ؤتناپيشتيم
| ؤتناپيشتيم | |
|---|---|
| إنسان خيالي، شخصية أدبية | |
| طرف من | أساطير سومرية  |
| وجه من وجوه | طوفان نوح |
| لجنس | دكر |
| يعبده | أساطير سومرية |
| موجود في عمل | ملحمة ݣيلݣاميش |
ؤتناپيشتيم ؤلا ؤتا-ناپيشتيم (ب لأكادية 𒌓𒍣، يعني "داك لي لقى لحياة") ماليك ؤسطوري ديال لمدينة د شوروپاك ف الجنوب د لعراق، لي على حساب مجموعة د لمرويات نجى من طوفان بعدما بنى باطو.[1]
ؤتناپيشتيم عندو بزاف د السميات على حساب التقافة لي هضرات عليه، بحال زيوسودرا (يعني "حياة د يامات طوال") عند السوماريين، خيثوسروس عند لبابيليين، أطرا هاسيس (يعني "مول لحكمة") ف لمرويات لأكادية لقديمة، و ؤتناپيشتيم ف لمرويات لأكادية لمعطلة، بحال ف لملحامة د ݣيلݣاميش.[2] بّاه كان هوّ لماليك ؤبار توتو.
ؤتناپيشتيم هوّ تامن ماليك قبل الطوفان ف لأساطير د بلاد بين لويدان (ميزوپوطاميا)، كيما نوح هوّ تامن واحد من إينوخ ف سفر التكوين (النبي إدريس عند لمسلمين).[2] يقدر يكون عاش ف جوايه 2900 قبل لميلاد، شي لي كيوافق لأتار لي تّلقاو ديال طوفان طرا ف شوروپاك ف جوايه ديك لفترة.[2]
ف لأساطير لميزوپوطامية، ؤتناپيشتيم هوّ بطل ديال الطوفان، لي كلّفو الرب إنكي باش يبني باطو كبير تسمى "لحامي د لحياة"، كا تحضير ل طوفان غادي يمحي لحياة بشكل كامل. الشخصية د ؤتناپيشتيم بانت ف الطابليطة نمرة 11 ديال لملحامة د ݣيلݣاميش لي كيكون فيها ݣيلݣاميش كيقلّب على السر د لخلود. بزاف د لأكاديميين درسو لقصة ديالو حيت كاتشبه ل لقصة د نوح.[3]
- ↑ "Utnapishtim". Retrieved 2024-05-01.
- 1 2 3 William W. Hallo and William Kelly Simpson (1971). The Ancient Near East: A History.
- ↑ George, Andrew (2003). The Babylonian Gilgamesh Epic, Volume 1. Oxford University Press. pp. 70, 152–155. ISBN 9780199278411.