ضامناتيو ميمورياي
ضامناتيو ميمورياي (ب لّاتينية damnatio memoriae) لي حرفيا كاتعني نّعلة د لميموار ، هوّا مصطلح كيشير ل لحالة فاش شي شخص كيتّمحا من سّجلات تّاريخية بشكل مقصود، سوا بشكل جزئي ؤلا كلي. أقدم حالة معروفة عند تّوارخيا كانت ف ميزوپوطاميا (لعراق دابا) ف مدينة لاڭاش، ف 2000 تال 3000 قبل لميلاد، لي ماتّدكرش فيها لماليك سّوماري د مدينة ؤما ب سميتو، مي غير كا "راجل د ؤما". على حساب تّوارخي سطيفان زاڤادزكي، هادشي كيتّعتابر حتيقار ل داك لماليك من طاراف لحكّام ديال لاڭاش، لي مابغاوش سميتو تّعرف عند لأجيال جّاية.[1]
أمتيلا خرين كانلقاوهوم عند لمصريين لقدام، بحال لماليك أخيناتون لي تّمحا من بزاف د سّجلات ؤ حتا وجهو تّمسح بشكل مقصود من تّماتيل ديالو، ؤ لماليكة حاتشاپسوت لي تعرّضات ل نفس شّي.[2]
ف ليتيحاد سّوڤياتي، بعض لموعارضين لي كانو ف لحيزب لبولشيڤي ؤ تا مستشارين ديال سطالين لي تتاهمو ب تّجسس ؤ تم لإعدام ديالهوم ؤلا تسيفطو ل سيبيريا، كانلقاو تصاورهوم تحيّدو بشكل كامل، حتا من شي تصاور جماعية لي تخادو معا لينين ؤلا سطالين.[3]
ف لمغريب كانلقاو ميتال ديال هاد لكونصيپط ف تامودا ف لفترة رّومانية، فين تّمحاو سّميات ديال ڭيطا ؤ د سياسيين حيت ولاو مغضوب عليهوم.[4] ف لقرون لوسطانية، لموحدين حتا هوما حاولو يمحيو لأتار ديال لمورابطين ؤ يصفّيوها معا لأفراد د سّلالة ديالهوم. [مصدر؟]
لمصطلح ديال ضامناتيو ميمورياي ماكانش موجود ف لفترة رّومانية، مي تّستعمل لمرة لّولة ف واحد لمقالة لعلمية ف ألمانيا ف 1689.[5]
- ↑ زاڤادزكي, سطيفان (2011). "Puścić w niepamięć, zachować złą pamięć: władcy w asyryjskich inskrypcjach królewskich w pierwszym tysiącleciu przed Chr." [Letting go, keep a bad memory: rulers in Assyrian royal inscriptions in the first millennium BC.]. In ڭاواي-ديمپنياك, ريناطا; ؤكون, دانوتا; سيمتشيشين, ماڭدالينا (eds.). Damnatio memoriae w europejskiej kulturze politycznej [Damnatio memoriae in European political culture] (ب البولندية). IPN. ISBN 978-83-61336-45-7. Archived from the original on 2023-03-26. Retrieved 2022-01-08.
- ↑ "Damnatio memoriae—Roman sanctions against memory". أكاديمية خان (ب الإنجليزية). Archived from the original on 2023-06-03. Retrieved 2022-01-08.
- ↑ "How Stalin's propaganda machine erased people from photographs, 1922-1953" (ب الإنجليزية). Archived from the original on 2023-10-13. Retrieved 2022-05-23.
- ↑ "Une nouvelle inscription de Tamuda et le contexte militaro-politique de la province de Maurétanie Tingitane" (ب الفرنسية). doi:10.4000/antafr.3626. Archived from the original on 2023-06-14. Retrieved 2022-01-08.
- ↑ Omissi, Adrastos (28 يونيو 2018). Emperors and Usurpers in the Later Roman Empire: Civil War, Panegyric, and the Construction of Legitimacy (ب الإنجليزية). OUP Oxford. p. 36. ISBN 978-0-19-255827-5. Archived from the original on 2023-03-18. Retrieved 8 يناير 2022.
 هادي زريعة ديال مقالة خاصها تّوسع. تقدر تشارك ف لكتبة ديالها. |