عزيز داودة
عزيز داودة
| ||
| معلومات عامة | ||
| زيادة | 15 ماي 1951 (73 عام) الرباط | |
| لجنسية | لمغريب | |
| لحرفة | بطل د لاطليتيزم | |
| لّوغات لي كيعرف | عربية و لوغات أمازيغية | |
| لفاميلة | ||
| شريك | فاطمة الفقير | |
| لولاد | ماريا كوتر داودة طارق داودة | |
| رياضة | ||
| رياضة | أطليتيزم | |
عزيز داودة: (بالفرنساوية Aziz Daouda)، خلاق فرباط نهار 15 ماي 1951، مدريب ألعاب لقيوى وجراي مغريبي شحال هادي.[1][2][3][4]
تزاد عزيز داودة فحي ديور الجامع الشعبي فالرباط.[5] من بعد ما كمل قرايتو ليبتدائية والتانوية والجاميعية،[4] ستفاد من واحد لابورس باش يمشي يتابع قرايتو فواحد لمعهد سميتو Fizica Bucuresti ف رومانيا،[5] جاب من هاد لمعهد عام 1977 ديبلوم التعليم العالي فالسبور تخصص ألعاب لقيوى.[4] وبعد ما كلس شوية فلمغريب مشا عاود لكاندا فعام 1980 باش يتابع قرايتو فجامعة مونتريال فعلوم النشاط البدني، وجاب منها ماجستير فسيولوجيا جهد.[4][6]
خدم عزيز داودة فبزاف ديال لمناصيب ولمسؤوليات لداخل وبرا ديال لمغريب،[4][6][7] سوا فهادشي اللي متعلق بالتدريب سوا فتسيير وحتى التدريس،[1][7] فمن بعد ما تكلف ببزاف ديال المهام ف وزارة شباب ورياضة كشاف د سيرفيس ومن بعد مدير ديال رياضات،[7] تعين فعام 1994 مدير تقني ديال الجامعة لملكية لمغريبية ديال ألعاب القيوى،[2] ف 1999 تختار كأفضل تكنيسيان فلعالم من طرف لتيحاد دولي لألعاب القيوى، وفعام 2006 تعين مدير تقني ومدير ديال التنمية عند لايتحاد لإفريقي لألعاب القوى.[2][4]
عام 2015 تنتاخب ضمن لجنة تقنية ديال لتيحاد الدولي ديال ألعاب القيوى مع ولاد بلادو نوال المتوكل وخالد السكاح.[2][7][8] زيادة على السربيس ديالو الإدارية والتسييرية اللي كانت فبزاف ديال لموؤسسات لمغريبية ولإفريقية،[1] فعزيز داودة خرج عرام ديال البحوت،[1] كيما سبق ليه خدم أستاد جامعي فلمعهد الملكي لتكوين لأطر،[6][7] زيد عليها ليشراف ديالو على بزاف ديال تظاهورات الرياضية اللعالمية اللي تنضمات فلمغريب بحال بطولة لعالم للعدو ريفي اللي كانت ف مراكش فعام 1998 وبطولة العالم ديال ألعاب القيوى للفتيان اللي حتى هي كانت فنفس المدينة عام 2005،[1][6][7][9] وجائزة الحسن الثاني الكبيرة ديال الماراطون الدولي لمدة عشر سنين.[7]
كتنعت ديك لوقيتة فاش كان عزيز داودة كيشرف على ألعاب القيوى لمغريبية بلعصر الذهبي،[4] حيت كيرجع لفضل ف تدريب بزاف ديال لأبطال لمغاربة اللي جابو ميداليات دهبية وديال النقرة ولبرونزية فبزاف ديال لمولتقيات لعالمية وعلى راسهم سعيد عويطة لحائز على لميدالية دهبية ف سباق 5000 متر في لألعاب لأولمبيا بلوس أنجلوس عام 1984 وهشام الكروج بطل العالم ف مسافة 1500 سنة 1997 و2003 واللي فاز عاود بجوج ميداليات أولمبية ديال الدهب ف مسافة 1500 متر و5000 متر ونزهة بدوان بطلة لعالم ف 400 متر.[4][6][10] وحسنة بنحسي مولات النقرة فلألعاب لأولمبيا ف أتينا عام 2004 ف مسافة 800 متر وبرونزية بكين سنة 2008 وصلاح حيسو مول لبرونزية ديال 10 آلاف متر ف دورة أطلانطا 1996 وميدالية ديال الدهب ف بطولة العالم فإشبيلية 1999 ف مسافة 5000 متر وجواد غريب اللي ربح دهبية لماراطون ف بطولة لعالم فباريس سنة 2003 وهلسنكي 2005 وميدالية ديال النقرة ف الألعاب الأولمبيا ف بكين عاصمة الشينوا سنة 2008.[6]
هاد لكاريير طويلة،[1] مكنات عزيز داودة من بزاف د لجوائز ولأوسيمة،[6] أهمها الوسام الرياضي ووسام ليستحقاق الوطني من لمليك الراحل لحسن التاني ووسام من جيهة الرئيس الكنغولي دونيسا سونغيسو ووسام من لاتيحاد دولي لألعاب لقيوى.[1][6][9][11] زيد عليها بزاف ديال تكريمات من شلا جمعيات وهيئات رياضية وصحفية.[1]
- ^ a b c d e f g h "Aziz Daouda – Sports Africa Live" (ب نڭليزية). مأرشيڤي من لأصل ف 2023-05-25. تطّالع عليه ب تاريخ 2023-06-05.
- ^ a b c d "Aziz Daouda : "J'aurais aimé aider mon pays, mais si mon pays ne veut pas de moi…"". Telquel.ma (ب لفرانساوية). مأرشيڤي من لأصل ف 2023-06-05. تطّالع عليه ب تاريخ 2023-06-05.
- ^ "Aziz Daouda: notre sport est devenu budgétivore et sans résultat!".
- ^ a b c d e f g h "Portrait: Aziz Daouda, un révélateur de talents à la rescousse du Raja". Telquel.ma (ب لفرانساوية). مأرشيڤي من لأصل ف 2023-05-12. تطّالع عليه ب تاريخ 2023-06-05.
- ^ a b "منتديات كووورة". مأرشيڤي من لأصل ف 2023-05-25. تطّالع عليه ب تاريخ 2023-05-12.
- ^ a b c d e f g h "Jubilé Aziz Daouda". m.libe.ma. مأرشيڤي من لأصل ف 2023-05-25. تطّالع عليه ب تاريخ 2023-06-05.
- ^ a b c d e f g "Trois Marocains à la tête de la Fédération Internationale d'Athlétisme". Telquel.ma (ب لفرانساوية). تطّالع عليه ب تاريخ 2023-06-05.
- ^ "انتخاب المتوكل والسكاح وعزيز لعضوية اتحاد ألعاب القوى". 2015-08-19. مأرشيڤي من لأصل ف 2023-05-26. تطّالع عليه ب تاريخ 2023-05-12.
- ^ a b Lebanontoday. "Lebanontoday". Lebanontoday (ب لعربية). مأرشيڤي من لأصل ف 2023-05-26. تطّالع عليه ب تاريخ 2023-06-05.
- ^ "نزهة بدوان". مأرشيڤي من لأصل ف 2023-07-09. تطّالع عليه ب تاريخ 2023-05-12.
- ^ "Aziz Daouda honoré par l'IAAF". مأرشيڤي من لأصل ف 2023-05-26. تطّالع عليه ب تاريخ 2023-05-12.