لطيفة أخرباش
لطيفة أخرباش
| ||
.JPG) | ||
| معلومات عامة | ||
| زيادة | 20 يوليوز 1960 (65 عام) تطوان | |
| لجنسية | لمغريب | |
| لحرفة | سياسية و صحافية | |
| لّوغات لي كيعرف | عربية | |
| معلومات خرى | ||
| لأعمال |
| |
| لجوايز |
| |
لطيفة أخرباش (مزيودة ف 20 يوليوز 1960 ف تطوان) هيا سياسية ؤ صحافية مغريبية. شغلات مناصب ف مؤسسات إعلامية ؤ حوكومية، منها منصب ديال كاتيبة دولة ف حوكومة لفاسي، ؤ مناصب ديپلوماسية كا سافيرة د لمغريب ف عاداد د لبلدان.
خدات لباك ديالها ف 1978 ف شعبة د صيونص ماط ف مراكش، ؤ دارت لقراية لجاميعية ديالها ف لمعهد لعالي د صّحافة ف رّباط، ؤ موراها لمعهد لفرانساوي د صّحافة ف فرانسا لي تابع ل جاميعة پاري 2، فين خدات دّوكتورا ديالها.[1]
بدات لطيفة أخرباش لكاريير ديالها كا صحافية ف جّورنال ليومي المغرب ف 1981، ؤ موراها ف مجلة لاڤي إيكو من 1991 تال 1995. من 1993 تال 2000 كانت مومتيلة ديال لمغريب ف رّيزو لأورومغاربي د تّكوين ف خدامي د تّيصال لي دارتو لّجنة لؤروپية. كانت أيضا ف لفترة مابين 1992 و 1999 شادة منصب ديال مستشارة د مشروع ف مؤسسة فريديريش ناومان، و نشّطات بين عامي 1990 و2003 ورشات و دورات ديال تّكوين ف مجال تّيصال. كانت ؤستادة ف لمعهد لعالي د لإعلام و تّيصال، ؤ ف 10 شتنبر 2003 عيّنها لماليك محمد سّادس موديرة ديال نفس لمعهد. من 2005 تال 2007، كانت موديرة تحريرية ديال جورنال لأمل، لي كان جورنال جيهاوي كيصدر ب دّاريجة ف سلا.[2][3] ف مارس 2007، ولّات موديرة د لإداعة لمغريبية.[1]
مابين 15 أكتوبر 2007 ؤ 2012 كانت كاتيبة د دّولة ف ويزارة لخارجية ف لحوكومة ديال عباس لفاسي. ف 2013 ولات سافيرة د لمغريب ل بلغاريا، ؤ ف 2016 سافيرة د لمغريب ف تونس.[1] ف 3 دجنبر 2018، تعيّنات أخرباش موديرة ديالت لهيأة لعالية د تّيصال سّمعي لباصاري.[4]
لالة أخرباش مجوجة ؤ عندها تلاتة د لوليدات.[4]
- 1 2 3 "من هي السيدة لطيفة أخرباش السفيرة الجديدة للمملكة المغربية بتونس" (ب العربية). 13 أكتوبر 2016. Archived from the original on 2021-12-25. Retrieved 2021-12-25.
- ↑ "Actualité : La "darija" ou correctement la langue marocaine sort ses griffes". lavieeco.com (ب الفرنسية). 9 يونيو 2006. Archived from the original on 2023-04-11. Retrieved 2021-12-25.
- ↑ زكية عراقي سيناصر (2014). "L'essor de l'arabe dialectal au Maroc". In Olivier Durand; Angela Daiana Langone; Giuliano Mion (eds.). Alf lahga wa lahga (ب الإنجليزية و الفرنسية). LIT Verlag Münster. p. 195. ISBN 3643903340.
- 1 2 "حوار ومسار .. أخرباش تواجه القضايا الشائكة" (ب العربية). 10 دجنبر 2021. Archived from the original on 2021-12-26. Retrieved 2021-12-26.
| عالمي | |
|---|---|
| وطني | |
 هادي زريعة ديال مقالة علا موضوع عندو علاقة ب شخصيات د لمغريب خاصها تّوسع. تقدر تشارك ف لكتبة ديالها. |