مداكرة:نضرية الروينة

لماتقاديدش

سلام خاي @Achraf112:. كيما ڭلت ليك ف لوديو، ماكانضنش بلي هاد لفورما ديال نّفي ما+كلمة+ش كاتخدم معا سّميات ف دّاريجة، غي معا لأفعال (ماكاياكلش) ؤلا نّعوت/صّيفات (ماخضرش، ماحمرش)، ؤلا سميات لفاعل حيت كيقدرو يلعبو دور لفيعل (ماواكلش، ماشاربش). ولاكين سّميات لعاديين كانّفيوهوم ف أغلبية د لحالات غا ب "ماشي" (ماشي كتاب، ماشي ورقة...) من غير يلا كان ضامير ديال لمتيلاك بحال كتابي => ماكتابيش. كاين نّفي ب لا+كلمة لي مخدم تا ف لعربية بحال "لامادية"، "لاأخلاقية"، لي نقدرو نخدّموه هنا كانضن. ب نّسبة ل "تقاديد" براسها، تا هيا جاتني غريبة شوية كا صيغة د شّتيقاق. واش عندك شي ميتال بحالها على نفس لوزن؟-- Ideophagous (مداكرة) 18:00، 14 نونبر 2022 (+01)

الصراحة كان غا اجتهاد مني بالنسبة ما+كلمة+ش

أما بالنسبة لكلمة قاد تقاديد كانضن وزن للي ديال الداريجة كانلقاوه فكلمات ؤخريت بحال صاوب تصاويب، تبوحط تبوحيط، تبوݣص (زيان) تبوݣيص Achraf112 (مداكرة) 00:44، 15 نونبر 2022 (+01)

سلام خاي @Achraf112:. خاص نلقاو شي بحت على أوزان لأفعال و لمصادر لمشتقين منهوم. تا لمدلاوي ماتعمّقش ف هادشي. موهيم حاولت نشوف و نقارن لأوزان ف لأمتلة لي عطيتي ؤ أمتلة بحالهوم، و ها شنو بان ليا:

• قدّ (فعل) => قادّ (فاعل) => تقادّ (تفاعل) => تقاديد؟
• صاوب (فعلل) => تصاوب (تفعلل) => تصاويب (تفعليل)
• بوحط (فعلل) => تبوحط (تفعلل) => تبوحيط (تفعليل)
• بوڭص (فعلل) => تبوڭص (تفعلل) => تبوڭيص (تفعليل)
• برزط (فعلل) => تبرزط (تفعلل) => تبرزيط (تفعليل)
• قربل (فعلل) => تقربل (تفعلل) => تقربيل (تفعليل)

ضونك كانضن بلي تقادّ ماشي بحال لأمتلة لخرين. كاين ميتال أخور لي بحالها لي هوّا:

• فكّ (فعل) => فاكّ (فاعل) => تفاكّ (تفاعل) => تفاكيك؟

كاينين مقادّة و مفاكّة، ولاكين هادو جايين من قادّ و فاكّ، ماشي من تقادّ و تفاكّ. ف لعربية كاين:

تَفَاعَل => تَفَاعُل

حاولت نفكر ف أمتلة خرين ديال "تفاعل" ف دّاريجة بحال تعارض، تناڭر، تقابح، مي كانضن كاملين لوزن د لمصدر هوا نيت ديال "فاعل" (عارض، ناڭر، قابح..)، يعني معارضة، مناڭرة، مقابحة. يعني لكلمة لي كاتقلب عليها غالباً هيا "مقادة". Ideophagous (مداكرة) 19:59، 15 نونبر 2022 (+01)

مقادة وصف أو أدجيكتيف: واحد الحاجة مقادة something is regular

أنا كانقلب على الاسم للي كايبان ليا أحسن اشتقاق ديالو هو تقاديد باش ما يتخلطش مع الوصف مقاد مقادة Achraf112 (مداكرة) 16:27، 16 نونبر 2022 (+01)

لا، لا، كاينة تا "مقادة ديال لكتاب"، "مفاكّة د لمدابزة"، كاتخدّم تا كا سمية، بلا صّيفة "مقاد، مقاذ، مقادين".-- Ideophagous (مداكرة) 17:30، 16 نونبر 2022 (+01)

"تقاديد" تا يلا كانت مومكينة كا كلمة، ماعمرني سمعتها، ؤ جاتني غريبة، ؤ تا تّحليل لي درت لفوق يلا كان صحيح كيبيّن بلي ماشي شتيقاق صحيح من "تقادّ".-- Ideophagous (مداكرة) 18:00، 16 نونبر 2022 (+01)