انتقل إلى المحتوى

نوح

من ويكيپيديا
نوح
معلومات عامة
زيادة بلاد بين لويدان
لحرفة فلاح
لفاميلة
لواليد لامك
لواليدة Bat-Enosh
شريك نعما
لولاد Bith (mythology)
أوقيانوس
تثيس
كنعان بن نوح
Sceafa
سام
حام بن نوح عليه السلام
يافث بن نوح عليه السلام
معلومات خرى
لأعمال


نوح (بالعبرية: נֹחַ) هو شخصية دينية تدكرات ف لكتوبا المقدسة تاع الديانات السماوية و تذكرات شخصية تتشبه ليه ف لميطولوجيا تاع بلاد بين لويدان.

على حساب لمرويات لإسلامية، نوح دعا القوم ديالو باش يأمنو ب الله 950 عام. و كان الحفيد نمرة 19 ديال آدم و بات البشرية التاني من بعد ما نجا من الطوفان العظيم لي سالا البشرية كلها إلا المومنين لي نجاو من الطوفان ب باطو عملاق تشهر بسمية باطو د نوح.[1][2][3][4][5]

وعلى حساب الموسوعة الكاطوليكية، فبات نوح و مو سماوه هاد سمية حيت قتانعو بلي نوح غادي يعتق البشرية من العقوبة لي هبطها الله على آدم ويوصل الإنسانية ل طمأنينة و راحة.[مصدر؟]

و كاينة قصص تاتشبه ليها فالأساطير ليونانية لقديمة، تتهضر على واحد سميتو ديوكاليون عتق ولادو و مجموعة تاع الحيوانات من الطوفان ب باطو. و كاينين أساطير من إرلاندا على ملكة بحرات[ماواضحش] 7 لعوام باش يتجنبو الغريق من طوفان لي عم أيرلندا.[مصدر؟]

نوح فنظر تاع الأكاديميين[بدل | بدل لكود]

جبل أرارات ف تركيا، من لبلايص لي تيتوقع الباحتين بلي سفينة نوح رسات عليها.
أرض مستوية ف نخجوان (وتتعني مستقر نوح بالتركية) تيعتاقدو السكان تاع البلاصة بلي تدفن قريب منها.

على حساب بزاف تاع المؤرخين والأكاديميين فمجال اللغات فتوراةـ لي تاتعتابر أقدم كتاب ديني دكر قصة نوح ونتيجة الإختلاف فالمصادر فتوراة تتبين جوج شخصيات مختالفا لنوح فمرا تتبينو بلي هو راجل زاهد قريب من رب للي ختارو باش يخلص البشرية من الدمار، ومرا خرا تنشوفو توراة تتوصف نوح بلي أول فلاح من البشر وأول واحد صنع نبيذ. وتيسوفو بعض المحللين بلي هاذ تناقض فوصف شخصية غادي يكون المعنى ديالو وقع غالاط ملي تنقلات روايات وبلي بطل قصة طوفان يمكن يكون جد نوح وسميتو بالعبرية أينوخ وبالعربية نوح وبلي تشابه فسميات هو ليدار هاد الغلط.

وتتشير الأبحاث الجيولوجية و قراية المتحجرات وطبقات علم الأرض بلي كاين دلائل على وقوع فيضان فمنطقة الشرق الأوسط فالعصور القديمة ولاكن الأبحاث ماتتبينش المعتقد ديني. بلي طوفان طرا فالأرض كلها. و تتبين دراسات من جامعة كولومبيا فميريكان بلي البحر الكحل كان بحيرة فالعصر الجليدي وبلي درجة حرارة الأرض بدات تترتافع قبل 12.000 عام وبدات الكتل الجليدية تتنصاهر، وبلي قبل 7000 عام وقع متداد للما تاع البحر لبحر لبيض لمتوسط ووقع طوفان فإتجاه تاع تركيا، و كانت قوة الطوفان تتعادل لي تيقرب 200 مرة قوة شلالات نياڭارا.

طوفان نوح ف ملحمة ڭيلڭاميش[بدل | بدل لكود]

تاتعتابر ملحمة ڭيلڭاميش السومرية لي تكتاشفات اللواح الطينية ديالها عام 1853 من قيبال شي وحدين أول نص من الناحية التأريخية تذكرات فيه قصة طوفان فحين بزاف تاع العلماء تايعتاقدو بلي القصة تزادت للوح 11 من واحد خدم قصة طوفان ليكاينا فأترا هاسس. فالأسطورة تيحاول الملك ڭيلڭاميش يوصل لسر الخلود على طريق بنادم الوحيد للي وصل لتحقيق الخلود وكان سميتو ؤتناپيشتيم ولا أطرا هاسيس ولي تايعتابروه بزاف تيشبه لشخصية نوح فالأديان اليهودية و المسيحية و الإسلام. وملي غادي يلقىى ڭيلڭاميش أوتنابشتم تيبدا أخيرا تايعاود قصة الطوفان العضيم لي وقع بأمر تالألهة، وقصة الطوفان هنا تاتشبه لقصة طوفان نوح، ونجى من الطوفان أوتنابشتم ومرتو وقررات الألهة تعطيهم الخلود.

نوح فاليهودية والمسيحية[بدل | بدل لكود]

رسم ف لوحة تتمثل الفيضان واستعدادات الناس باش يطلعو السفينة ويهربو من الطوفان.

على حساب التوراة وسفر التكوين فالعهد القديم من الكتاب المقدس فنوح كان ولد لامخ وكان الجيل العاشر بعد آدم وكان عمرو 600 عام ملي وكل ليه الخالق مهمة يبني السفينة وعاش 350 عام بعد الطوفان وكان عمرو ملي مات 950عام.

تيصور العهد الجديد من الكتاب المقدس نوح شخصية قريبة وتطيع الخالق العظيم وتايحطو إنجيل مرقس فلمنزلة تاع إبراهيم ويعقوب. فالكتابات المسيحية لي تكتبات فالقرن الثالت بعد الميلاد من قبل أوريليس أوغسطين (354 - 430) وتعطات أهمية دينية كبيرة لسفينة نوح، فالقرون الوسطانية بدا المسيحيون فلكتابات ديالهوم بالإقتناع بتوزيع العرقي للأجناس البشرية لي تذكر فسفر التكوين وزادو ليه توزوع طبقي جديد فالإعتقاد ليكاين هو رجال ال والقديسيين تاينحادرو من سلالة سام والفرسان تاينحادرو من سلالة يافث والفقراء تاينحادرو لسلالة حام وتذكر التوراة بلي سام وحام ويافث هما ولاد نوح

تيشوفو المحللين بلي لمعاودة تاع فكرة لعنة حا لي تايعتابرها البعض أول تقسيم عنصر ستاند على الدين ولي يمكن لعبات دور فنظرة ليكاينا على الأفريقيين و ليعندهوم بشرة كحلا.

تيشوفو المحللين بلي لمعاودة تاع فكرة لعنة حا لي تايعتابرها البعض أول تقسيم عنصر ستاند على الدين ولي يمكن لعبات دور فنظرة ليكاينا على الأفريقيين و ليعندهوم بشرة كحلا.

نوح في الإسلام[بدل | بدل لكود]

رُقعة قرآنية مُذهَّبة تتترجع للقرن 12، فيها جزء من الآيتين 40 و41 من سورة هود: (وَأَهْلَكَ إِلَّا مَن سَبَقَ عَلَيْهِ الْقَوْلُ وَمَنْ آمَنَ ۚ وَمَا آمَنَ مَعَهُ إِلَّا قَلِيلٌ. وَقَالَ ارْكَبُوا فِيهَا بِسْمِ اللَّهِ مَجْرَاهَا وَمُرْسَاهَا).

نسب ديالو[بدل | بدل لكود]

ف لقرآن[بدل | بدل لكود]

تذكر نوح فبزاف تاعع الآيات القرآنية فسورة آل عمران وسورة النساء وسورة المائدة وسورة الأنعام وسورة هود وسورة العنكبوت وحتا سورة نوح ليتسمات عليه وبزاف. وعلى حساب الدين الإسلامي فالله صيفط نوح لقوم تايعبدو الأوثان باش يدعيهوم يعبدوه بوحدو و مايعبدوش غيرو، ولاكن حتا حد ما ثصنط ليه وأكترية بقاو تيعبدو الأوثان ونصبو ليه العداوة وللي آمن بيه وواعدوهوم بالرجيم.

وعلى حساب القرآن فنوح بقا تايدعي القوم ديالو باش يعبدو الله ألف عام وبلي الله أمرو باش يبني سفينة، ولي ماعمر البشرية عرفات بحالها، فتڭال بلي طول ديالها 80 ذراع وكان العود من شجر الساج ولا الصنور على حساب المصادر، وتأمر باش يطلي لداخل ديالها ولخارج بالقار، ويدير فيها 3 طوابق، ويخلي لرض للحيوانات والوحوش، وتاني لبنادم ولفوق للطيور، ولكن كاين سقف ساد عليها.

وتوحى لنوح علامة بدية تاع الطوفان هو يجي أمر الله بلفوران تاع التنور، وتڭال بالتنور هو بركان فالبلاصة، وفتفسير آخر فوران تنور نوح وهو التنور لي ورثو من حواء، وفوران الما فوق الأرض، كاين بزاف... وملي تحققات العلامة أمر نوح باش يهز من كلا دابة فوق الأرض زوجين و لأهل ديالو ولي آمنو معاه وكان لعدد ديالهوم قليل. وماكانتش مرت نوح مومنة وماطلعاتش، وكان واحد من ولادو مخبي مخبي لعصيان ديالو وتيبين الإيمان ڭدام نوح وتاهو ماطلعش.قال ابن عباس: «آمن من قوم نوح ثمانون إنسانا».

وهز تمانين راجل وعيالاتهوم فسفينة. وتفرڭعات الأرض بلما وطاحت السماء ورتافع الما وهز سفينة وهي غاديا بيهوم فموجا بحال جبال 150 نهار. وهللك الباقي وملي ومابقا تاكافر فالأرض وصيفط نوح حمامة ودارت رجليها فطين وهزات ليه غصن تاع زيتون، وملي شافها عرف بلي الما مشا.

عيون الكلام[بدل | بدل لكود]

  1. ^ "CATHOLIC ENCYCLOPEDIA: Noah". www.newadvent.org. مأرشيڤي من لأصل ف 2023-05-24. تطّالع عليه ب تاريخ 2022-12-25.
  2. ^ "The Epic of Gilgamesh: A Spiritual Biography by W. T. S. Thackara". www.theosophy-nw.org. مأرشيڤي من لأصل ف 2023-05-24. تطّالع عليه ب تاريخ 2022-12-25.
  3. ^ عيساوي، محمد (2015-01). "إسهامات الحافظ ابن كثير في النقد التاريخي من خلال كتابه البداية والنهاية : السيرة النبوية أنموذجا (ت : 774 هـ)". مجلة الحكمة للدراسات التاريخية (29): 39–53. doi:10.12816/0043760. ISSN 2353-0472. Check date values in: |date= (معاونة)
  4. ^ عدة، زهرة؛ بن يحيى، ناعوس (2019). "الصوت في القرآن الكريم ما بين التجليات الإعجازية والسمات الفونولوجية:, سورة مريم من الآية 01 إلى الأية 40 أنموذجا". مجلة جسور المعرفة: 246. doi:10.35645/1711-005-003-016.
  5. ^ "Kitab-i-Iqan". web.archive.org. 2018-07-06. مأرشيڤي من لأصل ف 6 يوليوز 2018. تطّالع عليه ب تاريخ 2022-12-25.