إف سي سيڤيا
إف سي سيڤيا
| ||||||
 | ||||||
| معلومات عامة | ||||||
| السمية | إف سي سيڤيا Sevilla Fútbol Club | |||||
| تأسس فـ | 25 يناير 1890 | |||||
| لمدينة | سيڤيا | |||||
| التيران | ملعب رامون سانشيز بيزخوان | |||||
| سعة التيران | 43883 | |||||
| لمدريب | ماتياس ألميدا | |||||
| لقتيصاد والتدبير | ||||||
| لموقع الرسمي | https://www.sevillafc.es/ | |||||
| ليحصائيات | ||||||
| الدوري | الليڭا الصبليونية | |||||
| ||||||
إف سي سيڤيا، ولاّ لفرقة د كورة د سيڤيا (ب الصبليونية: Sevilla Fútbol Club)، هي فرقة د لكورة صبليونية، من لمدينة د سيڤيا، و تاتنافس ف لبطولة ديال الليݣا، اللي هي أعلى بطولة ديال لكورة ف صبانيا. تشكلات لفرقة ف 25 يناير 1890، و ف 14 أكتوبر 1905 تسجل النظام لأساسي للفرقة ف لحكومة لمدنية د سيڤيا.
ربحات سيڤيا الدوري لأوروپي 7 د لمرات، وهو رقم قياسي.[1] هاد لفرقة عندها منافسة طويلة مع ريال بيتيز، اللي تا هي كاتلعب ف نفس لمدينة.
إف سي سيڤيا هي أكتر فرقة د لكورة عندها لألقاب ف لأندلس، 18 كاس د أندلسيا، لقب دوري وطني واحد ف 1945-1946، وخمسة د لألقاب د كاس لملك د صبانيا (1935، 1939، 1948، 2007 و 2010)، واحد كأس السوپر د سپانيا (2007)، الدوري لأوروپي 7 د لمرات (2006، 2007، 2014، 2015، 2016، 2020 ؤ 2023) و كأس السوپر لأوروپي مرة وحدة (2006).[2] تصنفات أحسن فرقة ف لعالم ف عام 2006 و عام 2007، من عند لإتحاد الدولي د التاريخ و لإحصاء د لكورة، و رجعو أول فرقة كتصنف بهد لمتياز ن عاماين مور بعطوم.
التيران الرئيسي د فرقة هو التيران رامون سانشيز بيزخوان لي فيه 43883 بلاصة. جا ف حي نيرفيون ديال سيڤيا، و تسما على السمية د الراحل رامون سانشيز بيزخوان، لي كان رئيس د لفرقة ل 17 عام.
- ↑ UEFA.com. "Most titles - History - UEFA Europa League". UEFA.com (ب نڭليزية). مأرشيڤي من لأصل ف 2023-06-08. تطّالع عليه ب تاريخ 2022-12-30.
- ↑ "Honours - Sevilla F.C." sevillafc.es. مأرشيڤي من لأصل ف 2023-01-02. تطّالع عليه ب تاريخ 2022-12-30.