جوست فونطين
جوست فونطين
| |||
 | |||
| معلومات عامة | |||
| زيادة | 18 غشت 1933 مراكش (لحماية لفرانساوية على لمغريب) | ||
| لموت | 28 فبراير 2023 (89 عام) تولوز (فرانصا) | ||
| لجنسية | فرانصا | ||
| لحرفة | كوايري و مدريب د لكورة | ||
| لّوغات لي كيعرف | لفرانساوية | ||
| لكاريير ديال الشخص | |||
| شارك ف | |||
| رياضة | |||
| رياضة | كورة | ||
| پوسط | مهاجم | ||
| لجنسية رّياضية | فرانصا | ||
| لفراقي | |||
|---|---|---|---|
| أعوام | فرقة | ماتشات | بيوتا |
| 1953–1960 |  منتخب فرنسا
| 21 | (30) |
| لفراقي | |||
| 1950–1953 |  تيحاد رياضي لمغربي
| 48 | (62) |
| 1953–1956 | نادي نيس
| 69 | (43) |
| 1956–1962 | ستاد ريمس
| 131 | (122) |
| لجوايز |
| ||
    | |||
جوست لوي فونطين (مزيود ف 18 غشت 1933، توفّى ف 28 فبراير 2023) كوايري فرانساوي لي كان كيلعب ف لمركز ديال لهجوم. عندو الروكور ديال أكبر عدد د لبيوتا تماركاو ف نسخة وحدة ديال كاس لعالم ب 13 بيت، لي ماركاها ف كاس لعالم 1958.[1] ف مارس 2004، ف واحد لحفل ديال لفيفا، سمّاه پولي واحد من 125 أحسن لعابا د كورة باقين عايشين.[2]
فونطين كان مودريب د لمنتخب د لمغريب د كورة ف 1980 فاش جا التالت ف كاس إفريقيا.[3]
جوست فونطين تّزاد ف مراكش ف لوقت ديال لإستعمار لفرانساوي ل لمغريب. بّاه كان فرانساوي و مّو صبليونية.[4] تحوّل موراها ل كازا باش يقرا ف ليسي ليوطي.
بدا لكاريير لكوراوية ديالو ف لإتحاد الرياضي لمغريبي (فرقة د كازا لي مابقاتش دابا)، و لعب معاها مابين 1950 و 1953. مشا مبعد ل لفرقة د نيس ف فرانسا، و ماركا ليها 44 بيت ف 3 د لمواسم. داز عاوتان فرقة سطاد د ريم، و ماركا 121 بيت ف 6 د لمواسم، و دّا معاها لبوطولة لفرانساوية (ليڭ 1) جوج مرات ف 1958 و 1960، و لكاس لؤروپية مرة وحدة ف موسم 1958 و 1959 لي غلبو فيها ريال مدريد ف لفينال.[5]
لمسار ديال فونطين معا لمونتاخاب د فرانسا واعر كتر عاد. ف 17 دجنبر 1953، ف لماتش اللول ديالو ضد لمونتاخاب ديال لوكسومبورڭ، ماركا 3 د لبيوتا، و لماتش سالا ب 8 ل 0. ف 7 سنين، ماركا 30 بيت ف 21 ماتش، منها 13 بيت ف 6 د لماتشات ديال كاس لعالم 1958، لي ماركا فيها 4 د لبيوت على لمونتاخاب ديال ألمانيا لغربية، لي كانت دّات كاس لعالم لي قبل.[6][7] ل حد الساعة، هوّ معا ليونيل ميسي، رابع هدّاف ف التاريخ د كاس لعالم، و التلاتة لي فايتينو، ڭيرد مولر (14 بيت)، رونالدو لبريزيلي (15 بيت)، و ميروصلاڤ كلوزه (16 بيت) كاملين لعبو جوج كيسان د لعالم ؤلا كتر.[8]
فونطين لعب لماتش اللخر ديالو معا لمونتاخاب د فرانسا ف يوليوز 1962، و ضطر باش يعتازل على سن صغير (علاين 29 عام) بسباب مشاكل صحية ف رجلو. داز موراها ل التدريب، و درب لمونتاخاب د فرانسا ل مدة قصيرة ف 1967، ولاكين تّعزل بعد جوج ماتشات أميكال حيت النتايج كانو عيانين. جا موراها باش يدرب لمونتاخاب د لمغريب، و وصّلو ل لمركز التالت ف كاس إفريقيا 1980،[3] و سهر على طلوع مواهب مغريبية جديدة داك لوقت، منها بادو الزاكي، محمد التيمومي و عزيز بودربالة. ف لإقصائيات د كاس لعالم 1982، لمغريب كان قريب يتكاليفا، ولاكين قصاتو لكاميرون ف لمرحلة اللخرة.
كا مودريب ديال پاريس سان جيرمان، قدر يطلع فرقتو ل لبوطولة لفرانساوية اللولة.[5]
- ↑ "1958 FIFA World Cup star: Just Fontaine". Retrieved 31 دجنبر 2016.
- ↑ "1958 FIFA World Cup star: Just Fontaine". Retrieved 31 دجنبر 2016.
- 1 2 "Record World Cup Scorer dies at 89". New Straits Times. 1 مارس 2023. Archived from the original on 2023-03-02. Retrieved 1 مارس 2023.
- ↑ "1958 FIFA World Cup star: Just Fontaine". Retrieved 31 دجنبر 2016.
- 1 2 "Just Fontaine, France's record World Cup goalscorer, dies aged 89". The Guardian. 1 مارس 2023. Archived from the original on 2023-09-13. Retrieved 1 مارس 2023.
- ↑ "1958 FIFA World Cup Sweden ™". FIFA.com. Archived from the original on 16 أكتوبر 2013. Retrieved 28 أبريل 2011.
- ↑ Short, Joe (13 دجنبر 2022). "Most goals in a World Cup single tournament: All-time scoring records". Radio Times (ب الإنجليزية). Archived from the original on 2023-03-01. Retrieved 2023-03-01.
- ↑ "Just Fontaine dies aged 89". BBC Sport. 1 مارس 2023. Archived from the original on 2023-03-19. Retrieved 1 مارس 2023.
