جورج ؤرويل

	جورج ؤرويل
	معلومات عامة
زيادة	25 يونيو 1903; موتيهاري (الراج البريطاني)
لموت	21 يناير 1950 (46 عام); لوندريس
طريقة دلموت	موتة طبيعية
سباب لموت	سل
لجنسية	لمملكة لمتاحدة (1927–1950); لمملكة لمتاحدة د بريطانيا لكبيرة و إيرلاندا (1903–1927)
لحرفة	كاتب
لّوغات لي كيعرف	نڭليزية و لفرانساوية
	لفاميلة
لواليد	Richard Walmesley Blair
لواليدة	Ida Mabel Limouzin
خوت	Marjorie Frances Blair و Avril Nora Blair
شريك	إيلين بلير (1936–1945); Sonia Orwell (1949–1950)
لولاد	Richard Blair
لمحيط	Ellen Kate Limouzin (العمة/الخالة)
لإتنية	إنجليز
	معلومات خرى
دين	إلحاد
لحيزب	حزب العمل المستقل (1938–1940)
لأعمال	The Lion and the Unicorn: Socialism and the English Genius; (1933) متشردا في باريس ولندن; (1934) ابنة القس (رواية); (1934) أيام بورمية (رواية); (1936) دع الدريقة تطير; (1937) الطريق إلى رصيف ويغان; (1938) الحنين إلى كاتالونيا; (1939) الصعود إلى الهواء (رواية); (1945) مزرعة الحيوان; (1946) Politics and the English Language; (1946) Why I Write; (1948) 1984 (رواية);
ستيل	Dystopian literature
تأتر ب	تشارلز ديكنز
	لعسكر
لحروب	لحرب لأهلية الصبليونية و لحرب لعالمية جّاوجة
لجوايز	(1996) Retro Hugo Award for Best Novella, على لخدمة مزرعة الحيوان; (1996) جائزة هوغو لأفضل رواية قصيرة, على لخدمة مزرعة الحيوان; جائزة بروميثيوس - قاعة المشاهير;

جورج ؤرويل (ب نݣليزية: George Orwell)، و هي غير سميّة د شّهرة: سميتو لحقيقية إيريك آرثر بلير Eric Arthur Blair، خلاق ف موتيهاري ف لهند ف 25 يونيو 1903 و مات ف 21 يناير 1950 ف لوندريس، هو كاتيب و صحافي بريطاني.^[1]

حياتو

جورج ؤرويل خلاق ف لهند لبريطانية ف 1903. قرا ف بريطانيا و مشا مزيان ف دّراسة ديالو تا تخرّج من جاميعة د إيطون.

فـ1922، ختار يدخل ل لعسكر و خدم سارجان ف لجيش لستيعماري لبريطاني ف بيرمانيا. ما حملش تمّا تّصوفيج ديال لستيعمار لبريطاني و ديميسيونا من لعسكر ف 1927 و قرّر باش يتفرّغ ل لكتابة. بقا كايصور طرف د لخبز ديالو ب خدامي صغار و ضعاف بزّاف ف صحتو ب سباب مرض صّدر. واخّا هاكداك قدر يبدا ينشر رّيوايات ديالو.

فـ1936، مشا ل سپانيا و ݣاجا مع لقوّات لجمهورية، مع لحيزب لعمّالي د لوحدة لماركسية POUM، لّي كانت كاتحارب ضد فرانكو و كتب بزّاف على لحرب لأهلية سپانيولية. تبليسا ف لحرب و رجع ل لوندون و صدر لكتاب ديالو "ف خاطر كاطالونيا" (Homage to Catalonia)، و لّي عاود فيه على نّيضال ديالو مع ل POUM، و كيفاش تّيار سّطاليني فرع هاد لحيزب ف سپانيا.

فـ1938، ريوائي ليو مييرز خلص بتخبية لأورويل تصافيرة للمغريب ل ست شهور باش يتشافا من سل و من جرحة ف لحلق لي تصاب بيها ف لحرب. هو و عائيلتو شدو طريق ف شتنبر 1938 من جبل طر و طانجا باش يتجنبو شمال لمغريب لي حاكماه صبنيول؛ وصلو ل مراكش فـ11 شتنبر و كراو فيها ڤيلا على طريق دارلبيضا. ف ديك لوقيتة، كتب أورويل ريواية "طلوع على ود لهوا" (Coming Up for Air)، و حتا واحد لمقالة ب سميت "مراكش" فين هضر علا ستيعمار و لحالة ديال سّكان لمغاربا.^[2]^[3]

ف لحرب لعالمية تّانية خدم صحافي معا ل بي بي سي BBC و فديك لمرحلة كتب رّيواية لمشهورة ديالو "لفيرما د لبهايم" و لّي دارها على شكل حكاية و معنا فيها بزّاف على نّيضام د سطالين. من بعد مرض ب سّل و هو لمرض لّي بقا كايعاني منو تال لموت ديالو ف 1950. لعوام لّخرة د حياتو هي لّي كتب فيها أكبر و أشهر ريواية ديالو 1984.^[1]

عيون لكلام

^ ^a ^b "George Orwell". franceculture.fr (ب لفرانساوية). مأرشيڤي من لأصل ف 2022-02-26. تطّالع عليه ب تاريخ 2020-09-03.
^ "Gordon Bowker: The Road to Morocco". orwellfoundation.com (ب نڭليزية). مأرشيڤي من لأصل ف 2021-01-26. تطّالع عليه ب تاريخ 2020-09-12.
^ "Peter Davison: Bibliographical note on Orwell's Morocco Diaries". orwellfoundation.com (ب نڭليزية). مأرشيڤي من لأصل ف 2021-01-25. تطّالع عليه ب تاريخ 2020-09-12.

تقدر تزيد شوف بزاف د تّصاور و لمعلومات ديال George Orwell ف ويكيميديا كومنز.

[:0-1] "George Orwell". franceculture.fr (ب لفرانساوية). مأرشيڤي من لأصل ف 2022-02-26. تطّالع عليه ب تاريخ 2020-09-03.

[2] "Gordon Bowker: The Road to Morocco". orwellfoundation.com (ب نڭليزية). مأرشيڤي من لأصل ف 2021-01-26. تطّالع عليه ب تاريخ 2020-09-12.

[3] "Peter Davison: Bibliographical note on Orwell's Morocco Diaries". orwellfoundation.com (ب نڭليزية). مأرشيڤي من لأصل ف 2021-01-25. تطّالع عليه ب تاريخ 2020-09-12.

[1]

[2]

[3]