محمد أوناجم
محمد أوناجم
| |||
 | |||
| معلومات عامة | |||
| زيادة | 3 يناير 1992 (34 عام) الراشيدية | ||
| لجنسية | لمغريب | ||
| لحرفة | كوايري | ||
| لّوغات لي كيعرف | عربية و لوغات أمازيغية | ||
| رياضة | |||
| رياضة | كورة | ||
| پوسط | مهاجم | ||
| لفراقي | |||
|---|---|---|---|
| أعوام | فرقة | ماتشات | بيوتا |
| 2017– |  لمنتخب لوطني لمغريبي د لكورة
| 1 | - |
| لفراقي | |||
| 2013–2015 | شباب أطلس خنيفرة
| 24 | (6) |
| 2015–2019 | لوداد لبيضاوي
| 72 | (12) |
| 2019– |  الزمالك
| 43 | (3) |
| 2021– | لوداد لبيضاوي
| - | |
محمد أوناجم (بلفرانساوية: Mohamed Ounajem) مزيود ف 3 يناير 1992 فراشيدية، هو كوايري مغريبي كيلعب مع نادي الوداد الرياضي البيضاوي فالپوسط ديال الهجوم.[1]
بدا محمد أوناجم لكاريير ديالو مع واحد الفرقة محلي اللي هو إتحاد الرشيدية قبل ما يسني الكونطرا مع شباب أطلس خنيفرة.
شارك أوناجم مع فرقة شباب أطلس خنيفرة ف 24 ماطش، ماركا فيها 4 د البيوت و صنع 3 بيوت خرين، و شد 10 د الإندارات.[2]
ف يناير 2016 سنا الكوايري محمد أوناجم كونطرا مع فرقة الوداد الرياضي المدة ديالها 5 سنين وكانت القيمة ديال هاد الصفقة شي 200 مليون سنتيم.[3]
شارك محمد أوناجم مع الوداد ف 103 ماطش، منها 61 ماطش فالبطولة و 42 ماطش ف دوري أبطال إفريقيا، ماركا فيها 15 بيت وصنع 34 خرين و شد 7 د الإندارات.
لعب محمد أوناجم مع الوداد البيضاوى 34 ماطش، فيهم 23 ماطش فالبطولة لمغريبية و11 ماطش ف دوري أبطال إفريقيا، ماركا فيهم 8 د البيوت واحد فيهم ماركاه ف التشمپيونس ليݣ ديال إفريقيا و صنع 15 بيت خور، وشد إندار واحد.[2]
فالميركاتو ديال صيف 2019، مشى أوناجم للزمالك المصري، و ربح معاهم الكاس ديال مصر فالماطش ديالو لول. ف 15 يناير 2020، ماركا محمد أوناجم البيت التاني فماطش الزمالك كونطر الجونة ف الدقيقة 51،[4] ف التيران ديال الجونة هاد الماطش كان داخل ف ماطشات الدورة 13 ديال الدوري المصري. ف 28 فبراير 2020، ماركا محمد أوناجم البيت لول لفرقة الزمالك كونطر الترجي التونسي ف الدقيقة 31،[5] هاد الماطش سالا ل صالح الزمالك بتلاتة لواحد و كان فالتيران ديال القاهرة و كان داخل فماطشات ديال دوري أبطال إفريقيا. ربح أوناجم مع الزمالك بطولة كاس مصر و بطولة السوپر الإفريقي و المصري كونطر الترجي التونسي و الأهلي المصري.[6]
ف 30 يناير 2021، علن نادي الزمالك باللي مسلف محمد أوناجم ل نادي الوداد المغريبي مقابل 100 ألف دولار.[7][8]
لعب مع المونتخب ماطش واحد كونطر كوريا الجنوبية نهار 10 أكتوبر 2017 فاش كان هيرفي رونار هو المودريب.[9][10]
- البطولة الوطنية المغربية (3): 2017، 2019، 2021
- دوري أبطال إيفريقيا (1): 2017
- كاس السوبير الإيفريقي (1): 2018
- الدوري المصري الممتاز (1): 2020–21
- الكاس ديال مصر (1) : 2019
- كاس السوبير المصري (1) : 2020
- كاس السوبير الإيفريقي (1): 2020
- دوري أبطال إيفريقيا الوصيف : 2019–20
- ↑ "كووورة: الموقع العربي الرياضي اللول". www.kooora.com. Archived from the original on 2023-08-13. Retrieved 2023-05-31.
- 1 2 "ماذا قدم أوناجم صفقة الزمالك المنتظرة فى مسيرته؟". اليوم السابع (ب العربية). 2019-07-30. Archived from the original on 2023-08-12. Retrieved 2023-05-31.
- ↑ "محمد اوناجم نجم شباب أطلس خنيفرة بالوداد الرياضي". web.archive.org. 2017-08-07. Archived from the original on 7 غشت 2017. Retrieved 2023-05-31.
- ↑ "اوناجم يضيف الهدف الثاني للزمالك في مرمي الجونة". اليوم السابع (ب العربية). 2020-01-15. Archived from the original on 2023-08-12. Retrieved 2023-05-31.
- ↑ "اوناجم بصاروخ بعيد المدى فى شباك الترجى يتعادل للزمالك بالدقيقة 31". اليوم السابع (ب العربية). 2020-02-28. Archived from the original on 2023-08-12. Retrieved 2023-05-31.
- ↑ "شاهد..أوناجم يستعرض بطولاته وأرقامه مع الزمالك قبل "محنة" كورونا".[ليان مهرس ديما]
- ↑ "الزمالك يعلن إعارة محمد أوناجم للوداد المغربي". اليوم السابع (ب العربية). 2021-01-31. Archived from the original on 2023-08-12. Retrieved 2023-05-31.
- ↑ "رسميًا.. الزمالك يوافق على إعارة أوناجم 6 أشهر لـ «الوداد»". Archived from the original on 2023-05-31. Retrieved 2023-05-31.
- ↑ "المغرب يسحق كوريا الجنوبية المتأهلة للمونديال بثلاثية (فيديو)". عربي21 (ب العربية). 2017-10-10. Archived from the original on 2023-05-31. Retrieved 2023-05-31.
- ↑ "كووورة: الموقع العربي الرياضي اللول". www.kooora.com. Archived from the original on 2023-05-31. Retrieved 2023-05-31.
- ↑ Football, CAF-Confedération Africaine du. "Egyptian Salah crowned African Player of the Year". CAFOnline.com (ب الإنجليزية). Archived from the original on 2023-05-31. Retrieved 2023-05-31.