لحرب لأهلية الصاموية التانية
لحرب لأهلية الصاموية التانية هي مدابزة أهلية وصلات للطوپ ديالها ف1898 فاش كانت ألمانيا ولميريكان ولمملكة لمتحدة منوضين روينة على شكون غايشد لحوكم فݣزاير صاموا اللي كاينة فلجانوب ديال لمحيط لمهدن.
النتيجة ديالت هاد لحرب كانت ليتيفاقية التلاتية، اللي قسمات ݣزاير صاموا على جوج: الشرق ديال لميريكان واللي مازال تابع ليها لليوم، ولغرب لألمانيا، واللي من بعد ستاقل ؤ ولّا صاموا. لمملكة لمتحدة تنازلات على اللرض اللي كانت كاتطالب بيها، بلحق تعطاتها بزاف ديال لݣزاير فجزر صالومون واللي كانو تابعين لألمانيا.[1][2]
لمتحالفين كانو هوما اللي تبعو مالييطوا تانومافيلي اللول (ولد مالييطوا لوپيپا) ومعاه لقوات دلبحر ديال لميريكان ولمملكة لمتحدة، اللي حاربو ضد لمتمردين اللي كان مݣيدهوم ماتاآفا يوسيفو.
بدات لحرب لأهلية الصاموية التانية فاش جاو ألمانيا، لمملكة لمتحدة ولميريكان باش يتفاهمو على شكون غايشد السولطة على ݣزاير صاموا. لحصار د أپيا طرا فمارس 1899 فاش لعسكر ديال لأمير تانو تحاصر، واللي دارو هاكّا هوما توار كانو تابعين لماتاآفا يوسيفو. لعسكر ديال لأمير خداو السلاح من عند ربعة دلپاريخات تاع لحرب لميريكانية ولبريطانية، وربحو لحرب من مورا شي إيّامات دلمقاتلة.[3]
من جيهة لمتحالفين ماتو أولّا تجرحو 24 واحد، أما من جيهة التوار ديال يوسيفو ماتو أولا تجرحو 127 واحد، وتهرسو جوج ديال لقلعات.
- ^ Lawrence، David Russell (October 2014). "Chapter 5 Liberalism, Imperialism and colonial expansion" (PDF). The Naturalist and his "Beautiful Islands": Charles Morris Woodford in the Western Pacific. ANU Press. ص. 168. ردمك 9781925022032.
- ^ Ryden, George Herbert. The Foreign Policy of the United States in Relation to Samoa. New York: Octagon Books, 1975. (Reprint by special arrangement with Yale University Press. Originally published at New Haven: Yale University Press, 1928), p. 574; the Tripartite Convention (United States, Germany, Great Britain) was signed at Washington on 2 December 1899 with ratifications exchanged on 16 February 1900
- ^ Mains, P. John; McCarty, Louis Philippe (1906). The Statistician and Economist: Volume 23. p. 249