يوسف النصيري
يوسف النصيري
| |||
_(cropped).jpg)
| |||
| معلومات عامة | |||
| زيادة | 1 يونيو 1997 (26 عام) فاس | ||
| لجنسية | لمغريب | ||
| لحرفة | كوايري | ||
| لّوغات لي كيعرف | عربية، لوغات أمازيغية، صبليونية و الداريجة المغريبية | ||
| لكاريير ديال الشخص | |||
| شارك ف | |||
| رياضة | |||
| رياضة | كورة | ||
| پوسط | مهاجم | ||
| لجنسية رّياضية | لمغريب | ||
| نمرة | 26 | ||
| لفراقي | |||
|---|---|---|---|
| أعوام | فرقة | ماتشات | بيوتا |
| 2016–2018 |  نادي ملقا
| 41 | (5) |
| 2016–2017 | Atlético Malagueño
| 29 | (16) |
| 2018–2020 | نادي ليغانيس
| 53 | (15) |
| 2020– | إف سي سيڤيا
| 113 | (35) |
| لمونتخاب لوطني | |||
| 2015–2016 |  منتخب المغرب تحت 20 سنة
| 7 | (3) |
| 2016– | لمنتخب لوطني لمغريبي د لكورة
| 49 | (14) |
| لجوايز |
| ||
   
| |||
.jpg)
.jpg)
.jpg)
يوسف النصيري، تولد ف 1 يونيو 1997 ف فاس، هو كوايري مغربي كيلعب ف پوسط ديال المهاجيم، مع الفرقة السبليونية ديال إف سي سيڤيا.
لكاريير ديالو[بدل | بدل لكود]
يوسف تولد و كبر ف مدينة فاس، نهار واحد من شهر ستة ف عام 1997، النصيري تكون ف فرقة المغرب الفاسي، قبل ما يدوز و هو ف ثناشر عام سنين طيسك ف لأكاديمية ديال محمد السادس د كورة،[1] و تقبل من المدير ديال الأكاديمية ديك الساع ناصر لارڭيط، اللي كان كيشرح بلي النصيري عندو مؤهلات و مقومات فيزيك واعرة، بعدما دوز واحد الوقت ف لأكاديمية، النصيري أيشد الرحيل لسبليون بعدما دوز طيسط مع فرقة مالاڭا، و أيبدا مع دوزيام إيكيب، بعد عامين مع مالاڭا، النصيري أيمشي لفرقة اخرى ف السبليون سميتها ليجانيس، اللي العمل ايدوز معاهم عامين، كان ماركا فيها و بان مزيان، باش عوتاني يبدل العتبة ف السبليون نيت لفرقة سيڤيا و تباع بعشرين مليون يورو، معاهم الناصيري أيربح أول لاقاب ف مسيرتو، و أيربح اليوروپا ليڭ جوج مرات، ف 2020 و 2023.[مصدر؟]
معا لمونتخاب[بدل | بدل لكود]
ف 2016، النصيري جاتو أول كونڤوكاسيون مع المونتخاب، و المدريب ديال المونتخاب فديك الوقت هيرڤي رونار لعبو ف لعمر ديال تسعطاش عام، مع المونتخاب أيلعب النصيري، ف كاس إفريقيا 2017، كاس العالم 2018، كاس إفريقيا 2019، كاس إفريقيا 2021، كاس لعالم 2022، و أيولي أول لعّاب مغربي كيماركي ف جوج كيسان ديال العالم، و أفضل هداف مغربي ف تاريخ كاس لعالم بثلاثة د لبيوتا، النصيري أيسجل الهدف التاريخي ضد البرتغال، اللي أيخلي المونتخاب المغربي يوصل لنصف نهاية كاس العالم.[2]
ستيل د لعب[بدل | بدل لكود]
معروف على النصيري ستيل اللعب اللي كيعتمد على الفيزيك بزاف، اللعب العالي، بطول ديال ميترو و تسعود و ثمانين، جسم رقيق، هادشي كيعطيه اجيليتي مهمة، كيعرف يلعب بلا كورة، و يقدم سخاوة بدنية ي الرجوع ديفونصيف، و رباح ديال النزالات لا ديال الأرض والا الهوا، عندو ديطونط، تنقيزة كيوصلوه لأبعد نقطة ممكنة، و فايت سجل بيوتا من تنقيزات ديال 2.65 مترو. القوة فيزيك ديالو كتخليه يربح بزاف ديال المضاربات، و كذلك خلاتو يماركي بزاف ديال البيوت براس، النصيري معروف عليه زايد على هادشي قدرتو على الضغط بزاف على المدافعين و الحارس و بلي كيدير مجهود فيزيك كبير ف الماتشات كاملين و هادشي اللي كيخليه عزيز عند المدربين.
تقنيا مشي واعر، كيعوض هادشي بديسپلين، و عطاء ف لونطرينما، الإصرار، لانتونستي ف اللعب.[مصدر؟]
إحصائيات[بدل | بدل لكود]
| المونتخاب | لعام | لماتشات | لبيوتا |
|---|---|---|---|
| لمغرب | 2016 | 5 | 0 |
| لمغرب | 2017 | 9 | 1 |
| لمغرب | 2018 | 7 | 5 |
| لمغرب | 2019 | 10 | 3 |
| لمغرب | 2020 | 4 | 2 |
| لمغرب | 2021 | 5 | 0 |
| لمغرب | 2022 | 17 | 6 |
| لمغرب | 2023 | 2 | 0 |
[مصدر؟]
جوايز[بدل | بدل لكود]
معا لفراقي[بدل | بدل لكود]
| إف سي سيڤيا (2)
|
|---|
|
جوايز فردية[بدل | بدل لكود]
- أفضل لعاب ف لموسم معا ليڭانيس ف 2019.
- لعاب د الشهر ف ليڭا ف يناير 2021 و أبريل 2023.[3][4]
- ف الفرقة المثالية ديال الليڭا ف شهر يناير 2021.
- لعاب د الشهر ف ليڭانيس ف يناير و فبراير 2019.[5]
- لعاب د الشهر ف سيڤيا ف فبراير 2021 و أبريل 2023.
- ف التشكيلة المثالية ديال اللعابا الأفارقة من جورنال "فرانس فوتبول" ف 2021.
عيون لكلام[بدل | بدل لكود]
- ^ "Maroc : Le roi décore les membres de l'équipe nationale de ouissams royaux". 2022-12-20. تطّالع عليه ب تاريخ 2023-06-09.
- ^ "Record : En-Nesyri devient le meilleur buteur marocain au mondial". 2022-12-11. تطّالع عليه ب تاريخ 2023-06-09.
- ^ "Youssef En-Nesyri, l'homme de Séville". 2021-01-11. تطّالع عليه ب تاريخ 2023-06-09.
- ^ "Liga : Youssef En-Nesyri meilleur joueur du mois avril". هيسپريس (ب لفرانساوية). 2023-05-05. تطّالع عليه ب تاريخ 2023-06-28.
- ^ "En-Nesyri, awarded February's Jugador Cinco Estrellas". www.cdleganes.com (ب نڭليزية). تطّالع عليه ب تاريخ 2023-06-28.
|
تقدر تزيد شوف بزاف د تّصاور و لمعلومات ديال Youssef En-Nesyri ف ويكيميديا كومنز. |
| ||