مداكرة:تاريخ د لمغريب

Untitled

سلام @Omarboulma1926:. عافاك ماتحيّدش معلومات من غير كنتي متيقّن 100% بلي غالطة. ؤ ف هاد لحالة دير عيون لكلام باش مايبقاش شك ؤ تّفضّا لمسألة ف لبلاصة. يلا شكّيتي ف صّحة ديال معلومات، تقدر تزيد طّاڭ ديال موضيل:خاص شي عين/مصدر لهادشي هاكّا {{خاص شي عين/مصدر لهادشي}}. نتابه أيضا عافاك ل لفرق مابين موريطانيا (دولة لي كاينة دابا)، ؤ موريطانية (مملكة قديمة). كنا ديجا تّافقنا بلي نكتبوهوم هاكا باش نفرّقو بيناتهوم. ب نّسبة ل سّتيطان د لفينيقيين ف لمغريب ؤ ف غرب لمتوسط عامةً، بزاف د لباحيتين دابا كيشكّكو بلي كان ستيطان حقيقي، ؤ ماشي غير بيع ؤ شرا ؤ تأتير تقافي على لمدون د سّاحل. شوف هنا لكتاب ديال لمؤرخ لمغريبي عبد العزيز أڭرير "تاريخ المغرب قبل الإسلام، الممالك المورية الأمازيغية قبل الاحتلال الروماني، قراءة جديدة". كاين لكتاب ديال وزير الأوقاف أحمد التوفيق "في تاريخ المغرب"، كيبيّن فيه بلي مدون قدام بحال طانجا عندها سميات أصلها أمازيغي. يلا كانو لفينقيين بناو هاد لمدون علاش غادي يعطيوها سميات أمازيغية؟ كاين أيضا لكتاب ديال لمؤرخة لبريطانية دجوزيفين كوين، لي كاتبين فيه بلي مصطلح لفينيقيين ختارعوه ليونانيين، ؤ بلي لفينيقيين ماكانوش شعب ؤلا أمة ب لمعنى ديال دابا، و إنما مجموعة د نّاس عندها أصول متفرقة كاتجمعها لّوغة و دّين. ؤ كاينين باحيتين خرين غاديين ف نفس تّيجاه. لموهيم، لمسألة فيها نيقاش، تا نعاودو نرجعو ليها ب تّفصيل. --Ideophagous (نقاش) 13:48، 12 يناير 2022 (+01)