قتيصاد د لهيدروجين
لقتيصاد د لهيدروجين هوّ التحويل ديال أي سيكتور د لقتيصاد لي كيستهلك طاقة ماشي متجددة بحيت كيولي كيستهلك الطاقة ديال لهيدروجين. بزاف د لحرايفيا ف مجالات مختالفين كيعتاقدو بلي لهيدروجين هوّ الطاقة ديال لموستقبال لي غادي يخلق تورة ف الطاقة،[1] حيت منتاشر بزاف (73% ديال لمادة ف لكون عبارة على هيدروجين، و 70% ديال السطح د لأرض مغطي ب لما لي تا هوّ مكوّن من هيدروجين و ؤكسيجين)، و ماكينتجش مخلفات سامة ؤلا إشعاعية.
لمصطلح ديال قتيصاد د لهيدروجين تخدّم لمرة اللولة ف 1970 من عند لباحت د لإليكطروشيمي الجنوب إفريقي دجون بوكريس لي كان خدام ف لميريكان، و نشر ورقة بحتية كيوصف فيها التصور ديالو ديال قتيصاد مبني على إنتاج الطاقة الشمسية و لهيدروجينية.[2]
مورا هادشي بدا تطوير خلايا د لفيول كاتخدم ب لهيدروجين من 1972، و سيرتو ملي بدا التامان ديال لپيطرول كيطلع ف لأزمة د 1973. ف 1974 كان أول مؤتمر ديال لقتيصاد د لهيدروجين تنضّم ف مدينة ميامي، ف ولاية فلوريدا ف لميريكان، لي على إترو تدارت مونضامة الجمعية الدولية ديال الطاقة د لهيدروجين IAHE.[2]
ف 1977، تأسسات لاجونص الدولية د الطاقة، لي من بين لإهتمامات ديالها كاين تطوير طيكنولوجيا الطاقة د لهيدروجين. و بزاف د لبلدان لكبار ديك الساع، بحال لميريكان و لإتحاد السوڤياتي، دعمو لبحت لعلمي ف هاد لمجال من داك لوقت تال ليوم. ف 1998، إسلاندا علنات بلي بغات تولي أول قتيصاد ديال بلاد مبني على لهيدروجين ف حدود 2030.[2]
- ↑ تريڤور مورڭان (2006). The Hydrogen Economy: A Non-technical Review (ب الإنجليزية). لبرنامج د لبيئة ديال لأمم لمتحدة. p. 4. ISBN 9789280726572.
- 1 2 3 National Hydrogen Association; United States Department of Energy. "The History of Hydrogen" (PDF). hydrogenassociation.org. National Hydrogen Association. p. 1. Archived from the original (PDF) on 14 يوليوز 2010. Retrieved 17 ماي 2023.
 هادي زريعة ديال مقالة خاصها تّوسع. تقدر تشارك ف لكتبة ديالها. |