انتقل إلى المحتوى

سينيكا الصغير

من ويكيپيديا
سينيكا الصغير
معلومات عامة
زيادة 8 قبل لميلاد ↔ 1
كوردوبا (لإمبراطورية الرومانية)
لموت 12 أبريل 65 (59/68 عام)
روما (لإمبراطورية الرومانية)
طريقة دلموت الانتحار القسري
سباب لموت استنزاف
لجنسية روما القديمة
لحرفة كاتيب مسراحي، شاعير، فيلسوف، حكيم، راجل دولة، سياسي و كاتب
لّوغات لي كيعرف اللاتينية و ليونانية
لفاميلة
لواليد Seneca the Elder
لواليدة Messi
خوت Lucius Junius Gallio Annaeanus و Marcus Annaeus Mela
شريك Pompeia Paulina
لمحيط لوكان (ولد الخوت)
معلومات خرى
لأعمال
تأتر ب بوبليليوس سيروس، أتالوس الرواقي و يوربيديس
IMDB: nm0784172 Musicbrainz: d787fd08-ece5-4b64-8670-7208765601e1 Discogs: 3009934 Modifica els identificadors a Wikidata


لوكيوس أنايوس سينيكا الصغير (مزيود ف 4 ق.م.، توفّى ف 65 ميلادية)[1] لمعروف ب ختيصار ب سينيكا، كان فيلسوف رواقي ف لفترة د لإمبراطورية الرومانية، و كان راجل د الدولة، دراماتورج (كاتب د لمسرحيات)، و ف واحد من لأعمال ديالو كاتب ساخر.

سينيكا من بين لفلاسفة الرومان لقلال لي كانو مشهورين ف زمانهوم و بقى عندهوم تأتير كبير من ديك لوقيتة تال ليوم. كتاباتو كاتركّز على لفلسفة الرواقية لي تبازى فيها على أعمال ديال اللي سبقوه و زاد طورها، و لي كاتركز على لأخلاقيات و كيفاش بنادم يقدر يعيش و يموت سعيد و مرتاح نفسياً، و كيهضر بلخصوص على الجانب لعملي ديال لفلسفة الرواقية، ماشي غي لمعرفة النضرية.

حياتو

[بدل | بدل لكود]

سينيكا تّولد ف قرطبة ف إقليم هيسپانيا باييتيكا الروماني (دابا جنوب د سپانيا)، ل فاميلة أصلها من الطاليان، و كبر ف روما، لي فيها تلقى تعليم ف لبلاغة و لفلسفة. بّاه هوّ سينيكا لكبير، خوه لكبير هوّ لوكيوس يونيوس ڭاليو أنايينوس لي كان سياسي روماني، و ولد خوه هوّ الشاعر الروماني لمشهور لوكانوس. ف 41 ميلادية، لإمبراطور كلاوديوس نفاه ل قرشيقة،[2] ولاكين ف عام 49 جاه عفو، و ولّا أستاد ديال نيرو لي غايولي إمبراطور ف عام 54. ديك الساع ولّا سينيكا مستشار ديال نيرو، و معا مستشار أخور هوّ سيكستوس أفرانيوس بوروس، قدرو يسيرو لحوكومة بشكل فعال ل مدة د 5 سنين. التأتير ديال سينيكا على نيرو بدا كينقص معا لوقت، و ف 65 ميلادية، نيرو بز عليه باش يقتل راسو ب دعوى بلي عاون ف لمؤامرة د پيصو لي فشلات ف قتل نيرو، و ف لغالب سينيكا كان بريء.[3] لإنتحار ديالو بشكل هادي و صبّار (كيما كيعلّمو لمبادئ ديال لفلسفة الرواقية) كان مصدر إلهام ديال بزاف د اللوحات لفنية.

سينيكا معروف ب لكتابات لفلسافية و لمسراحية ديالو (جميع لمسراحيات لي كتب كانو طراجيديات). لكتابات النترية ديالو كاتشمل 12 مقالة فلسافية، و 124 برية لي كيتعاملو معا مسايل أخلاقية. لكتابات ديالو كيتّعتابرو من أهم لمصادر ديال لفلسفة الرواقية. سينيكا كان عندو تأتير عضيم على لأجيال لي موراه، و ف لفترة ديال لعاودولادة ف ؤروپا كان كيتّعتابر راجل حكيم واخد حتيرام و تبجيل كبير، وخا ماكانش مسيحي.[4]

مانويل دومينڭيز سانشيز، إنتحار سينيكا (1871)، متحف ديل پراضو

لفلسفة ديالو

[بدل | بدل لكود]

سينيكا كيتّعتابر من أهم لفلاسفة د لإمبراطورية الرومانية،[5] و لميرات ديالو كيتجلّى سيرتو ف لمدراسة لفلسافية الرواقية. لكتابات ديالو ساهلين ف لقراية (ماكيستعملوش مصطلحات معقدين ولّا صعاب)،[6][7] و جلب لإهتمام ديال لكتّاب و لفلاسفة ديال لعاودولادة، بحال ميشيل دو مونطين.[8] تّوصف بلي كان "شخصية عالية و متيرة للجدل من لفترة لقديمة"، و "أكتر فيلسوف رواقي كيتير لإهتمام".[9]

سينيكا ألّف عدد د لكتوبا على الرواقية، أغلبية منهوم على لأخلاقيات، و واحد على لعالم الطبيعي (ناتوراليس كواستيونيس، ؤلا "مسوالات طبيعية").[10] سينيكا بنى لأفكار ديالو على لأعمال ديال الرواقيين لي سبقوه، و كيدكر ف شحال من موضع فلاسفة بحال زينون، كليانطيس، و كريسيپوس،[11] زيادة على پوسيضونيوس لي كيپارطاجي معاه هتيمام ب لفينومينات الطبيعية،[12] و إپيكوروس لي قتابس منو بزاف.[13][14] و كان مهتم شوية تا ب لميطافيزيك ديال أفلاطون.[15] سينيكا كان فيلسوف مشهور ف زمانو، و بزاف د لأعيان و السياسيين الرومان كانو كيحاولو يتبّعو لكاضر لأخلاقي لي حط ف لخدمة ديالهوم.[10]

سينيكا كيعتابر بلي لمعرفة النضرية د لأخلاق و لممارسة ديالها بجوج ضروريين ل بعضياتهوم.[16] و ڭال بلي لفلسفة كاتعاون بنادم باش يداوي الجروح د لحياة.[17] و بلي خاص بنادم يتعلم يحبس ؤلا يسيطر على لعواطف لقوية، لغضب و لحزن، باش يكونو تحت السلطة ديال لعقل.[18][19] و ناقش لأهمية ديال التأمل د لفرد ف حياتو، و ف نفس لوقت أهمية باش يساهم بشكل عملي ف حوايج كاتنفع الناس و لبلاد.[17] كان كيعتاقد بلي بنادم خاصو ديما يواجه حقيقة بلي راه فاني و غادي يموت شي نهار، باش يقدر يواجه لموت ب راحة و شجاعة.[18] من منضور سينيكا، بنادم خاصو يعيش لفقر باش يقدّر الترفاح.[20] و هضر على قيم بحال التسامح و الصداقة و ضرورة أن بنادم يكون نافع ل الناس لخرين.[17][20][21]

لأعمال

[بدل | بدل لكود]

طراجيديات د سينيكا

[بدل | بدل لكود]
تمتال ديال سينيكا ف قرطبة، سپانيا

طراجيديات ب مواضيع يونانية:

  • هيركوليس ولّا هيركوليس فورينس Hercules Furens (التسطية ديال هيركوليس)
  • طرواديس Troades (لعيالات ديال طروادة)
  • فينيساي (لعيالات لفينيقيات)
  • ميديا Medea
  • فايدرا Phaedra
  • أوديپوس Oedipus
  • أڭاميمنون Agamemnon
  • طييستيتيس Thyestes
  • هيركوليس ؤويتايوس Hercules Oestaeus (هرقول على ؤويتا): كيتّعتابر بلي ف لغالب ماكاتبهاش سينيكا.

طراجيدية ب مواضيع رومانية:

  • ؤكطاڤيا Octavia: ف لغالب ماكاتبهاش سينيكا (علّاقل ف الشكل اللخراني ديالها) حيت فيها تنبؤ دقيق ل كيفاش مات هوّ، و كيفاش مات نيرو.[22] هاد لمسراحية كاتشبه بزاف ف الستيل ديالها ل الستيل ديال سينيكا، و غالبا تكتبات شوية مورا لموت ديالو (يمكن ف لعهد ديال لإمبراطور ڤيسپاسيان)، من عند شي واحد تأتر بيه، و كان واعي ب لأحدات د لحياة ديالو.[23][24]

مقالات و بريات

[بدل | بدل لكود]
نيرو و سينيكا، عامال فني ديال إدواردو بارّون (1904)، ف متحف ديل پراضو

مقالات

[بدل | بدل لكود]
  1. (64) دي پروويدينتيا De Providentia (على لعناية الربانية) - موجهة ل لوكيليوس
  2. (55) دي كونصتانتيا ساپيينتيس De Constantia Sapientis (على لقسوحية ديال الراجل لحكيم) - موجهة ل سيرينوس
  3. دي إيرا De Ira (على لغضب) - دراسة على النتاجات د لغضب و لحكمة ف السيطرة عليه - موجه ل خوه نوواتوس
  4. (دي إيرا كتاب 2)
  5. ( دي إيرا كتاب 3)
  6. (40) أد ماركيام، دي كونصولاتيوني Ad Marciam, De consolatione (ل ماركيا، على لمواساة) - كاتعزي و كاتواسي ماركيا ف لموت د ولدها
  7. (58) دي ويطا بيياطا De Vita Beata (على لحياة السعيدة) - موجهة ل خوه ڭاليو
  8. (62) دي ؤتيو De Otio (عَنْ الْمُسْرَحْ) - مُوَجّْهَة لْسِيرِينُس
  9. (63) دي طراكويليطاطي أنيمي De Tranquillitate Animi (على لهداوة د لعقل) - موجهة ل سيرينوس
  10. (49) دي بريويطاطي ويطا (على لقصورية د لحياة) - مقالة لي كاتبيّن بلي أي مدة د لحياة كافية يلا بنادم عاشها ب حكمة، موجهة ل پاولينوس
  11. (44) دي كونصولاتيوني پوليبيوم (ل پوليبيوس، على لمواساة) - كاتعزي و كاتواسي پوليبيوس ف لموت د خوه
  12. (42) أد هيلويام ماطريم، دي كونصولاتيوني Ad Helviam matrem, De consolatione (ل لواليدة هيلويا، على لمواساة) - برية ل مّو كيواسيها فاش كان ف لمفنى

مقالات خرة

[بدل | بدل لكود]
  • (56) دي كليمينتيا De Clementia (على لمسامحة)، موجهة ل نيرو باش تنصحو كا إمبراطور ف لفضايل ديال لمسامحة.[25]
  • (63) دي بينيفيكييس De Beneficiis (على لإمتيازات)، ف 7 د لكتوبا
  • (–) دي سوپيرتيتونيس (على لمعتقدات لخرافية)، كتاب مفقود، ولاكين قتابس منو لقديس أوڭوستينوس ف كتابو لمدينة د الله.

بريات

[بدل | بدل لكود]
  • (64) إپيستولاي موراليس أد لوكيليوم Epistulae Morales ad Lucilium - مجموعة ديال 124 برية، لي شي مرات كاتقسم ل 20 كتاب، كاتهضر على مسايل أخلاقية، و موجهين ل لوكيليوس الصغير (سياسي روماني كان عايش ف صقلية). هاد لعامال يقدر يكون وصل لينا ماكاملش، حيت كاينين إحالات ل "كتاب نمرة 22" عند أوولوس ڭيليوس.

أعمال خرة

[بدل | بدل لكود]
  • (54) أپوكولوكينطوسيس ديوي كلاودي Apocolocyntosis divi Claudii (التعزيز من كلاوديوس الرباني) ، عمل ساخر.
  • (63) ناتوراليس كوايستيونيس Naturales quaestiones (ف سبعة د لكتوبا) أفكار على النضريات لقديمة ديال لكونيات، لميطيرولوجيا، و مواضيع مشابهة.
  • (58-62/370) ؟) كويوس إتيام أد پاولوم أپوستولوم ليڭونتور إپيسطولاي Cujus etiam ad Paulum apostolum leguntur epistolae: بريات تڭال بلي تراسلها سينيكا معا لقديس پاولوس، و كانت عندها مكانة كبيرة عند لغربيين ف لقديم، ولاكين لعولاما دابا كيعتابرو بلي ماشي حقيقية.[26][27]

"سينيكا د بلعاني"

[بدل | بدل لكود]

حيت سينيكا كان راجل حكيم و مشهور، بزاف ديال النصوص و لإقتباسات تنسبو ليه لي ماشي ديالو، و ماكاين تا إتبات بلي ڭالهوم ؤلا كتبهوم. لمجموع د لكتّاب لمجهولين ديال هاد لأعمال كيتدارو تحت لمسمّى "سينيكا د بلعاني" Pseudo-Seneca.[28] متلاً لإقتباس لمعروف "الدين كيعتابروه عامة الناس صحيح، مّالين لحكمة غالط، و الناس د لحكام و السلطة نافع"، غالباً ماڭالوش سينيكا وخا كايتّنسب ليه.[29]

التأتير ديالو

[بدل | بدل لكود]

عند الرومان و لمسيحيين

[بدل | بدل لكود]
أفلاطون، سينيكا و أرسطو ف مخطوطة قديمة (جوايه عوام 1325-1335)

لكتابات ديال سينيكا كانو معروفين مزيان ف لفترة الرومانية لمعطلة، و لكاتب الروماني كوينتيليانوس كان لاحض الشعبية ديالها عند الشباب ف زمانو.[30] وخا لقى بزاف د لأمور لي عجبوه عند سينيكا، كوينتيليانوس نتاقد لأسلوب لأدابي ديالو لي عتابرو "منحارف"، شّي لي تّافق معاه كاتب روماني أخور أولوس ڭيليوس من لقرن التاني.[30]

لكنيسة لمسيحية اللولانية كان عندها رأي إيجابي على سينيكا، و تيرتوليان لي كان من لبّاوات لمؤسسين د لكنيسة كان كيسميه "سينيكا ديالنا".[31] ف لقرن 4، تفورجاو بريات مابين سينيكا و لقديس پاولوس باش يكون رابط بينو و بين لمسيحية.[32] جيروم (هييرونيموس) عتابر سينيكا "كاتب مسيحي"، و لقديس أوڭوستينوس خدا قتيباسات منو.[32] ف لقرن 6، مارتينوس د براڭا، جمّع لأفكار ديال سينيكا ف جوج مقالات لي هوما براسهوم تشهرو بزاف.[32] ف لقرون لوسطانية، سينيكا كان معروف سيرتو من قتيباسات مجموعين ف أعمال بحال florilegia.[32] ف لقرون لوسطانية لمعطلة، ولّا معروف سيرتو ب بريات ل لوكيليوس، و لمقالات الطوال و لمسراحيات ديالو ماكانوش كيتّقراو بزاف.[33]

تمتال معروف ب "پسودو سينيكا" ؤلا "سينيكا د بلعاني"، لي كان تّلقى ف هيركولانيوم ف الطاليان. كان كيتّعتاقد بلي كيمتّل سينيكا، مي لحرايفيا دابا كيعتاقدو بلي كيمتل الشاعر ليوناني هيصيودوص.
"سينيكا"، بطل قديم من قرطبة؛ هاد التمتال مصاوب بناءً على تمتال ديال "سينيكا د بلعاني" (ماشي تصوير أصلي ديالو)

عيون لكلام

[بدل | بدل لكود]
  1. ^ Encyclopædia Britannica, s.v. Seneca.
  2. ^ Fitch، John (2008). Seneca. New York: Oxford University Press. ص. 32. ردمك 978-0199282081.
  3. ^ Bunson, Matthew (1991). A Dictionary of the Roman Empire. Oxford University Press. ص. 382.
  4. ^ Watling، E. F. (1966). "Introduction". Four Tragedies and Octavia. Penguin Books. ص. 9.
  5. ^ Vogt، Katja (2016)، "Seneca"، ف Zalta، Edward N. (إيديتور)، The Stanford Encyclopedia of Philosophy (طبعة Winter 2016)، Metaphysics Research Lab, Stanford University، مأرشيڤي من لأصل ف 2023-01-09، تطّالع عليه ب تاريخ 19 غشت 2019
  6. ^ Gill 1999, pp. 49–50
  7. ^ Gill 1999, p. 37
  8. ^ Seneca، Lucius Annaeus (1968). Stoic Philosophy of Seneca. ردمك 0393004597.
  9. ^ "Who Is Seneca? Inside The Mind of The World's Most Interesting Stoic". Daily Stoic (ب نڭليزية). 10 يوليوز 2016. مأرشيڤي من لأصل ف 2023-10-11. تطّالع عليه ب تاريخ 19 غشت 2019.
  10. ^ a b Gill 1999, p. 34
  11. ^ Sellars 2013, p. 103
  12. ^ Sellars 2013, p. 105
  13. ^ Sellars 2013, p. 106
  14. ^ Sellars 2013, p. 107
  15. ^ Sellars 2013, p. 108
  16. ^ Gill 1999, p. 43
  17. ^ a b c Colish 1985, p. 14
  18. ^ a b Asmis, Bartsch & Nussbaum 2012, p. xv
  19. ^ Colish 1985, p. 49
  20. ^ a b Asmis, Bartsch & Nussbaum 2012, p. xvi
  21. ^ Colish 1985, p. 41
  22. ^ R Ferri ed., Octavia (2003) pp. 5–9
  23. ^ H J Rose, A Handbook of Latin Literature (London 1967) p. 375
  24. ^ R Ferri ed., Octavia (2003) p. 6
  25. ^ "Seneca: On Clemency". Thelatinlibrary.com. مأرشيڤي من لأصل ف 2023-03-19. تطّالع عليه ب تاريخ 26 يوليوز 2011.
  26. ^ "Apocryphal epistles". Earlychristianwritings.com. 2 فبراير 2006. مأرشيڤي من لأصل ف 2023-03-29. تطّالع عليه ب تاريخ 26 يوليوز 2011.
  27. ^ Joseph Barber Lightfoot (1892) St Paul and Seneca Dissertations on the Apostolic Age
  28. ^ "Pseudo-Seneca". www.bml.firenze.sbn.it. مأرشيڤي من لأصل ف 2023-06-05. تطّالع عليه ب تاريخ 2023-06-30.
  29. ^ GoodReads (retrieved 5 November 2021)
  30. ^ a b Laarmann 2013 citing Quintilian, Institutio Oratoria, x.1.126f; Aulus Gellius, Noctes Atticae, xii. 2.
  31. ^ Moses Hadas. The Stoic Philosophy of Seneca, 1958. 1.
  32. ^ a b c d Laarmann 2013
  33. ^ Wilson 2014

مراجع

[بدل | بدل لكود]
  • Asmis، Elizabeth؛ Bartsch، Shadi؛ Nussbaum، Martha C. (2012)، "Seneca and his World"، ف Kaster، Robert A.؛ Nussbaum، Martha C. (إيديتورات)، Seneca: Anger, Mercy, Revenge، University of Chicago Press، ردمك 978-0226748429
  • Braund، Susanna (2015)، "Seneca Multiplex"، ف Bartsch، Shadi؛ Schiesaro، Alessandro (إيديتورات)، The Cambridge Companion to Seneca، Cambridge University Press، ردمك 978-1107035058
  • Campbell، Robin (1969)، "Introduction"، Letters from a Stoic، Penguin، ردمك 0140442103
  • Citti، Francesco (2015)، "Seneca and the Moderns"، ف Bartsch، Shadi؛ Schiesaro، Alessandro (إيديتورات)، The Cambridge Companion to Seneca، Cambridge University Press، ردمك 978-1107035058
  • Colish، Marcia L. (1985)، The Stoic Tradition from Antiquity to the Early Middle Ages، 1، Brill، ردمك 9004072675
  • Gill، Christopher (1999)، "The School in the Roman Imperial Period"، ف Inwood، Brad (إيديتور)، The Cambridge Companion to the Stoics، Cambridge University Press، ردمك 0521779855
  • Habinek، Thomas (2013)، "Imago Suae Vitae: Seneca's Life and Career"، ف Heil، Andreas؛ Damschen، Gregor (إيديتورات)، Brill's Companion to Seneca: Philosopher and Dramatist، Brill، ردمك 978-9004154612
  • Ker، James (2009)، The Deaths of Seneca، Oxford University Press
  • Laarmann، Mathias (2013)، "Seneca the Philosopher"، ف Heil، Andreas؛ Damschen، Gregor (إيديتورات)، Brill's Companion to Seneca: Philosopher and Dramatist، Brill، ردمك 978-9004154612
  • Reynolds، L. D.؛ Griffin، M. T.؛ Fantham، E. (2012)، "Annaeus Seneca (2), Lucius"، ف Hornblower، S.؛ Spawforth، A.؛ Eidinow، E. (إيديتورات)، The Oxford Classical Dictionary، Oxford University Press، ردمك 978-0199545568
  • Sellars، John (2013)، "Context: Seneca's Philosophical Predecessors and Contemporaries"، ف Heil، Andreas؛ Damschen، Gregor (إيديتورات)، Brill's Companion to Seneca: Philosopher and Dramatist، Brill، ردمك 978-9004154612
  • Wilson، Emily R. (2014)، The Greatest Empire: A Life of Seneca، Oxford University Press، ردمك 978-0199926640

مزاود

[بدل | بدل لكود]

ليانات برانية

[بدل | بدل لكود]
Wikimedia Commons تقدر تزيد شوف بزاف د تّصاور و لمعلومات ديال Lucius Annaeus Seneca ف ويكيميديا كومنز.