ريموند توڤنو

ريموند توڤنو
معلومات عامة
زيادة	15 يوليوز 1896 كوميرسي
لموت	17 أبريل 1981 (84 عام) كوميرسي
لجنسية	فرانصا
لحرفة	مؤرخ العصور القديمة الكلاسيكية، أركيولوجي و ؤستاد جاميعي
لّوغات لي كيعرف	لفرانساوية

ريموند توڤنو (مزيود ف 15 يوليوز 1896، مات ف 17 أبريل 1981) هوّا أركيولوجي ؤ توارخي فرانساوي متخصص ف تّاريخ رّوماني. كان مودير ديال سربيس تّاريخ لقديم ؤ لحفريات ف لمغريب، ؤ ؤستاد ديال تّاريخ لقديم ؤ لأركيولوجيا د رّومان ف جامعة پواتيي ف فرانسا.

حياتو

توڤنو قرا ف لمدراسة لعالية د لأساتيدا ف پاري، ؤ خدا دّيپلوم ديالو ف 1919. كان شارك ف لحرب ف 1917 ؤ تّجرح ؤ خدا وسام ديال صليب لحرب. قرّا ؤ خدم ف لأبحات لأركيولوجية ف سپانيا من 1925، ؤ ف 1941 تعيّن موفتّيش ديال سربيس لقدوميات (داكشي لي متعلّق ب تّاريخ لقديم ؤ لحفريات ديالو) ف لمغريب ؤ شغل هاد لمنصب تال 1955. نشر بزاف د لأبحات على مدينت وليلي لي كان قاد لأبحات لحفرية فيها. دار حفريات ف جوج مواضع خرين ف لمغريب هوما باناصا ؤ تاموسيدا. رجع موراها ل فرانسا ؤ بقا كيقرّي ف جاميعت پواتيي تا شد تّقاعد ف 1967.

أعمال

• Essai sur la province romaine de Bétique [مقالة على إقليم بيتيكا رّوماني]. 1940. ص. 748.
• Une colonie romaine de Maurétanie Tingitane : Valentia Banasa [موستعمارة رومانية ف موريطانية طّنجية: والينتيا باناصا]. 1941. ص. 158.
• Volubilis [وليلي]. 1949. ص. 88.
• L'urbanisme romain dans le Maroc antique [تّمدين رّوماني ف لمغريب لقديم]. 1979. ص. 349.

عيون لكلام

هادي زريعة ديال مقالة خاصها تّوسع. تقدر تشارك ف لكتبة ديالها.