لأمل (مجلة)
لأمل (مجلة)
| ||
 | ||
| معلومات أساسية | ||
| نوع د الدورية | مجلة و منشور إقليمي | |
| لبلاد | لمغريب | |
| لموضع | سلا | |
| اللوغات د النشر | الداريجة لمغريبية | |
| لمؤسس | لطيفة أخرباش | |
| تاريخ التأسيس | 26 دجنبر 2005 | |
لأمل هيّ واحد لمجلة شهرية جيهاوية مغريبية كانت كتصدر ب الداريجة. لمجلة بدات ف 26 دجنبر 2005[1] و أسساتها لطيفة أخرباش، و كانت كتّنشر فابور ؤلا ب تمن رمزي ف لمدينة د سلا. حبسات لمجلة ف أبريل 2006[2] ؤلا 2007.[3]
لمجلة كانو فيها 24 صفحة، و النمرة اللولة ديالها خرجو منها 2000 نسخة.[4] كانت كاتصدر تا ؤنلاين، و كانت عندها شعبية عند بزاف د الناس حيت جاتهوم ساهلة ف لقراية. لمدير ديالها كان محمد زينبي.[5]
لطيفة أخرباش لي كانت مديرة ديال لمعهد لعالي د لمعلومات و التواصل ISIC ف الرباط، قررات باش تدير إصدار ديال دورية لي تكون قريبة ل الجمهور. لمشروع ساهمات فيه تا مؤسسة التكوين ديال لميديا الدولية IMFA، ف إطار لمبادرة لوطنية د التنمية د بنادم INDH و برنامج لمغريب إفريقيا ديال مؤسسة أليكساندر و مارڭيريط ڤارين.[6]
ل هاد لغاراض، ف نونبر 2005،[7] تّختارو 16 من الشباب ف عمرهوم قل من 25 عام (8 د لبنات و 8 د لولاد)، من لوسط الجمعاوي السلاوي و من لأحياء الشعبية باش يخدمو على مجلة ب الداريجة، لي دارو تكوين ف لمعهد على التقنيات د لكتابة و التاريخ د لمغريب. لمقصود من لمجلة كان خلق مناصب د لخدمة، و لخبار على لأنشطة الجمعاوية ف سلا و على لمشاكيل ديال لمدينة. لمجلة كان عندها نجاح كبير ف وقتها، و خدات هتيمام سيرتو من جمعيات ديال محو لأمية. و زادت تعرفات ملي كتب عليها رشيد نيني ف جورنال الصباح.[8]
لغلاف ديال النمرة اللولة د لمجلة كان فيه تصويرة ديال دراري صغار عندهوم إعاقات ذهنية لي بداو كيتدمجو ف لمدارس من داك لعام. ف الصفاحي الدخلانيين كانو هاد لمواضيع:[1]
- مقال على حبس الزاكي و لمعاناة ديال لفاميلات د لمحابسيا
- ف لقسم لإقتصادي، تحليل على لحرافي الصغار، الطاكسيات لكبار، و لكريديات الصغار
- ف لقسم د السپور، كاينين پورطريات و روپورطاج على لوضعية د السپور ف سلا
- الضوسي الرئيسي كان على لعيد لكبير
- 1 2 "«Les journalistes de l'espoir» ont relevé le défi". 2005-12-30. Retrieved 2023-11-20.
- ↑ "The magazine Al 'Amal (added December 2021)". 2021-12-01. Retrieved 2023-11-20.
- ↑ Zakia Iraqui SInaceur (2014). "L'essor de l'arabe dialectal au Maroc". In Olivier Durand; Angela Daiana Langone; Giuliano Mion (eds.). Alf lahga wa lahga (ب الإنجليزية و الفرنسية). LIT Verlag Münster. p. 195. ISBN 3643903340.
- ↑ "Medias en darija". 2006-12-27. Retrieved 2023-11-20.
- ↑ "MAROC. L'arabe dialectal sort du ghetto". 2006-08-02. Retrieved 2023-11-20.
- ↑ "En « darija » dans le texte". 2006-02-14. Retrieved 2023-11-20.
- ↑ "Les banquiers mondiaux se donnent rendez-vous au Maroc". 2006-02-17. Retrieved 2023-11-20.
- ↑ "La «darija» sort ses griffes". 2006-06-09. Retrieved 2023-11-20.
 هادي زريعة ديال مقالة خاصها تّوسع. تقدر تشارك ف لكتبة ديالها. |