عبد الرحمان آيت علي
عبد الرحمان آيت علي
| ||
 | ||
| معلومات عامة | ||
| زيادة | 6 مارس 1991 (35 عام) آيت ملول () | |
| لجنسية | لمغريب | |
| لحرفة | باحت | |
| لّوغات لي كيعرف | عربية، نڭليزية، لفرانساوية، تاشلحيت و سويدية | |
| لكاريير ديال الشخص | ||
| شارك ف | ||
| سّيت رّسمي | https://abdeaitali.github.io/ | |
  | ||
عبد الرحمان آيت علي (بلأمازيغية: ⵄⴱⴷⵕⵃⵎⴰⵏ ⴰⵢⵜ ⵄⵍⵉ - تولد ف 6 مارس 1991 ف آيت ملول[1]) هو باحث وويكيپيدي مغريبي وواحد من لمؤسسين د ويكيپيديا بالدارجة ومن الناس اللي حطًوا لقواعد ديالها وكتبو فيها بزاف د لمقالات.
عبد الرحمان تيخدم دابا باحث ف لمعهد لوطني د لبحث على الطرقان و لمركوب ف سطوكهولم ف السويد.[2]
تولد عبد الرحمان ف 6 مارس 1991 ف آيت ملول و كبر فيها. قرا التعليم لأساسي ديالو كامل تما تال 2009 فين خدا لباك و مشا لأݣادير باش يقرا لأقسام التحضيرية د مدارس لمهندسين (لپريپا). من مورا عاماين تقبل ف لمدراسة ديال إنسيماݣ ف ݣرونوبل و قرا فيها. ف لعام اللخر ديالو د لقراية مشا عبد الرحمان للسويد و دار ديبلوم مزدوج مع لمعهد لملكي ف سطوكهولم، و ف 2015 خدا جوج ديبلومات د مهندس دولة، واحد من فرانسا، والتاني من السويد.
ف 2016 بدا عبد الرحمان الدكتورا ديالو ما بين لمعهد لملكي ف سطوكهولم و لجامعة د لينشوپين[3] على لمركوب و الطرانات ف السويد، و كيفاش تقدر تخدًم لماط و لبرمجة باش يتحسًن لستيغلال ديال لبلايص اللي تيتعطاو للطرانات.
دار عبد الرحمان حساب ديالو فويكيپيديا ف 2013 و دخل لمجموعة لمستخدمين ديال لمغريب ف 2016. شارك مع لمجموعة ف بزاف د لأنشطة و نظم مسابقات بزاف بحال ويكي تهوى لمعالم. ف 2020، كان من لمؤسسين د ويكيبيديا بالدارجة، ومن الناس اللي وجدولها من اللول.
- ↑ "عبد الرحمان آيت علي - آيكان ويكي (2016)". Archived from the original on 2022-08-14. Retrieved 2020-09-09.
- ↑ "عبد الرحمان آيت علي - KTH (2019)".[ليان مهرس ديما]
- ↑ "عبد الرحمان آيت علي - لجامعة د لينشوپين (2020)". Archived from the original on 2023-03-31. Retrieved 2020-09-09.
 |
ويكيميديا كومنز عندا تصاور و معلومات على عبد الرحمان آيت علي. |
