شيمي
 | هاد لمقال مامراجعش. (غشت 2025) |
| شيمي | |
|---|---|
 | |
| حقل علمي، تخصص أكاديمي، تخصص أكاديمي، حقل دراسة، تخصص | |
| كلاص فرعية ديال | علوم فيزيائية  |
| الشخص المؤثر | دميتري مينديلييڤ، ميخائيل لومونوسوف، جابر بن حيان |
| مسمي على | خيميا |
| جا فبصلات | خيميا |
| يدرس | مركب كيماوي، مجموعة أو صنف من المواد الكيميائية، عنصر كيماوي، مادة كيماوية |
| هاشطاڭ | chemistry |
| عندو خصلة | فروع الكيمياء، تسمية كيميائية |
| تاريخ ديال لموضوع | تاريخ علم الكيمياء |
| كيمارسها | شيميست، chemistry student |
| مدخل في جدول مختصرات | kimya. |
| ستاك إكستشينج | https://chemistry.stackexchange.com |
| طاڭ ديال سطاك إكستشينج | https://engineering.stackexchange.com/tags/chemistry |
شّيمي ؤلا لْكيميا هوّا مجال علمي كيدرس لعناصر لمادية ؤ لمركبات لّي مكونة من درات، جزيئات ؤ إيونات، ؤ تّركيبة، لْبِنْية، لخاصيات، ؤ تّفاعلات ديالها.[1]
من ناحية لمجال د لإهتيمام ديالها، نقدرو نݣولو بلي الشيمي جات ف نص لمسافة مابين لفيزيك و لبيولوجيا. شي مرات كاتسمّى "لعلم لمركزي" حيت كاتحط الساس ديال لمكونات لأساسية د لمادة، و ف نفس لوقت ديال الصيونص التطبيقية ف بزاف د لمجالات. متلاً الشيمي كاتشرح لأساسيات ديال النمو د لعشوب (لبوطانيك)، التكون ديال الصخور (الجيولوجيا)، لمسائل لمتعلقة ب لبيئة (لإكولوجيا، ؤلا علم لبيئة)، كيفاش كيخدمو الدوايات (لفارماكولوجيا ؤلا علم الصيدلة)، و غيرهوم.
الشيمي ؤلا لكيميا جات من لعربية الكيمياء، لي بدورها جات من ليونانية لبالية χημία لي تقدر تكون جات من السمية لقديمة ديال بلاد مصر: كيميت (ب لمصرية لقديمة 𓆎 𓅓 𓏏𓊖) و كاتعني "لأرض لكحلة" (غالبا كاتشير ل لأراضي حدا واد النيل لي كاتبان التربة ديالها كحلة فاش كيفيض لما).[2]
عرف الإنسان الكيميا من زمان، و تصالحو على تسمية الكيميا القديمة بـ الخيميا، اللي هي خليط ما بين ممارسة علوم الكيميا و الفيزيك و الفلك و الفلسفة؛ و اللي كانت كتتمارس بطريقة ماشي علمية، و ما كانتش خالية من الشعوذة و السيميا؛ و اللي عرفها بن خلدون الخيميا بأنها: «علم كيشوف فالمادة اللي كتدير بها صناعة الذهب و الفضة». و ارتبط هاد الفن من الحضارات القديمة بالمعادن و التعدين و صناعة الألوان و الدوا و بعض الصناعات الفنية بحال دبغ الجلود و صباغة الثوب و صناعة الزجاج، وحتى طبخ الماكلة ممكن يجي معاه تغييرات كيمياوية معينة بحال نبات البفرة اللي زرعوه الأميرنديين ففنزويلا من آلاف السنين قبل الميلاد، وجذور هاد النبات فيها حمض الهيدروسيانيك اللي كيموت، و الهنود الحمر القدام عرفو هاد المادة السامة و تخلصو منها بالسخونية اللي كتحول هاد الحمض لمواد ماشي سامة. و ستعمل الإنسان من أكثر من ثلاثة آلاف عام قبل الميلاد محلول الشب و بعض الصباغات اللي كيتحضرو من العفص و لحاء بعض الثمار و ورق نبات السماق فصباغة الجلود و الثوب.[3]
الحضارات الإنسانية اللولة بحال الحضارة الشينوية و المصرية و البابلية و الهندية قدرو يجمعو معرفة عملية فمجال التعدين و صناعة الفخار و الأصباغ، ولكن ما طوروش معرفة نظرية منظمة باش نعتابروها علم. و كيفما ظهرت فرضيات الكيميا فبلاد الإغريق ملي كانو بعض الفلاسفة كايضنو بلي العالم مكون من ربعة عناصر أساسية، و خلطهم كيصاوب أي حاجة معروفة ف الكَون، و هاد الفرضية تعطات ف الصيغة النهائية ديالها على يد أرسطو، اللي قال بلي هاد العناصر هي العافية و الهوا و الأرض و الما. و ف بلاد الإغريق حتى هي، ظهرت الفلسفة الذرية، اللي كتعود للقرن الخامس قبل الميلاد، حيت الفيلسوف الإغريقي ديموقريطس قال بلي جميع المواد مكونة من جزيئات صغيرة بزاف وما كتتقسمش، سميتها الذرات. و على عكس النظرية الذرية ف العلوم لعصرية، فا مفهوم الذرة عند الإغريق كان فلسفي فقط و ما كانش معتمد على الملاحظة و التجارب العلمية.[4]
 |
ويكيميديا كومنز عندا تصاور و معلومات على شيمي. |
- ↑ "Britannica, Chemistry" (ب الإنجليزية). Archived from the original on 2023-10-11. Retrieved 2022-05-14.
- ↑ "Chemistry (etymology)". Archived from the original on 2023-03-26. Retrieved 2023-02-11.
- ↑ "LDLP - Librairie Du Liban Publishers". www.ldlp-dictionary.com. مؤرشف من الأصل في 2019-04-12. اطلع عليه بتاريخ 2019-04-12.
- ↑ "ترجمة ومعنى كلمة خيمياء - قاموس المصطلحات - العربية". dictionary.torjoman.com (بالنݣليزية). Archived from the original on 2019-04-12. Retrieved 2019-04-12.
 هادي زريعة ديال مقالة خاصها تّوسع. تقدر تشارك ف لكتبة ديالها. |
