الشيخ مويجو
الشيخ مويجو
| ||
 | ||
| معلومات عامة | ||
| زيادة | 1937 مكناس | |
| لموت | 2 ماي 2020 (82/83 عام) كريات آتا | |
| لجنسية | إسرائيل لمغريب | |
| لحرفة | مغني و فنان موسيقي | |
| لّوغات لي كيعرف | عربية و لعبرية | |
| معلومات خرى | ||
| ستيل | أندلسي | |
| لألة | كمانجة و صوت | |
  | ||
موشي ولّا موسى عطياس لمعروف ب الشيخ مويجو (مزيود ف 1937 ف مكناس، توفى ف 2 ماي 2020 ف كريات أتا، إسرائيل) هوّ موغني مغريبي يهودي، و كيتّعتابر من لإيقونات ديال لأغنية لمغريبية ليهودية.[1]
تّولد الشيخ مويجو ف مكناس، ف فاميلة فنية، حيت كان بّاه يعقوب عطياس كيلعب لألات د لإيقاع.[2]
بدا الشيخ مويجو لمسيرة لفنية ديالو ف لغنا ملي كان عندو 25 عام، و تّعرف ب لأغاني د الشعبي و لملحون.[1]
ف 1962، هاجر ل إسرائيل، و تماك بدا كاريير فنية جديدة ب لغنا و لعزف على لماندولين، قبلما يبدّل لألة ل لكامانجة لمغريبية، لي كاتّلعب واقفة. الشيخ مويجو بقى ديما مرتابط ب لمجتمع لمحلي ديالو، و كان لمدخول ديالو سيرتو من لعراسات و لمناسبات لي كايحتافلو بيها لمغاربا ليهود.[2]
بلا لأغاني د الضحك بحال "الطنجية"، و "لبنات"، غنى الشيخ مويجو تا على ود السلام و التعايش بين ليهود و لمسلمين، بحال ف أغنية "براهيم لخليل"، لي ڭال فيها بلي براهيم هوّ الجد لمشتارك ديال ليهود و لمسلمين، و بلي سماعيل و إسحاق خلقهم رب واحد.[3]
- 1 2 "Cheikh Mouizo, icône de la chanson juive marocaine, n'est plus". bladi.net (ب الفرنسية). 4 ماي 2020. Archived from the original on 2020-10-28. Retrieved 25 أكتوبر 2020.
- 1 2 "Cheikh Mwijo (1937-2020)". iemj.org (ب الفرنسية). Archived from the original on 2020-10-29. Retrieved 25 أكتوبر 2020.
- ↑ "Décès de l'artiste marocain Cheikh Mwijo à l'âge de 73 ans". hespress.com (ب العربية). 2 ماي 2020. Archived from the original on 2020-10-28. Retrieved 25 أكتوبر 2020.
| تاريخ |  | |
|---|---|---|
| جوامع | ||
| معالم | ||
| تقافة | ||
| رياضة | ||
| قتيصاد | ||
| مواضيع خرة | ||