليهم، ؤ فهاداك لوقت فين أيتًبنا جامع لكبير د سلا.[6]
فلعام 1627، غادي يتحالفو ناس ديال سلا ؤ رباط وغادي يأسسو دولة مستقلة ديالهم لي كانت سميتها "لجمهورية د بورݣراݣ", وكانت لعاصمة ديالها هي لقصبة د لوداية. غادي تبقا لجمهوية د بورݣراݣ مستقلة 41 عام، حتال 1688، ملًي غادي تدخل الدولة لعلوية لسلا.
سلا جات على بعد كتر من 100 كلم (طريق) أوطوروت 3 (لمغريب) شمال شرق الـدار لـبيضا وحوالي 240 كلم فـ أوطوروت 1 (لمغريب) جنوب طنجة. لـمصب لـواسع ديال واد أبي رقراق كيشكل فـ لـكوط ديال الـمحيط لـأطلسي مرسى طبيعي محمي، ولـي بـسبابو لـمدينة لـعبات دور تاريخي كبير.
لـمسافة بـلـخط لنيشان بـين لـقلب ديال لـمدينة لـقديمة فـالـرباط فـلـضفة لـيسرة وسلا فـلـضفة لـيمنية هي 3 كلم؛ لـمدن بـجوج جاو فوق هضبات صخرية طالعة على لـبحر. قنطرة الـحسن الـتاني هي لـي كتقطع واد أبي رقراق (عوضات من 2011 قنطرة مولاي الـحسن لـي تبنات فـلـبدية ديال لـقرن 21)، وجات على بعد حوالي 2 كلم من لـبحر، والـطريق (شارع الـرحبة) كدوز من الـشمال ديال لـقنطرة بـلـمحاذاة ديال لـمارينا حتى لـلـحاشية الـشرقية ديال لـمدينة لـقديمة.
بـالـنسبة لـلـحركة ديال لـسير لـبعيدة، كاينين جوج قناطر خرين جاو داخلين بـشي كيلومترات. مطار الـرباط سلا جا على بعد حوالي 6 كلم شرق لـمركز.
| لـعام | 1994 | 2004 | 2014 | 2024 |
| لعدد ديال الـسكان | 579.850 | 760.186 | 890.403 | 945.801[7] |
فـ لأواخر ديال لـقرن 19، كانو كيسكنو فـالـرباط وسلا مجموعين حوالي 30.000 ديال الـناس. وفـعام 1912، تـقدر عدد لـسكان فـالـرباط بـ 27.000 وفـسلا بـ 19.000 ديال الساكنة.
* باب لـمريسة
* تابريكت،
* بطانة
* لـعيايدة
* حصين
الـجوج لـأولين مرتبطين بـالـشبكة الـجديدة ديال الـطرامواي.
- سيدي بن عاشر
- عبد الله بن حسون
- حمد بن خالد الناصري
- علي زنيبر
- حمد معنينو
- بوبكر القادري
- المهدي بنعبود
- عبدالرحيم بوعبيد
- لحسين السلاوي
- محمد الجم
- عبد الله الطايع
- لݣناوي
لمدينة لقديمة د سلا
طرف من السًور د سلا
_(5509116076).jpg)
- ↑ "لإحصاء د 2014 فلمغريب". Archived from the original on 2023-07-02. Retrieved 2020-03-04.
- ↑ محمد بن علي الدكالي، لـإتحاف لـوجيز « تاريخ لـعدوتين »، صفحة 31-32
- ↑ محمد بن علي الدكالي، لـاتحاف لـوجيز « تاريخ لـعدوتين »، صفحة 31-32
- ↑ أحمد بن خالد الناصري، الاستقصا لأخبار دول المغرب الأقصى، لـجزء لـأول صفحة 61
- ↑ لميا حادة ؤ لوسيانا جاكوبيلي. "Le parc archéologique de Chella" (PDF) (ب فرونسي). Archived from the original (PDF) on 31 ماي 2014.
{{cite web}}: CS1 maint: unrecognized language (link) - ↑ "التاريخ د سلا فلموقع الرسمي د لمدينة د سلا". Archived from the original on 2023-07-14. Retrieved 2020-03-04.
- ↑ Salé – تطور لعدد ديال الـسكان
 |
ويكيميديا كومنز عندا تصاور و معلومات على سلا. |
