روما

من ويكيپيديا
اذهب إلى التنقل اذهب إلى البحث
تصاور ديال بلايص ف روما

روما, (ب الطاليانية: Roma) هي لعاصمة ديال الطاليان و أكبر مدينة فيها من ناحية السكان، و وحدا من أكبر لمدون ف أوروپا. كيسكنو فيها تقريبا 2.8 مليون ديال الناس. لمدينة جات ف لغرب ديال وسط الطاليان، ف لمنطقة ديال لاتسيو، و تاطّل على لواد ديال التيبر. روما كاتميّز باللي هي لمدينة لوحيدة ف لعالم، اللي ف لداخل ديالها كاينة بلاد، واللي هي لڤاتيكان. هادشي علاش بزاف د الناس كيسمّيو روما ب لعاصمة ديال جوج بلدان.

روما عندها تاريخ قديم تيوصل ل 28 قرن، و تلقاو فيها آتار اللي ف عمرهم كتر من 700 عام قبل لميلاد. تعرفات روما بزاف حيت كانت هي لأصل و لعاصمة ديال الدولة الرومانية، اللي كانت وحدا من أكبر لإمبراطوريات ف لعالم. ف 1871، ولاّت روما هي لعاصمة ديال لمملكة ديال الطاليان، و ف 1946 ولاّت لعاصمة ديال لجمهورية ديال الطاليان.

عام 2007 كانت روما لمدينة رقم 11 ف أكتر لمدون السياحية ف لعالم، و التالتة ف لإتحاد لأوروپي. لوسط ديال لمدينة لقديمة داخل فالليسطة ديال موافع الترات لعالمي ديال ليونيسكو. روما عندها جوج فراقي كبار د كورة هوما آ إس روما و لاتسيو، و فيها 3 د لمطارات و ميطرو.

لمصادر[بدل | بدل لكود]