لمداكرة د ويكيپيديا:لملحوضية

مراجعة

سلام أ دّراري @سمير تامر, Reda benkhadra, و Anass Sedrati:. عافاكوم راجعو تّقديم ؤ شّروط لعامة، ؤ لي بغا يدير شرع يدّيه يتفضل. --Ideophagous (نقاش) 13:21، 14 دجنبر 2021 (+01)

سلام خاي @Ideophagous: تبارك الله عليه هادشي لي وجدتي مزيان بزاف ؤ كيعطي لي باز لموهيمين ديال لملحوضية (ولا لمقبولية كيما سميتيها) لي خص نتبعو هنا. كانضن هاد تأطير لي درتي ممكن نتبازاو عليه باش نخرجو دوك شروط لفرعية من بعد. أنا من جيهتي أنحاول نديڤلوپي شي حوايج ف هاد صفحة ؤ نكمل داكشي لي ناقص:) Reda benkhadra (نقاش) 23:29، 14 دجنبر 2021 (+01)

سلام خاي @Reda benkhadra:. شكرا، هوا أنا حاولت نميّز مابين لملحوضية Notability ؤ لمقبولية Acceptability، ب عتيبار بلي لملحوضية كاترشح لموضوع باش يكون مقبول كا مقال، ولاكين ماكاتضمنهاش. تانا غادي نحاول نطور فقرات خرين (خدام دابا علا لكتوبا)، ؤ يلا كبرات شي فقرة بزاف، نقدرو نحولوها ل مقال خاص بيها (ديجا ديال لأشخاص ولات مابيهاش). --Ideophagous (نقاش) 23:36، 14 دجنبر 2021 (+01)

بغيت نعرف كفاش نقاد هاد ملحوضة

سلام بغيت نفهم كفاش نقاد ملحوضة في مقالات مع قاديت لبارح واحد ليوما قالو ليا بلي واه هاذ مقال ناقصها ملحوضة وريوني كفاش نقاد هاد ملحوضة 41.92.121.176 12:28، 21 شتنبر 2022 (+01)

ماشي ملحوضة، ملحوضية. لملحوضية كاتكون ديجا عند لموضوع ؤلا ماكاتكونش. وخا تكتب أحسن مقال، يلا لموضوع ديالو ماعندوش ملحوضية غادي يتّحدف. قرا عافاك سّياسة د لملحوضية ؤ يلا مافهمتيش شي حاجة سوّل. Ideophagous (مداكرة) 17:41، 21 شتنبر 2022 (+01)

تزيار ديال الشروط

سلام خاي @أناس. درت شي تبديلات ف الشروط د لملحوضية ديال لأشخاص تقدر تشوفها هنا. بشكل عام:

1. زيّرت شوية الشروط، باش تأكّد على وجود إنجاز مهم بحال الرباح ديال جايزة وطنية ولّا دولية، لي هيّ براسها عندها ملحوضية. هادشي غادي يخلينا نركّزو تا لمجهودات ديالنا باش نديرو ليستة ديال هاد الجوائز ف لمغريب، حيت أي واحد ربحهم يقدر يتّعتابر عندو ملحوضية، يلا كيحقق الشروط لعامة تا هيّ.
2. زدت فقرة على لملحوضية ديال الجوائز.
3. بسّطت شوية لمفهوم ديال لملحوضية و حيّدت مصطلح "لمقبولية" حيت غير كيخلق إلتباس ف لفهامة.

يلا عندك ملاحضات ولّا قتيراحات خرين مرحبا. Ideophagous (مداكرة) 20:34، 12 غشت 2025 (+01)