لمداكرة د لمعاونة:صفحة لمعاونة

تّنضيم ديال هاد لپاج

سلام أ دّراري @OussamaOuh, Reda benkhadra, Anass Sedrati, سمير تامر, و عصام أزناك:. كنضن هاد لپاج خاص يكونو فيها غير لقوالب ؤ لعناصر لّي كتخدّم بزاف، ب نّسبة ل نّاس لّي يلاه غادي يبداو معانا باش مايتلفش بنادم. نقدرو نديرو پاجات خرين فيهم تفاصيل زايدة علا كولا بلان، متلا پاج خاصة ب لمساعدة تقنية علا زّيادة د لّيانات، پاج ديال لقوالب د لمعلومات، ؤ غيرهم. شنو بان ليكم؟ --Ideophagous (نقاش) 08:06، 03 ماي 2021 (+02)

معا فيكرة زوينة. --سمير تامر (نقاش) 20:05، 3 ماي 2021 (+00)

قادّيت پاج جديدة خاصة غير ب صّنادق د لمعلومات، ؤ خليت هنا غير صّنادق لّي كنخدّموهوم بزاف. يلا بانت ليكم شي حاجة مامقادّاش مزيان، عافاكم صلحوها. --Ideophagous (نقاش) 08:41، 19 ماي 2021 (+02)

مساعدة

أزول آ دراري @OussamaOuh, Reda benkhadra, Anass Sedrati, سمير تامر بغيت نسولكم فاش كاندير شي مقال كانبغي نربطو بترجمات لاخرين ( لعربية و لونغلي و...) بغيت نعرف كفاش كايديرو ليها و واش أنا عندي لحق نديرها و لا غي ليزادمين وشكرا بزااف على مساجات لي لحتوهوم ليا ❤️ عصام أزناك (نقاش) 01:22، 4 ماي 2021 (+00)

سلام سّي @عصام أزناك:. شوف عل لّيمن لتحت، غادي تبان ليك "زيد ليانات" ؤ كليكي عليها

غادي يطلع ليك هاد سّريجم

خاص بعدا تلقا لارتيكل ف ويكيپيديا خرة. ف بلاصة لّوغة دخّل لكود د لّوغة تابعاها wiki. متلا نّݣليزية enwiki، لعربية arwiki، لفرانساوية frwiki. ف بلاصة صّفحة، دّخل لعنوان د لارتيكل ف ديك لويكيپيديا. هنا عمرت متال ديال لارتيكل د نبيل عيوش

--Ideophagous (نقاش) 07:06، 04 ماي 2021 (+02)

صافي تعلمت ليها و درتها فشي مقالات شكرا ليك على المساعدة عصام أزناك (نقاش) 09:45، 4 ماي 2021 (+00)

مساعدة

أزول آ دراري @OussamaOuh, Reda benkhadra, Anass Sedrati عافاكوم كيفاش كاتقدر تمسح شي مقال من ويكي بخطرا حيتاش كتب مقال و منين ساليتو كتاشفت بلي كاين مقال عليه هوا نيت ( المقال هوا ديال مغنية أوم عافاكوم مسحوه راه خويتو بقا غي سمية ) و نهاركم مبروك ❤️ عصام أزناك (نقاش) 02:00، 5 ماي 2021 (+00)

لمسيح د لمقالات غير إمغارن لّي يقدرو يديروه. صافي راني محيتو. --Ideophagous (نقاش) 07:02، 05 ماي 2021 (+02)

تغيير

أزول آ سي @Ideophagous بغيتك تدير تغيير على ممتيل يونس بواب فطابلو كاين غلط تكتبات أنه تزاد فآسفي و هوا تزاد فسلا (وأنا ماتنعرفش ندير تغير فطابلو) شكرا ❤️ عصام أزناك (نقاش) 17:34، 6 ماي 2021 (+00)

@عصام أزناك: تقادّات. دوك لمعلومات كاينين ف ويكيداطا، تقدر تبدلهم من تماك. خاص تكليكي ف نفس لبلاصة فين ربطتي لپاج معا لمقابل ديالها ف لّوغات لخرين، ؤ غادي تمشي نيشان ل لپاج ديالها ف ويكيداطا. --Ideophagous (نقاش) 20:30، 06 ماي 2021 (+02)

لقوالب لي كيتزادو ف لمقالات

سلام أ دّراري @Reda benkhadra, Anass Sedrati, OussamahOuh, Samira Seddiki, و سمير تامر:. قادّيت لقوالب لي كاينين ف لپاج د دّوزان. شوفو واش جاكوم داكشي مزيان ؤلا كاين باقي ما يتّصلح. ب نّسبة ل لقوالب ديال مقالة مزيانة ؤ مقالة مخيرة، جاني بلي بحال نّݣليزية نديرو غير علامة ف جّنب كافية (بحال نجمة). عادة لقوالب د لإعلام لي كيكون فيهوم ميساج كيكونو علا ود باش لكتاتبي يدير شي حاجة، بحال إصلاح، حدف، كتابة ؤ غيرهوم. ماكانشوفش لفايدة باش نشدو ميساحة علا قدها ف لبدية د أرتيكل، ؤ نديرو ميساج غير باش نݣولو بلي لمقال راه مزيان ؤلا مخير. تّرشيح ب طْبيعت لحال خاصو يكون ميساج د لإعلام، حيت لكتاتبي باقي يقدر يساهم ف تطوير لمقال باش يولي كيستوفي شّروط ؤ ف لڤوط. يلا كانو مولاحاضات خرين مرحبا. --Ideophagous (نقاش) 12:18، 20 أكتوبر 2021 (+01)

شكرا بزاف خاي @Ideophagous: علا ݣاع لمجهودات. عندي مولاحضة وحدة علا لفورما ديال دوك لقوالب. إلا مشيتي قلبتي ف شي مقالات (بحال كيما هادا) غادي يبانليك بلي لقوالب كياخدو ميساحة كبيرة كتر من لمحتوى د لمقال براسو. إلا كاين شي طريقة باش يصغارو شوية ؤ مايبقاش لخوا بيناتهم أتكون حاجة مخيرة. أما ب نسبة لنقطة ديال مقالات مزيانة ؤ مخيرة متافق معاك فيها. Reda benkhadra (نقاش) 12:46، 20 أكتوبر 2021 (+01)

سلام خاي @Reda benkhadra:. كانضن لموشكيل تّصلح دابا. --Ideophagous (نقاش) 16:11، 20 أكتوبر 2021 (+01)