إلياس شاعر

من ويكيپيديا
إلياس شاعر
معلومات عامة
زيادة 30 أكتوبر 1997 (26 عام)
أنتويرب
لجنسية بلجيكا
لمغريب
لحرفة كوايري
رياضة
رياضة كورة
پوسط مهاجم
لجنسية رّياضية لمغريب
لفراقي  تعديل قيمة لخاصية (P54) ف ويكيداطا
أعوامفرقةماتشاتبيوتا
2015–2017(Wikidata:Q31) ليرس 2 -
2017– (Wikidata:Q145) كوينز بارك رينجرز 109 (19)
2018–2019←(Wikidata:Q145) ستيفيناغ بوروه (إعارة )16 (6)
لمونتخاب لوطني  تعديل قيمة لخاصية (P54) ف ويكيداطا
2017–2017(Wikidata:Q1028) منتخب المغرب تحت 20 سنة 5 (0)
2018–2018(Wikidata:Q1028) منتخب المغرب تحت 23 سنة 1 (0)
2021– (Wikidata:Q1028) لمنتخب لوطني لمغريبي د لكورة 5 (1)
لجوايز
Instagram: ilias_chair Modifica els identificadors a Wikidata


إلياس إميليان شاعر، تولد ف 30 أكتوبر 1997 ف أنتويرپ، هو كوايري مغريبي كيلعب ف لهجوم معا لفرقة د كوينز پارك راينجرز ف نݣليز.

حياتو[بدل | بدل لكود]

تولد شاعر ف أنتويرپ ف بلجيكا من بو مغريبي ؤ أم پولونية.[1][2]

لكاريير معا لفراقي[بدل | بدل لكود]

بدا شاعر لكاريير ديالو ف لكاطيݣوري د صغار معا لييرس.[3] ؤ داز حتا من لأكاديمية د كلوب بروج ؤ جي إم جي أكاديمي بيلجيوم.[4] دار لبدية لحتيرافية ديالو معا لييرس، ؤ ف عمرو 17 لعام، ف دوزيام سيري د بلجيكا ف 9 غشت 2015 ملي دخل ف دقيقة 76 ضد كوكسيد ف لماتش لي سالا ب تعادول 1 ل 1.[5][6] موراها ب شهر، ف 9 شتنبر 2015 دخل أول مرة رسمي معا فرقتو ف لماتش ضد سيركل بروج لي لعب فيه 90 دقيقة كاملة ؤ خسروه ب 3 ل 2.[5][7]

ف يناير 2017، مشا شاعر يدير طيست ف لفرقة د كوينز پارك راينجرز لي كاتلعب ف تشامپونشيپ (درجة تانية د نݣليز).[3] ف لفترة د طيست، ماركا بيت معا لفرقة د قل من 23 عام ضد بورنموت ف لماتش لي ربحوه ب 3 ل 1.[3] موراها سنا معا كوينز پارك ف خطرة ف 31 يناير 2017.[3] شاعر زادوه ف لكاطيݣوري د تطوير نخبة ؤ دوز لكمالة د لموسم 2016-17 معا لفرقة د قل من 23 عام.[3]

جدد شاعر لكونطرة ديالو معا لفرقة ب عاماين ف 9 فبراير 2018، لي أتخليه يبقا حتال صيف د 2020.[8] ماركا أول بيت ديالو معا لفرقة ف أخر ماتش د كوينز پارك راينجرز ف تيرانو ف لموسم 2017-18 ف 28 أبريل 2018، مورما ماركا كورة ف پروميي پوطو صونطراها ليه لوك فريمان شي لي عاون لفرقة تقلب لخسارة ديالها ل ربحة ب 3 ل 1 ضد بيرمينݣهام سيتي.[9] شاعر شارك سبعة د لمرات معا لفرقة لولة ف هاد لموسم، ؤ ماركا مرة وحدة.[10]

مورما شارك تمنية د لمرات معا كوينز پارك راينجرز ف نص لول د لموسم 2018-19[11]، مشا شاعر مسلف ل فرقة د ستيڤنادج ف ليݣ تو (درجة رابعة) ف 31 يناير 2019 باش يكمل معاها لموسم.[12][12] دار لبدية ديالو معا ستيڤنادج ضد ياوڤيل طاون ف تيران د برودهول واي ف 2 فبراير 2019 ؤ لعب لماتش كامل لي ربحوه ب واحد ل زيرو.[13] شاعر ماركا لبيوتا ديالو لولين معا ستيڤنادج ف 16 فبراير 2019 مورما ماركا جوج بيوتا من تيرات بعاد ف دقايق لخرة د لماتش ضد لول د لبوطولة لينكولن سيتي، لماتش ف لخر سالا ب تعادول جوج ل جوج.[14] موراها ب شهر، ف 12 مارس 2019، ماركا بيت من نص تيران د فرقتو ضد سويندون طاون ف لماتش لي ربحوه ب جوج ل زيرو.[15] تختار شاعر لعاب د شهر د ليݣ تو ف مارس 2019، مورما عاون ب ربعة د لبيوتا ؤ ربعة د لپاصات ف داك شهر.[16] ف لوقيتة لي مشا فيها مسلف، لعب 16 لماتش ماركا فيها ستة 6 د لبيوتا ؤ عطا ستة د لپاصات حاسمة.[11][17] لمدريب د ستيڤنادج دينو مامريا وصف شاعر بلي راه "أحسن لعاب ف تاريخ لي لبس تيشورط د ستيڤنادج" ؤ حتا أحسن لعاب لي عمرو داز ف ليݣ تو.[17]

ملي رجع ل كوينز پارك راينجرز، سنا كونطرة جديدة د تلت سنين ف شتنبر 2019.[18] معا لمدريب مارك واربورتن ولا لعاب مهم معا لبدية د لموسم 2019-20.

ف 29 يناير 2021، سنا كونطرة جديدة د ربع سنين ؤ نص لي غادي تخليه يبقا ف لفرقة حتال 2025، معا لإمكانية باش يزيد عام أخور ف لكونطرة.[19]

لكاريير معا لمونتخاب[بدل | بدل لكود]

لعب لمرة لولة معا لمونتخاب د لمغريب د لكبار ف لماطش لويدي لي ربحوه ضد غانا ب واحد ل زيرو ف 9 يونيو 2021.[20]

ستيل د لعب[بدل | بدل لكود]

يقدر يلعب ك وسايطي ف لميليو ولا وسايطي موهاجيم، شاعر هو لعاب متكامل عندو شوفة مزيانة ل لعب سوا ف لپاص لخرة ولا قدام لݣول، يقدر يتمركز مزيان، ؤ يلعب بجوج رجلين، ؤ عندو حتا إمكانية كبيرة باش يسبق لكورة.[21] كيقول لعاب بلي هو كيشجع إف سي برصلونة، ؤ كيبغي لعب لقصير ؤ لعب د كورة ف لأرض.[22]

بزاف د لمرات كيتقارن ب عادل تاعرابت علا حساب لأصل ديالو، ستيلو د لعب ؤ لوقيتة طويلة لي دوز معا كوينز پارك رينجرز.[22] واخا هكاك، لمودير د لفرقة نݣليزية ليس فرديناند كيقارن إلياس شاعر ب پيتر بيردسلي ؤ كيوصف لبلجيكي-لمغريبي بلي راه أكتر لعاب كيخدم ف لماطش: لإحساس ب لخطورة، تحكم ف لكورة ؤ لپاصات.[22]

عيون لكلام[بدل | بدل لكود]

  1. ^ "Ilias Chair set for Morocco Under-20 training camp". Queens Park Rangers F.C. 24 ماي 2017. مأرشيڤي من لأصل ف 2023-05-29. تطّالع عليه ب تاريخ 20 أبريل 2019.
  2. ^ "بوطنية كبيرة.. رسالة مؤثرة من والدا اللاعب إلياس شاعر إلى المنتخب المغربي (فيديو)". barlamane.com (ب لعربية). 6 يناير 2022. مأرشيڤي من لأصل ف 2022-01-12. تطّالع عليه ب تاريخ 2022-01-12.
  3. ^ a b c d e "Under-23s add Belgian attacker to ranks". Queens Park Rangers F.C. 31 يناير 2017. مأرشيڤي من لأصل ف 2023-01-17. تطّالع عليه ب تاريخ 20 أبريل 2019.
  4. ^ "JMG Football – Ilias Chair". JMG Academy. مأرشيڤي من لأصل ف 2023-01-27. تطّالع عليه ب تاريخ 20 أبريل 2019.
  5. ^ a b "I. Chair" (ب نڭليزية). Soccerway. مأرشيڤي من لأصل ف 2023-05-29. تطّالع عليه ب تاريخ 2021-11-12.
  6. ^ "Coxyde 1–1 Lierse". Soccerway. 9 غشت 2015. مأرشيڤي من لأصل ف 2023-05-29. تطّالع عليه ب تاريخ 20 أبريل 2019.
  7. ^ "Lierse 2–3 Cercle Brugge". Soccerway. 9 غشت 2015. مأرشيڤي من لأصل ف 2022-12-14. تطّالع عليه ب تاريخ 20 أبريل 2019.
  8. ^ "Ilias Chair: QPR midfielder signs new contract until 2020". BBC Sport. 9 فبراير 2018. مأرشيڤي من لأصل ف 29 ماي 2023. تطّالع عليه ب تاريخ 20 أبريل 2019.
  9. ^ "QPR 3–1 Birmingham City". BBC Sport. 28 أبريل 2019. مأرشيڤي من لأصل ف 29 ماي 2023. تطّالع عليه ب تاريخ 22 مارس 2019.
  10. ^ "Games played by Ilias Chair in 2017/2018" (ب نڭليزية). soccerbase.com.
  11. ^ a b "Games played by Ilias Chair in 2018/2019" (ب نڭليزية). soccerbase.com.
  12. ^ a b "Stevenage sign Byrne on permanent deal and four players on loan". BBC Sport. 31 يناير 2019. مأرشيڤي من لأصل ف 14 نونبر 2022. تطّالع عليه ب تاريخ 20 أبريل 2019.
  13. ^ "Stevenage 1–0 Yeovil Town". BBC Sport. 2 فبراير 2019. مأرشيڤي من لأصل ف 23 نونبر 2022. تطّالع عليه ب تاريخ 22 مارس 2019.
  14. ^ "Lincoln City 2–2 Stevenage". BBC Sport. 16 فبراير 2019. مأرشيڤي من لأصل ف 23 نونبر 2022. تطّالع عليه ب تاريخ 22 مارس 2019.
  15. ^ "Stevenage 2–0 Swindon Town". BBC Sport. 12 مارس 2019. مأرشيڤي من لأصل ف 23 نونبر 2022. تطّالع عليه ب تاريخ 22 مارس 2019.
  16. ^ "Ilias Chair nominated for PFA Player of the Month". Stevenage F.C. 11 أبريل 2019. مأرشيڤي من لأصل ف 2022-11-23. تطّالع عليه ب تاريخ 20 أبريل 2019.
  17. ^ a b "Ilias Chair 'the best player that has ever worn a Stevenage Football Club shirt' according to boss Dino Maamria". The Comet. 3 ماي 2019. مأرشيڤي من لأصل ف 9 دجنبر 2020. تطّالع عليه ب تاريخ 25 نونبر 2020.
  18. ^ "Ilias Chair: QPR midfielder signs new three-year contract". BBC Sport. 19 شتنبر 2019. مأرشيڤي من لأصل ف 2022-11-23. تطّالع عليه ب تاريخ 6 دجنبر 2019.
  19. ^ "Ilias Chair extends QPR stay until 2025". www.qpr.co.uk. 29 يناير 2021. مأرشيڤي من لأصل ف 2022-11-23. تطّالع عليه ب تاريخ 2021-11-12.
  20. ^ "Match Report of Morocco vs Ghana - 2021-06-08 - FIFA Friendlies - Global Sports Archive". globalsportsarchive.com. مأرشيڤي من لأصل ف 2023-05-29. تطّالع عليه ب تاريخ 2021-11-12.
  21. ^ "SECRET SCOUT: QPR's Ilias Chair is a clever No 10 with a bright future". دايلي مايل (ب نڭليزية). 29 أكتوبر 2020. مأرشيڤي من لأصل ف 2023-04-09. تطّالع عليه ب تاريخ 2021-11-12.
  22. ^ a b c "Ilias Chair EXCLUSIVE: QPR youngster on fighting back from rejection, Adel Taarabt comparisons and his Premier League dream". talkSPORT (ب نڭليزية). 22 نونبر 2019. مأرشيڤي من لأصل ف 2023-04-09. تطّالع عليه ب تاريخ 2021-11-12.
مرجّعة من "https://ary.wikipedia.org/w/index.php?title=إلياس_شاعر&oldid=323746"