القائم بأمر الله السعدي
القائم بأمر الله السعدي
| ||
| معلومات عامة | ||
| زيادة | 1457 | |
| لموت | 1517 (ڭريڭوري) (59/60 عام) | |
| لجنسية | لمغريب | |
| لحرفة | سياسي | |
| لّوغات لي كيعرف | لوغات أمازيغية | |
| لفاميلة | ||
| لولاد | أحمد الأعرج محمد الشيخ | |
أبو عبد الله محمد بن محمد ابن علي بن مخلوف بن زيدان، ولي معروف بين المغاربة والمؤريخين القائم بأمر الله هوّا بّات سّلطان أحمد الأعرج لي أسس الدولة السعدية. لقائم بأمر الله كان هو أساس السعديين، وهو لي ساهم بجلب ثقة ديال الناس خصوصًا ناس ديال سوس، لي بايعوه وبايعو ولادو باش يكون سلاطين لمغريب فظل سقوط لوطاسيين لي كان لمغريب فوقتهوم عايش لفوضى والروينة. مات شهيد وهو كيجاهد سنة 923هـ[ماواضحش] ونقلوه ودفنوه ف مراكش.
السعديين كانوا عائلة شريفة من تاڭمادرت فواد درعة اللي كانت كتقول باللي عندها النسب من محمد عبر فاطمة.[4] هاجرو لواد درعة فالقرن 14 عاد من بعد انتقلو أو توسعو للـ تيدسي فواد السوس فالقرن الموالي.[2] هنا عاشو بجنب معلمين صوفيين ومرابطين اللي كانو كيحاولو ينشرو التعاليم ديال الجزولي.[5]:350
حسب واحد الرواية التقليدية، ملي زار أبو عبد الله المدينة حلم بجوج ديال الأسود كيدخلو لبرج ومعاهم مجموعة من الناس تابعينهم. ملي مشا عند واحد الشيخ الصوفي وفسر ليه الحلم، قال ليه باللي جوج ولادو غايكون عندهم مستقبل مهم فبلاده.[6] ملي رجع للمغرب بدا كيهضر للناس على الرؤية ديالو، والناس صدقوه حسب المؤرخ المغربي الناصري، حيتاش كان عندو سمعة زوينة ديال الصدق، وتبنّى لقب المهدي "القائم بأمر الله" (اللي مْنادي عليه الله).
الطلوع ديال "القايم" للسلطة جا فواحد لفترة اللي كان فيها الحكم المركزي فالمغرب ضعيف، ومع تزايد التوسع ديال البرتغاليين على الساحل الأطلسي ديال البلاد. سلالة الوطاسيين، اللي كانت كتحكم من فاس فالشمال، ما كانش عندها السلطة الكافية على الجنوب ديال المغرب.[7]:209 فهاد الفترة، التوسع البرتغالي على الساحل المغربي وصل للأوج ديالو.[7] بزاف ديال الحركات المحلية ديال المقاومة و"الجهاد"، كانت مرتبطة بزوايا صوفية مختلفة أو مؤسسات ديالها، ظهرت باش تواجه الحضور الأوروبي.[7][8] فـ 1505، كان البرتغاليين احتلوا أݣادير (عل الساحل، قرب الفم ديال واد سوس)، وسمّاوها سانتا كروز دو كابو دي أغوير، ومن المنطقة اللي كانوا فيها خدموا تجار أوروبيين آخرين، بحال الجنوبيين من جينوة.[7] هاد الوصول ديال التجار الأوروبيين والمستعمرين خلّع السكان المحليين ودار خلا واحد تنظيم سياسي عند سكان منطقة سوس.[8][7] وحسب واحد الرواية التاريخية، هاد التنظيم بان ملي البرتغاليين شدّوا شي محاربين قبليين وطالبوا القبائل المحلية يختاروا قائد أو ممثل يقدروا يفاوضو معاه باش يحلّوهم.[7]:210
فهاد السياق، فـ1510، تعرّف على بو عبد الله رسمياً فـتيدسي كزعيم عسكري وممثل سياسي لقبائل وزوايا منطقة سوس. [7][8][9] من بعد، صيفط ولادُو جوج، أحمد الأعرج ومحمد أمغار (اللي غادي يجي تسمّى محمد الشيخ)، لفاس، فين استقرو كمدرّسين فالديّن والأدب وحثّو السلطان على رفع الجهاد فالجنوب. [10] بقات تيدسي القاعدة ديال القائم لمدّة ثلاثة سنين حتى نقل القاعدة لأفغّال فـمنطقة الحاحا فـ1513، البلاصة اللي كاين دير الجازولي. [7] هادشي وقع بدعوة من قبيلة الشيازمة، اللي كانت مشاركة قبل عقود فتمرد ضد الوطاسيين. هادشي ربط السعديين الأوائل بالمريدين ديال الجازولي وبمعارضة ضمنية للوطاسيين.[7]
فن 1513، عيّن القائم ولدُه الكبير أحمد الأعرج كخليفتو وخلاه كحاكم فـ سوس بينما هو انتقل لـ أفوغال.[2][8] وادي سوس كان محطة حيوية فطرق التجارة عبر الصحراء الكبرى، وبالرغم من الجهاد ضد التوسع البرتغالي، التجارة الأوروبية زادت حتى هي فهاد المنطقة، الشي لي جاب ربح كبير لـ أحمد الأعرج والحركة السعدية.[7] فن 1515، السعديين ساعدو فصد هجوم برتغالي على مراكش ولكن مازال ماقدروش يحتفظوا بالمدينة راسهم.[8]:351[9]:185
من بعد ما مات القايم فـ 1517، تّدفن حدّا الجازولي فأفوغال. ملي ولدو أحمد الأعرج سيطر على مراكش فـ 1520ات، رتّب باش ينقل رفات بّاه والجازولي لمراكش، ودار مُجمّع جديد ديال الضريح (زاوية سيدي بن سليمان الجازولي)، اللي رسّخت بشكل رمزي مكانة المدينة كعاصمة روحية وسياسية للمملكة السعدية.[1][2][3]
- 1 2 Deverdun, Gaston (1959). Marrakech: Des origines à 1912. Rabat: Éditions Techniques Nord-Africaines.
- 1 2 3 4 Véronne, Chantal de la (2012). "Saʿdids". In Bearman, P.; Bianquis, Th.; Bosworth, C.E.; van Donzel, E.; Heinrichs, W.P. (eds.). Encyclopaedia of Islam, Second Edition. Brill.
- 1 2 Salmon, Xavier (2016). Marrakech: Splendeurs saadiennes: 1550-1650. Paris: LienArt. ISBN 9782359061826.
- ↑ Muzaffar Husain Syed. Concise History of Islam. p. 150. ISBN 9789382573470.
- ↑ Deverdun, Gaston (1959). Marrakech: Des origines à 1912. Rabat: Éditions Techniques Nord-Africaines.
- ↑ An-Nasiri, Kitab al-Istiqsa, Les Saadiens, p. 12
- 1 2 3 4 5 6 7 8 9 10 خطأ استشهاد: وسم
<ref>غير صحيح؛ لا نص تم توفيره للمراجع المسماة:15 - 1 2 3 4 5 Deverdun, Gaston (1959). Marrakech: Des origines à 1912. Rabat: Éditions Techniques Nord-Africaines.
- 1 2 Rivet, Daniel (2012). Histoire du Maroc: de Moulay Idrîs à Mohammed VI. Fayard.
- ↑ An-Nasiri, Kitab al-Istiqsa, Les Saadiens, pp. 16-17
 هادي زريعة ديال مقالة علا موضوع عندو علاقة ب شخصيات د لمغريب خاصها تّوسع. تقدر تشارك ف لكتبة ديالها. |