مالييطوا تانومافيلي اللول
مالييطوا تانومافيلي اللول
| ||
| ||
| معلومات عامة | ||
| زيادة | 1879 صاموا | |
| لموت | 5 يوليوز 1939 (59/60 عام) | |
| لجنسية | صاموا | |
| لحرفة | سياسي | |
| لفاميلة | ||
| لواليد | مالييطوا لوپيپا | |
| لولاد | ماليتوا تانومافيلي الثاني | |
| لجوايز | ||
مالييطوا تانومافيلي اللول (1879 - 5 يوليوز 1939) هو حاكم وملك ديال صاموا من لفاميلة لمالييطوية.
تزاد مالييطوا تانومافيلي ف1879، وكمل قرايتو ف فيدجي.[1] فاش مات باه مالييطوا لوپيپا ف1898، ولّأ ملك على صاموا وعمرو 19 عام، وعتارفات بيه لميريكان، ألمانيا ولمملكة لمتحدة.[1] هادشي واخا هكاك جاب الشعيل ديال لحرب لأهلية الصاموية التانية.
خدات ألمانيا فلعهد ديالو لحوكم ديال لأرخبيل لغربي من 1900 حتال 1914. عيّنات ليمبراطورية لجرمانية لحاكم لعام ويليم صولف. ف1908 بانت حركة ديال لمقاومة اللي كانت سلمية، وكانت سميتها "مو آ بولي". صولف دار النفي للزعيم ديال هاد لحركة، واللي كان هو لاواكي نامولاولو ماموي.[2] لحوكومة دألمانيا خدمات بلمبدأ ديال "كاينة غير حوكومة وحدة فلبلاد"، وماتسوقوش للملك مالييطوا تانومافيلي ولّا للحكّام ديالو، ورجع لملك تانو ولعيان ديالو غير مستشارين عند الدولة.[3]
فالشهر اللول ديال لحرب لعالمية اللولة، نهار 29 غشت 1914، مشات قوات ديال لعسكر لخاص دنيوزيلاندا تحت الطلب ديال لمملكة لمتحدة وخدات لحوكم من عند السلطات لألمانية، ودار "خدمة إمپيريالية واعرة وديال بالزز".[4] فلعهد ديالو داز الرواح الصبليوني وقتل 20 فلمية ديال السكان. ف1929 (عشر سنين قبل ما مالييطوا يموت)، لبوليس ديال نيوزيلاندا قتلات توپوا تاماسيسي ليالوفي التالت وهو كان كيحاول يهدّن مابين لبوليس ولمتضاهرين اللي خرجو فلحركة ديال "مو آ بولي"، واللي كانت حركة سلمية ضد ليحتيلال ديال نيوزيلاندا لبلادهوم. عشرة خرين ماتو وشي 50 تجرحو بالرصاص ولعصا ديال لبوليس.[5][6] فالداكرة الشعبية ديال الصامويين داك النهار باقي كايتسمّى "السبت لكحل". بقات نيوزيلاندا متحكمة فلبلاد حتى من مورا لموت ديالو ف 5 يوليوز 1939، من مورا ما حكم 41 عام.
- ^ a b Last King of Samoa Pacific Islands Monthly, غشت 1939, p29
- ^ World History at KMLA, zum.de
- ^ Lewthwaite, Gordon R. “Life, Land and Agriculture to Mid-Century,” in Western Samoa. Edited by James W. Fox and Kenneth Brailey Cumberland. Christchurch, New Zealand: Whitcomb & Tombs Ltd. 1962, p. 148
- ^ "New Zealand goes to war: The Capture of German Samoa". nzhistory.net.nz. مأرشيڤي من لأصل ف 14 نونبر 2016.
- ^ Field, Michael (2006). Black Saturday: New Zealand's tragic blunders in Samoa. Auckland, N.Z.: Reed Publishing (NZ). ردمك 978-0-7900-1103-5.
- ^ "History and migration: Who are the Samoans?". Ministry for Culture and Heritage / Te Manatū Taonga. مأرشيڤي من لأصل ف 14 يونيو 2009. تطّالع عليه ب تاريخ 27 نونبر 2007.
|
تقدر تزيد شوف بزاف د تّصاور و لمعلومات ديال Malietoa Tanumafili I ف ويكيميديا كومنز. |